هل غلط لو انا سقت في الوتوماتيك علي وضع المانول لمدد كبيره اصل بصراحه العربيه السحب بيبقي طلقه؟
عرض للطباعة
هل غلط لو انا سقت في الوتوماتيك علي وضع المانول لمدد كبيره اصل بصراحه العربيه السحب بيبقي طلقه؟
دوس يا باشا ميهمكش ... المهم متجريش أوى فى أول 1000 كيلو و خلى بالك فى العجلة الندامة
وضع المنول تحفه و خصوصا تسقيط النقله مع الفرامل او و لا اظن انه فيه خطوره المهم حاول ان ال rpm ما يعلاش لفتره كبيره (استعمل اسلوب خطف النقلات فى المانول )
عيش يا مان انا علي طول استيب ترونيك والسحب ممتاز احسن من الاتوماتيك بكتيـــــــــــــر
وشد و غرز و حركات الحاجات دي مينفعش تتعمل ب الاتوماتيك ف لازم استيب ترونيك و انا علي طول بسوق كده غرز و شد و كده علشان بتبقي الدنيا زحمه و حر و مبحبش اقف
اجرب يعني و اتكل علي الله؟؟
انا عامل 17000
أنا بستخدمو كتير من غير أي مشكلة ال حمد لله .. و موضوع الفرامل بتسقيط النقلة دة مفيد أوي فعلاً و لحقني كذا مرة الحمد لله
يعني ايه تسقيط نقله؟
تسقيط نقله يعني تحركه ناحيه المينوس (-) ..... عيب وضع المانيوال الوحيد هوه انه مبيفهمش سرعه العربيه و تحركها تحت قوه القصور الذاتي ؟؟؟ يعني ايه ؟ يعني كومبيوتر الجير مبيشفشي الا سرعه العربيه و سرعه الكرنك ...عشان اوضح اكتر هاولكم على موقف عملي حصل معايا بالسوناتا الستبترونيك ... كنت ماشي علي ١٠٠ تقريبا على المانيوال و على النقله الرابعه و فجاه طلعتلي عربيه من يميني بشكل مفاجأ و كان لازم ادوس فرامل على الاخر عشان اتفادى العربيه عشان ان كنت ماشي علي الشمال خالص ،،،،،طبعا اللي حصل ان العربيه سرعتها قلت زي مطلبت من الفرامل ،،بس لما دوست بنزين تاني بسرعه عشان الم العربيه و الحق اجري بسرعه قبل ما حد يجي يلبس فيه من وره لقيت نفسي على الاول -في شاشه العداد-و سرعه العربيه ٦٠كم !!!!!:majd(4): في الاول افتكرت ان الفرامل قفشت و علقت و بعدين ادركت ان انا على المانيوال و اني لما دوست فرامل و العجل الامامي وقف تماما الكومبيوتر نزل الجير لوحده من الرابع للاول على العلم ان سرعه العربيه الفعليه كانت تقريبا ٦٠كم بفعل القصور الزاتي ... وده علمني مفيش مانيوال فوق ال٦٠ في الطرق السريعه
لأ هو الستيبترونيك فى السيراتو مختلف شوية .. بمعنى إن لو سرعة حضرتك مثلا 80 و حاولت حضرتك تسقط للتانى أو الأول عمر العربية ما هتنزل وهتنزل للتالت على أقل تقدير كنوع من العربية للحفاظ على موتورها ... كذلك عمر العربية ما ترجع للأول زى ما حصل مع حضرتك إلا لو العربية نزلت لسرعة قليلة أوى يعنى أقل من 20 مثلا ... لأن الكمبيوتر بتاع السيراتو بينزل العربية للترس المناسب لسرعة العربية مش المناسب لقوة الفرامل
:b4_282:
