العربية اتخبطت و هيا واقفه- تاني-
السلام عليكم و رحمة الله وبركاته
انا اتخنقت والله من البلد دي يعني المفروض اخد العربيه ابيتها معايا في جوه الشقه عشان ميحصلهاش حاجة
تاني مره في خلال شهر العربيه تتخبط و اللى يغيظ بقى انها بتكون مركونه و متغطيه و بتكون لسه مغسوله الغسله التمام في المغسله و بتلمع
الحمد لله على كل شئ
المره الاولانيه خبطها تاكسي و معرفتش غير لما جيت اطلع لقيت اللون معلم في الرفرف الشمال
تاني مره بقى النهارده راكن و في حته واسعه و فاضيه
واحد ابن تييييييييييت بعربيه نقل كبيره حك في البابين الشمال والحمد لله مش كبيره اوي
المهم بقى انا قولت لازم ابقى راجل ايجابي وقولت بقى اروح اعمله محضر و اجيب الشرطه عشان اخد حقي لاني المرة دي عرفت مين اللى خبطها يعني :36_7_4[1]:
روحت لقسم الشرطه و دخلت على البيه الظابط:policeman:
قولتله حصل كذا كذا قاللى عارف العربيه قولتله اه قاللى تعرف صاحبها قولتله اللى اعرفه ان اسمه فلان
هوه سمع اسمه وقاللى يابني بص نصيحة ده لا هاتاخد منه ولا حق ولا باطل و ممكن يولعلك في العربيه بعد كده
المهم بقى عرفت ان الراجل ده تاجر مخدرات كبير و البهوات حماة العدالة بيخافوا منه :36_1_31:
خدت بعضي وقولت حسبي الله ونعم الوكيل في الراجل و الظابط و البلد دي
و ان شاء الله بدرس دلوقتي اعمل باركنج خاص بالعربيه على الرصيف في الشارع و الراجل بقى يجي يكلمني هاقوله انا تبع الراجل بتاع المخدرات :shine[1]:
حسبي الله و نعم الوكيل
اللهم اجرنا في مصيبتنا و اخلفنا خيرا منها