والدتى هتسافر عمرة ان شاء الله
وانا مش معاها
ايه اللى الواحد بيعمله قبل السفر هنا
وايه كمان اللى بيعمله هناك علشان يكون فيه بعض الراحة لكبار السن
ياريت بالتفاصيل
عرض للطباعة
والدتى هتسافر عمرة ان شاء الله
وانا مش معاها
ايه اللى الواحد بيعمله قبل السفر هنا
وايه كمان اللى بيعمله هناك علشان يكون فيه بعض الراحة لكبار السن
ياريت بالتفاصيل
الف مبروك وعمره مقبوله بإذن الله
اهم حاجه ترتيب الحجز في فنادق قريبه جدا من الحرم في مكه ومن مسجد الرسول عليه الصلاة والسلام في المدينه والتأكد من ذلك قبل السفر لأن شركات السياحه في الغالب مش بتقول حقيقة بعد المكان
ترتيب عدد السكن في الغرفه من هنا كتابة ذلك في التعاقد مع شركة السياحه
قبل السفر يفضل اخذ تطعيم خاص بالأنفلونزا العاديه لأنه بيفرق جدا مع الزحمه
شراء سجاده مخصوصه وعدم السجود على السجاد الموجود هناك بدون السجاده الشخصيه لأنه بيتسبب في نقل العدوى
تجهيز شنطة ادويه خفيفه للطواريء مثل ادوية برد او مسكنات
في حاجه بتحصل هناك لو دي اول عمره هي ان الناس بتوه من بعض
يفضل التوجيه بأنها تتفق مع اللي معاها على المقابله عند بوابه معينه بعد العمره وهكذا والأحسن يكون معاها موبايل للطوارىء
مش فاكره في ايه تاني مهم
ربنا يرجعهالك بالسلامة ان شاء الله
معلش يا احمد باشا ممكن تقلنا طالعة تبع مين و بكام علشان عاوز اطلع
لو قلت لك مش عارف هتستغرب
لان اللى متولى الموضوع ناس قرايبنا
وانا كنت بعيد عن الحجز والتأشيرة
هو اماكن الفنادق والغرف وعدد المتواجدين بالغرف دول اهم حاجة.......وساعات شركات بتاخد فلوس زيادة عشان تخصيص غرف معينة او عدد اقل ....ودول اهم شيء.....وطبعا تحضير شنطة السفر والتأكد من عدم نسيان شيء
وفي حاجة كمان......خط الموبايل........في ناس كتير بتشتري خط من هناك بتاع 75 او 100 ريال وبيتكلموا منه..........وفيه موضوع التجوال ع الخط المصري بس ناس كتير بتعمل حوار الخط السعودي
وتروح وترجعلك بالسلامة....وعمرة مقبولة ان شاء الله
أولاً عمره مقبوله إن شاء الله
الضروريات
-سمعه شركه السياحه إلى هى طالعه معاها
وياريت تسأل حد يكون مجربها " للأسف فى شركات بتنصب جاااامد فى الموضوع ده "
-أماكن السكن تكون قريبه.
-توافر مرشد كويس لتذكيرك ببعض الأشياء والإجابه على بعض الإستفسارات
-تشترى خط موبايل من هناك " أرخص لو هى هتتصل او لو انت إتصلت عليه"وافضل فى التشغيل " تنشيط الخدمه"
-شويه مسكنات وأدويه المعتاده بتاعت البرد و المغص والحاجات دى
-الأدوات الشخصيه كامله
-طبعاً تاخد كارت من الفندق أول لما تنزل وكارنيه من شركه السياحه و برنامج الرحله و تبادل أرقام تلفونتها مع بعض المعتمرين معها تحسباً لأى شئ كان.
-لو تاهت عن المجموعه تروح لأى حد من الشرطه أى حد والناس محترمه جداً جداً وتديله الكارنيه و برنامج الرحله وهيقوموا بتوصيلها فوراً للمكان و للمجموعه
-لو هتروح برى أو بحرى بلاش الشنط الكتير
بلاش بلاش بلاش
وياريت تكون الهدايا فى المعقول مش شنط شنط عشان هتتعذب فيهم بجد فى الميناء او مع الأتوبيس وفى التنقلات.
هوه ده إلى فاكره حاليا لو فى أى إستفسار قول وانا لو عارفه أجاوب حضرتك.
وعمره مقبوله وترجع لك بألف ســــــــــــلامه
مفيش استغراب ولا حاجة تروح و ترجعلك بالسلامة ان شاء الله :satelite:اقتباس:
المشاركة الأصلية كتبت بواسطة A.Saad
بالنسبة لسمعة شركة السياحة عاوز اعرف انهي شركات تكون سمعتها كويسة و ازاي اعرف اذا كانت كويسة ولا لأاقتباس:
المشاركة الأصلية كتبت بواسطة MoOoD
و في شركة اسمها Top Tours حد يسمع عنها حاجة دي؟
انا لسه راجه من اسبوعين بفضل الله من العمره .
1 - شمسيه بيضاء .