ياراجل 17000 ولسه لحد ناو مجربتش الاستيب ترونيك ده انا شغال بي من بعد الالف الاولي امشي بي و عيش و هتلاقي احسن كتير من الاتوماتيك انا دلوقتي مبمشيش ب الاتوماتيك غير لما يكون مزاجي رايق و ماشي علي مهلي و مبشدش و كده بس الحمد لله ماشي ب الاستيب ترونيك اغلب الوقت و جبار
ليا تعليق صغير علي كلامك و انت علي 80 العربيه بتلاقيها علي الرابع بس مش استحاله تجيب التاني هي استحاله تجيب الاول اه انا معاك مش هتجيبه بس هتجيب التاني انا وانا علي ال 100 بتبقي جايبه الرابع و هي اتوماتيك اول ما اقلبها بسقط نقلتين و بجيب التاني لحد 110 او 120 و بديها نقله علي التالت انما لو جايب 100 علي التالت يبقي اخليها اتوماتيك احسن علشان كده مش هحس ب حاجه انما هي فعلا 80 دي تجيب التاني عادي
http://www.nilemotors.net/Nile/149269-steptronic.html
ده موضوعي يا جدعان مخصص لي ال Step Tronic
ياريت تستفادو بيها
http://www.nilemotors.net/Nile/149269-steptronic.html
يعني ممكن امشي لحد ال100 وانا لسه ع التاني؟
لا ماظنش ينفع كده كتير قوي
انا عن تجربتي (طبعا قبل الريد زون بشوية.. عشان مبحبش المغامرة بخسارة المحرك أبدا)
الاول حتى 60 max
التاني حتى 80 max
التالت حتى 120 max
و ده جربتو لغاية 6000 rpm max
وبالتالي هتكون نسب علبة السرعة
1\100
1\75
1\50
و الرابع معرفش بصراحة لاني مسكرتش العداد و لا مرة
ياراجل حرام عليك تمشي ب الاول لحد 60 و مش عاوز تمشي ب التاني لحد 100 يا راجل الاول ده المفروض تمشي ب لحد 20 كبيرك و تديها التاني علشان غلط تمشي علي الاول و بتقولي خايف علي الموتور من 100 علي التاني الاول ده انت بتطلع بيه بس و بتقوم مدي الغيار علي طول انما اكبر غلط انك تمشي علي الاول و الحته دي بقي اسأل فيها حد بيسوق من زمان و يكون بيسوق مانيوال مش اتوماتيك و استيب ترونك و الكلام ده لأ يكون مانيوال
متشكر حضرتك عالرد
بس أنا كلامي مبني على أساس rpm
مش انت بتقول حسب الشد و حسب الـrpm و حسب...
انا اديتك حالة بالارقام مش حسب أي حاجة(يعني مجرد مثال تجريبي واقعي) أو rpm كده يبقى السرعه هتبقى كده.
يعني انا وصلت rpm لغاية 6000 و شفت ايه السرعة اللي ممكن اوصلها
و فعلا عالـ 6000 وصلت عالاول 60
و انت متأكد انك جبت بيها 100 عالتاني ؟ (قبل الريد زون يعني 7000 rpm)؟؟؟
أصلي قلت لحضرتك انا ما بعديش 6000 و جابت بس 80
طبعا دي كانت تجربة للعربية انا مابعملش كده على طول
الأستيب ترونيك عندى كالتالى:
الأول لحد قبل ال 60 بحاجة بسيطة
التانى لحد قبل ال 100 بحاجة بسيطة
التالت لحد ال 160 أو أقل برده بحاجة بسيطة (حلوة حاجة بسيطة دى؟) :ma:
وكل ده وانا مش بنقل ولا بزود ولا بنقص هيا اللى بتنقل لوحدها
(( كذلك عمر العربية ما ترجع للأول زى ما حصل مع حضرتك إلا لو العربية نزلت لسرعة قليلة أوى يعنى أقل من 20 مثل)) ... ده فعلا اللي بيحصل لو الكليبرس او التيل قفللت علي الدسكات و وقف العجل - سرعه الاكس بتبقى زيرو و ده اللي بيخلي الكومبيوتر يسقط النقلات للاول ..