ارجو انى اكون قدرت اقول حاجة تنفع الناسانا عامل الموضوع ده عشان كل اللي عنده اسهام اومشاركه ولو بسيطه في الموضوعات الاتيه ميبخلش بيها علينا
1- كيفيه العنايه الخارجيه للسياره خاصا انواع ملمعات الاجزاء الجلد السوداء او التبلوه وكذلك ملمعات الجنوط او الطاسات.
العناية الخارجية قل فيها الميه و استعمل اللى انت عايزه عشان البارومه و اعمل بولش او شمع للعربية كل 6 شهور يبقى كده البودى زى الفل
التابلوه جلد و بالتالى منتجات العناية بالجلود الأفضل للتابلوه و الأفضل فيها ارمور اول السفنجنه و البخاخه
ملمعات الجنوط فيه اسبراى لكل نوع الألمونيوم غير الأستانليس و افضلها ابرو الأمريكى
الطاسات مية بصابون و انساها
2- ما يراعي عند غسل غرفه المحرك في محطات البنزين خاصه ان الاوبل كله حساسات.؟؟
بامانة ربنا ابعد عن الموتور خالص و لو حبيت تغسله يبقى من غير مية يا فوم و هوا يا جاز على زيت و شوية فوم و هوا المية على المواتير دى بتخليها تتهبل
3- الزيت الامثل للفيكترا واغيره كل كام كم ؟؟.
بردوا فيه احتمالين
تخليقى و الأفضل شيل الترا و يليه فيسكو 5000 و ابعد عن موبيل
معدنى و ده انواع متقاربه عن تجربة ألأفضل فيسكو 3000 يليه شل الأصفر ( مستوى متقارب جداً ) التعاون الأصفر و زيت اسمه اس ال بتاع مصر للبترول - امارات مصر مش وحش بس مش اللى هو يعنى
و ده تبع موديل العربية و حالة المحرك
4- فلاتر البنزين كل قد ايه تتغير.؟؟
احنا فى بلد فيها اسوء بنزين فى العالم لو الفلتر عايز طقم الرشاشات او العربية بوجه عام تمشى كويس يبقى كل 20000 كم و لو مش كده كل سنه هو كله على بعضة بكام بس متنساش برضوا فلتر الهوا الخطير اللى لو اتسد هيخنق العربية و يوسخ حساس الماف ان وجد
5- لو لمبه زي لمبه فرامل اليد باظت نغيرها ولا نطنش.ولو هنغير بره التوكيل اللمبه الالماني تعمل كام.؟؟
مفيش حاجة اسمها تطنيش لأن اللمبة دى مش لفرامل اليد بس ده فيها تحذير فى حالة نقص الزيت عن المعدل المسموح بيه و اللمبة كلها لو اصلى المانى ب 7 جنيه
تغيرها فين دى مش مشكله الأهم عدم اهمالها
6- افضل انواع زيت البور وزيت الباكم للفيكترا.ويتغير كل قد ايه؟؟
زيت الباور الأفضل فى السوق الشل الفرنساوى و يليه فيسكو و يليه موبيل يتغير كل اد ايه دى اعتقد 50000 او لو لزوجته باظت خالص و ابتدا يطلع صوت مش ظريف من الباور
الباكم عن تجربة فيسكو الألمانى تحفه و يليه موبيل و دول اللى جربتهم و فيه انجليزى و فيه مصرى المهم يبقى دوت 4 و اللوكهيد محترم قوى يتغير لما يسود و كفاءة الفرامل تتغير بدون سبب واضح
7-في حاله ظهور خدش بالطلاء ولكنه بسيط وليس في النيه دهان السياره ما هو الحل الامثل لتغطيته.؟؟
البولش او قلم البوية و تتلمع العربية و قضيت على كده
8- لوشاشه المعلومات بايظه وعايزه تتغير تعمل كام تكلفه ومصنعيه.وتتجاب منين؟؟
تصليحها صعب و مقرف و فيه موضوع كامل هنا عن اصلاحها و طالما فكيت يبقى غير و دى انواع فى الفيكترا ايه غالية عشان الشاشة اللى عندنا مبتزلش بره مع اعتبار انه يمكن الأستغناء عنها لعدم اهميتها قوى بخلاف بتاعت الفيمترا بى و دى نوعين 2 سطر و اربعه سطر و السعر يتراوح ما بين 250-350 و فيه ليها دراع بيعمل 100 جنيه على ما اعتقد و دى تامر و فادى يفيدوك اكتر منى بمراحل فيها
المفضلات