هل ينفع اعمل جهاز انذار ووحدة رفع للشفرولية لانوس:majd(4):
هل ينفع اعمل جهاز انذار ووحدة رفع للشفرولية لانوس:majd(4):
اكيد ان شاء الله
اكيد ينفع ليه لأ
انا معايا لانوس 2007 والحمد لله ركبتلها وحدة رفع كانت تقريبا ب 80 جنيه والانذار كان فى نوعين نوع ب 70 ونوع تانى صينى ب 100
والسنتر كان ب 160
بس انا سمعت ان الشفرولية لانوس لا تنفع لانى فى مشكلة فى كهرباء للعربية:rfds:
لا ماعنديش فكره صراحه
بس اسأل الاول حد متخصص يكون فاهم قبل ما تعمل او تشترى اى حاجه
سيارتي دايو 2008 كاملة و ركبت لها انذار ووحدت رفع و شغالين بدون مشاكل و الحمد لله
مين إلي قال لك الكلام ده
انا معايا شيفورليه لانوس 2010 ومركب ليها وحدة رفع وإنذار وما فيش والحمد لله اي مشكلة
لا بأس يا أخى توكل على الله بس استنضف كهربائى كويس انا مركب وحدات رفع امامى وخلفى فى سيارتى نوبيرا 2007 وتعمل بكفائه
انا قبل ما اركب جهاز الإنذار اتصلت بالتوكيل علشان اعرف هما بيركبوا عندهم ولا لا علشان الضمان
الفرع بتاع المهندسين ردوا وقالوا لا احنا موش بنركب بس احنا بنعتمد محل كلاريون للتركيب علشان المحل ده هو إلي بيورد ليهم الكاسيتات وبالتالي وهو بيركب هياخد باله من الضفيرة
لنك لو ركبت بره ممكن الضفيرة تخرج من الضمان
المهم انا اتصلت ساعتها بمحلات كلاريون وعرفت ان ليهم فرعين واحد في شارع احمد عرابي في المهندسين والثاني في مصر الجديدة
انا ركبت انذار ووحدة رفع عند كلاريون مصر الجديدة تقريبا 155 شارع سانت فاتيما هو سابع عمارة بعد الكنيسة الحمراء علي اليمين من نوع سيمفاوني وهما بيستوردوا لحسابهم وبيدوك 3 سنين ضمان وصيانة
والسعر إلي هيقولوا عليه 225 جنيه للإنذار و 100 جنيه لوحدة الرفع وانت وشطارتك معاهم انا اخدتهم الأثنين بي300 جنيه والسعر ده بالتركيب وشغال كويس والحمد لله
ملاحظة اخيرة انا لما رحت صيانة 5000 اخذت معايا ضمان الإنذار إلي بيثبت ان كلاريون هما إلي مركبين الأنذار لكن في التوكيل لم يسألوني انت مركب الأنذار فين ولا غيره
لكن الشهادة لله هما تركيبهم وشغلهم كويس ونضيف
والله المستعان