استشاره من اهل الخبره
حاليا في اوض نوم ارضياتها خشب باركيه
عايزين نركب سيراميك
اراجل بتاع السيراميك بيقول انها مش شغلته انه يفكه
و مطلوب اننا نجيب ناس تفكه
السؤال بقي
هل كلامه مظبوط ولا هو اللي المفروض يشيل و يركب
و بالنسبه للباركيه ذات نفسه
هو عباره عن الواح خشب طويله متركبه جنب بعض
هل الواح الخشب دي تتباع لنجار مثلا ييجي يفكها و يشيلها ولا ايه؟
ارجو سرعه الرد و شكرا
اقتباس:
المشاركة الأصلية كتبت بواسطة amir
اللى اقدر افيدك فيه ان الباركيه صحى عن السيراميك
والله اعلم
اعتقد لو الباركية حالته كويسة ممكن تلمعه لو تحب لان
السيراميك فى الشتاء سخيف جدا لانه بيطلع رطوبة
بصراحة الباركيه احلي بكتير
متشكر للردود بس مش الباركيه اللي في بالكم
ده عباره عن الواح خشب طوليه مدهونه فلوت
و قديم
انا مش بدور علي فلوس اكسبها من ورا منه
انا بتسائل هل اللي هييجي يفكو ياخدو و ينزلو و كده تمام ولا هدفع فلوس اضافي؟
و اجيب مين اصلا نجار ولا فواعليه من الشارع؟
متابع باهتمام
ده اكيد عباره عن الواح خشب موسكي طوليه ومدهونه فلوت وممكن يتم كشطها ودهانها من جديد إذا كان حالتها تسمح بكده وده افضل من السيراميك في غرف النوماقتباس:
المشاركة الأصلية كتبت بواسطة amir
اللي يعرف في الموضوع ده نجار أرضيات وهو برده اللي ممكن يفكه لحضرتك وتتفق معاه على تنزيله وكده
بس نصيحه لو حالته كويسه وينفع يتجدد خليه لأنه زاد جدا دلوقتي
المتر في حدود من 160: 180 مفيش مقارنه بينه وبين السيراميك
حاول الابقاء على الباركية .... ولو قديم يبقى خامته ح تكون افضل
هات واحد يكشطه ويصنفره ويدهنه ..... احسن من السيراميك 1000 مرة
بالتوفيق ان شاء الله
انا شايف الناس كلها مجمعه علي الباركيه عن السيراميك
يا جماعه ده بقاله اكتر من 20 سنه
و تقريبا هو فعلا خشب موسكي
و متشكر علي المعلومه
بس نصيحه ليكو بقي
بعد فتره من الزمن بيكون فراغات (او نوعيته مكانتش بجوده ممتازه)
و اجارك الله الفراغات دي بتحوش ايه من اوساخ و فضلات و بتكون مرتع للحشرات خصوصا لو الجو حر
طبعا الوضع موصلش لسه لكده تحديدا
بس الفراغات دي بقت ممله غير انه بقي بيزيق و فاضي من تحته
اكيد طبعا ال hdf هيكون احلي بكتير
علي الاقل لما بيتركب بيكون لازق في بعضه عدل
و احنا الحمد لله اشترينا بورسيلن خلاص
و متشكر جدا جدا جدا لكل عضو و عضوه شاركو في الموضوع
و نسيت اضيف حاجه كمان
علي مر الوقت الكراسي بالذات لو من غير عجل بتسيب اثار كتيره قوي عليه
انا مكنتش اعرف انه بالاسعار دي بس حاسس ان ال hdf احلي منه مليون مره
الباركيه اللي عندنا في الشقة نفس النوع....اقتباس:
المشاركة الأصلية كتبت بواسطة amir
و بالفعل...سئ للغاية...نفس العيوب اللي حضرتك ذكرتها بالظبط موجودة عندنا حتى بعد كشطه و تلميعه...
أفضل الخيارات لغرفة لنوم هو الباركيه الأرو و ده طبعاً مرتفع الثمن ...أو الباركيه ال hdf...و ده فعلاً ممتاز و عالي الإستحمال و يعطي نفس مميزات الباركيه العادي من حيث عزل الصوت و الدفئ بالإضافة لسعره الرخيص نسبياً و شكله الرائع
متر الhdf الألماني ب 70 جنيه شامل التركيب
انزل مكرم عبيد حوالين التوحيد و النور هتلاقى محلات باركيه كتير
قولو عايز صنايعى و خليه يشوف الوضع و يقولك احسن تصرف