الموضوع: للمتزوجين فقط...الشجعان فقط..لو رجع بيك الزمان؟

زى ما اسمهم ايه قالوا بالظبط

^^^ و نعم التدين :)

هو إلي أنا عايز أسأل عليه بجد و ياريت حد يقدر يقنعني، هي ليه الناس بتخلف و تجيب عيال؟... أنا سألت ناس متجاوزة و مخلفة، قالولي علشان نفرح و يشيلو اسمنا بعد لما نموت و كمان يخدو بالهم مننا لما نعجز...
أنا شايف إن ده تفكير اناني أوي، علشان الحياه دلوقت صعبة جدا و لازم تتعلم و تتعب و يطلع عينك و تشتغل علشان تعرف تعيش...
و بعدين أنا ازاي أجيب عيال و أقرفهم كدة فالدنيا ديه عشان استفاد منهم بعدين... أنا لو اتجوزت، عمري ما هخلف... يا ريت يكون حد عند سبب مقنع للخلفة...شكرا

المشاركة الأصلية كتبت بواسطة mena

انا شايف ان فكرة الجواز دي فكرة دخيلة على الجنس البشري تماما و ليست من الفطرة السليمة ابدا و طبعا لو رجع بيا الزمان لا كنت اتهببت ولا غيره و كان زماني راكب اجدع عربية فيكي يا بلد و ماشي مع حريم الأرض بس تقول ايه!! قلة عقل و هبل اكيد على الرغم اني لو فرض علي الزواج مرة اخرى لأخترت زوجتي ايضا لكن الحريم زي الفاكهة كل واحدة فيهم ليها طعم و لون و شكل و النفس تحب الزيادة دايما و كان زمان الواحد مقضيها في الشارع سكر و عربدة و حفلات ليلاتي و لف العالم و رحلات و تقضية بالعبيط
منهم لله اصحابي ولاد ال... لا نصحوني ولا زفت اتاريهم عايزنني البس اللي بالي بالك و انا رحت زي العبيط ال ايه علشان اخلع من الزن بتاع امي ليل و نهار بطلبات غريبة و نصائح فقيعة
التزامات غريبة و هات ايه للعيلة و مشاوير مرة لبس و مرة دكتور و مرة زفت و انا مشدود عليا السيفون لدرجة اني انسى العناية بنفسي و مفيش وقت فراغ حتى للكمبيوتر زوجتي التانية

لا استطيع شكرك يا استاذ سبعاوي على هذا الموضوع قللبت عليا المواجع

فينك ياراجل من زمان، هل هلالك، تصدق معرفتكش غير النهاردة، على العموم يلا نبتدى

المشاركة الأصلية كتبت بواسطة mars3v

هو إلي أنا عايز أسأل عليه بجد و ياريت حد يقدر يقنعني، هي ليه الناس بتخلف و تجيب عيال؟... أنا سألت ناس متجاوزة و مخلفة، قالولي علشان نفرح و يشيلو اسمنا بعد لما نموت و كمان يخدو بالهم مننا لما نعجز...
أنا شايف إن ده تفكير اناني أوي، علشان الحياه دلوقت صعبة جدا و لازم تتعلم و تتعب و يطلع عينك و تشتغل علشان تعرف تعيش...
و بعدين أنا ازاي أجيب عيال و أقرفهم كدة فالدنيا ديه عشان استفاد منهم بعدين... أنا لو اتجوزت، عمري ما هخلف... يا ريت يكون حد عند سبب مقنع للخلفة...شكرا

سؤال بسيط: ياترى انت متضايق من والدك ووالدتك علشان جابوك للدنيا دى؟ و ياترى مستعد تعمل ايه علشان راحتهم و سعادتهم؟

السؤال الأهم: فرحتهم بيك يوم ما اتصورت الصورة اللى فى توقيعك دى، تسوى قد ايه؟

المشاركة الأصلية كتبت بواسطة Hossam_Hassan

سؤال بسيط: ياترى انت متضايق من والدك ووالدتك علشان جابوك للدنيا دى؟

أنا مش عرف ليه فضلت متنح عشر دقايق لما قريت السؤال ده... بس أكيد لأ علشان هم نفسهم اني أكون مبسوط، ده غير إن مفيش حد في مصر بيفكر قبل مايتجوز أو يخلف، كله بيعمل كدة عشان العادات والتقاليد.

المشاركة الأصلية كتبت بواسطة Hossam_Hassan

و ياترى مستعد تعمل ايه علشان راحتهم و سعادتهم؟

حضرتك فهمتني غلط. أنا بجد بساعد أي حد حتى لو لسة عارفه، علشان فعلا بحس بالذنب لما بيكون في إدي حاجة و حد محتاجها. و دول بردو أهلي ,أكيد حاعمل كتير أوي.

المشاركة الأصلية كتبت بواسطة Hossam_Hassan

و ياترى مستعد تعمل ايه علشان راحتهم و سعادتهم؟

أكيد تسوى كتير...بس حضرتك لا تتخيل انا تعبت اد ايه عشان اتصور الصوره ديه؛ على فكره انا عايش لوحدى تماما هنا و كل اهلى فى مصر، و الجامعه اللى اتخرجت منها ديه هى الاولى فى استراليا و طبعا الاصعب، ده غير انهم اختارونى علشان ابقى فى فريق السباق بتاع الجامعه و الشغل كان ليل و نهار مع المذاكره و متوسط النومآ اربع ساعات يوميا ماعدا نهايه الاسبوع ممكن تعرف تنام ست او سبع ساعات و طبعا كان فى اوقات ممكن تنام فى المكتب او الورشه باليومين و التلاته...انا مش شايف ان الحياه سهله ابدا علشان الناس تخلف عيال لمجرد انهم عايزين يفرحوا، ده غير ن الحياه فى مصر بتسؤ يوم بعد يوم و الناس دلوقت اهه بتشتكى و مش عارفه تعيش، طب ما بالك كمان عشر سنين لما ولادك يكبروا، انت جايبهم تعذبهم علشان تبسط نفسك؟ ده التفكير اللى انا مقتنع بيه فى الموضوع ده... و متشكر اوى لاهتمام حضرتك

عن عبد الله بن عمر رضي الله عنهما أن رسول الله صلى الله عليه وسلم قال: ((الدنيا متاع وخير متاع الدنيا المرأة الصالحة)).
الحمد لله و ربنا يهدي الجميع لما فيه الخير
ملحوظة جانبية صاحب الموضوع لم يدلي برأيه.. لعل المانع خيرا ;)