الاسبيولر ده موجود فين !!!!!!!!!!!!!!

**shiref** · 14-05-2010 03:14 PM

يا جماعة في اسبويلر حديد عالي بتحط ل 128 هو عالي بس روعة شوفتة علي عربيات كتير حد يقولي هو موجود فين في المنصورة لاني لفيت علية كتير ما لقيتة

**م.محمد علاء** · 14-05-2010 03:17 PM

ممكن عموله عند أي ورشة خراطه

**magyver** · 14-05-2010 07:07 PM

امممممممممم
رحت عند مين في المنصورة ؟

**shiref** · 15-05-2010 12:38 AM

انا من دمياط بس بدرس في المنصورة و الشغل في السيارات في النصورة كتير و عايز حد لو يعرف حد بيبعها يوصف العنوان وانا اروح اجيبها و شكرا لكم

**AMA2** · 15-05-2010 02:53 AM

الأسبويلر الأصلى بيعمله حدود ألف جنيه و دا بيدى ثبات قوى جدا فى الملفات
الأسبويلر المنظر و شيك جدا بيعمله من 200 جنيه لحد 350 لو حاجة فوق الخيال لكن مش بيدى ثبات نهائى

**magyver** · 15-05-2010 04:03 AM

بص ياشريف
عندك اندر جروند وعند تاايجر
روح لتايجر عندة حاجات حلوة في سامية الجمل

**a_tharwat** · 16-05-2010 04:59 AM

المشاركة الأصلية كتبت بواسطة ama2

و دا بيدى ثبات قوى جدا فى الملفات

مفيش علاقة خالص بين السبويلر والمنحنيات. السبويلر بيدي ثبات لسيارات الدفع الخلفي على السرعات العالية.

**AMA2** · 16-05-2010 05:12 AM

يا ريت صاحب الموضوع يقولنا عمل أية فى الموضوع دة و يورينا صور للأسبويلر يمكن حد يقدر يفيده أكتر

**AMA2** · 16-05-2010 05:17 AM

المشاركة الأصلية كتبت بواسطة a_tharwat

مفيش علاقة خالص بين السبويلر والمنحنيات. السبويلر بيدي ثبات لسيارات الدفع الخلفي على السرعات العالية.

يا باشمهندس ثروت الأسبويلر بيدى ثبات فى السرعة العاليه فى الملفات + الطريق (يبقى أزاى مالوش علاقه)
أنا متأكد 100% من كلامى و الأعضاء هيقولولك دلوقتى بالظبط

**a_tharwat** · 16-05-2010 09:32 AM

السبويلر بيزود ضغط الهواء على السرعات العالية على ظهر العربية, فبيثبت العجل الخلفي في الارض.

لما العربية تمشي على سرعات عالية بتتكفي لقدام بسبب ضغط الهواء, وده مشكلة لو العربية دفع خلفي لان احتكاك العجل الخلفي بالارض بيقل, الاسبويلر بيعادل الموضوع ده.

كل الكلام ده مش اقل من 150 او 160 كلم/الساعة, اقل من كده مفيش اي حاجة بتحصل. ومحدش بياخد ملفات اصلا على السرعة دي, الا في فورميولا1, وفي الحالة دي العربية كلها معمول حسابها في الايرودينامكس, مش بس السبويلر.

عادي جدا ان كل واحد يبقى متاكد من كلامه بنسبة 100%, عشان كده انا مش باعرض انطباعاتي او ارائي الشخصية, لانها متهمش حد غيري, انا باعرض نظرية عمل السبويلر زي ماهي موجودة في اي موقع او كتاب بيتكلم عن ايروديناميكية السيارات.