2 - يكون معاك رقم المشرف بتاع الرحله علشان ربما تحب توصيه تليفونها ضاع لاقدر الله يكون فيه و سيلة اتصال اخرى.
3 - يفضل لو حجزتلها غرفة تكون ثنائية أو ثلاثية بالكتير .
4 - كل حاجه موجوده هناك متخفش و خطوط المحمول هناك بتبدأ من 30 ريال.
5 - اشترى للحاجه كتاب د/على جمعه من مكتبة دار السلام مناسك العمره جمييييل و بلاش الكتب اللى بتقول لازم تدعى فى الشوط الاول كذا و الثانى كذا اى كلام و الله أعلم.
6 - تخلى بالها من الوزن و هيا راجعه ميزدش عن 30 ك .
7 - لو حد مأمنها الدعاء اكتبلها اسم الشخص و دعائه فى ورقة او نوت بوك.
8 - لازم تأخد كارت من الفندق اللى هيا فيه اول ماتوصل علشان لو تاهت وده مهم جداً جداً جداً. و ربنا يتقبل منها .
تسلم على سيدنا المصطفى صلى الله عليه و سلم ، من كل أولادها هنا من نايل موتورز و تدعلنا عنده و فى الكعبه بالعوده و البركه ارجوك لا تنسى .
عمرة مقبولة ان شاء الله
سؤال ... هي الوالدة راحت عمرة قبل كدة ولا اول مرة ؟؟..... اعتقد انها تفرق كتير
...
بالنسبة لكبار السن العمرة طبعا فيها مشقة .... لكن ربنا بييسر الامور برحمته
السفر المفروض يكون طيران علشان البري والبحر مشقة كبيرة بالنسبة لكبار لسن
باشا ممكن عنوان او تليفون المكتبةاقتباس:
المشاركة الأصلية كتبت بواسطة mohamed_kta
الف شكر على مرورك
وان شاء الله السلام هيتم والدعاء كذلك
ادعوا لها تيجى بالسلامة
انا سالت على التطعيم قالوا ان مفيش تطعيم للانفلونزا العادية دلوقت لانه موش موسمها وخدت تطعيم انفلونزا الخنازير والكبد الوبائىاقتباس:
المشاركة الأصلية كتبت بواسطة sara2001
لو فيه اى معلومة تانية اكون شاكر لحضرتك
الف شكر على تعبكاقتباس:
المشاركة الأصلية كتبت بواسطة karim_mohy
الف شكر على مروروكاقتباس:
المشاركة الأصلية كتبت بواسطة moood
هيا راحت حج وعمرةاقتباس:
المشاركة الأصلية كتبت بواسطة aif
بس كان من فترة كبيرة وكان والدى معاها
ربنا يوصلها ويرجعها بالسلامة ان شاء الله
زي ما الزملاء قالوا
شمسية بيضاء
كارت الفندق
فيه كراسي خفيفة بتتباع في سوبر ماركت بن داود اللي في ابراج مكة ... بتبقي عملية جدا لأنه الومنيوم ووزنها خفيف وبتستخدم بسهولة لكبار السن علشان يصلو وهما قاعدين عليها و بتطوى وتتشال في اليد كأنها عصا للتوكأ عليها اعتقد ثمنها حوالي 20 ريال
ولما تخلص عمرة بتتركها هناك كصدقة للحرم لمن يريد استعمالها
مقص صغير لتقصير الشعر بعد السعي لكن يلاحظ انها ما تطلعش بيه الطيارة .... يعني يكون في الشنط الكبيرة مش الهاندباج
الادوية اللازمة ليها لو بتاخد ادوية + ادوية برد وكحة ومسكنات وسرنجات لأن هناك السرنجات مش بتتباع لوحدها
نظارة شمس يكون مساحتها كبيرة علشان تحمي اكبر قدر من الوجه
كاب ( زي الآيس كاب كدة ) علشان يحمي منطقة الجبهه وفوق العين من الشمس
كريم واقي من الشمس ( سن بلوك )علشان الوجه ساعة صلاة الظهر والعصر
فيه كراسي متحركة علشان الطواف والسعي في الحرم عند منطقة الصفا في الدور الثاني تقريبا ...ودي مجانا بضمان الباسبور لغاية ما ترجع الكرسي ... لكن لازم حد يكون معاها علشان يدفع الكرسي ...
ممكن تعرفها الاماكن اللي في الحرم واللي حولها عن طريق خريطة او عن طريق الموضوع اللي في توقيعي علشان تكون متخيلة الحرم وما حوله ... لأن المكان ممكن يكون اختلف تماما من وقت ما كانت هناك للمرة الاخيرة
نبهها انها تحاول مت تصاحبش حد وتتكلم معاه كتير ...... الوقت هناك خسارة يضيع في الكلام ... وانت عارف الستات بقى ما يتوصوش :s1[1]:
وابقى قولها تدعي لكل من تعرف ومن اوصاها بالدعاء وللمسلمين بظهر الغيب :ask:..... واحنا معاهم
ربنا يرجهعا بالسلامة وبالأجر والثواب والقبول ان شاء الله