سعة شنطة السيارة الويرا

**Karim Salem** · 22-05-2007 02:42 PM

السلام عليكم يا شباب
كان بس عندى سؤال انا عربيتى بروتون ويرا و الشنطة بتاعتها رغم انها واسعة بس موش عالية .
فهل من الممكن افتح الكنبة على الشنطة و ازود مساحة التخزين (الاوبشن ده كان عندى فى عربيتى القديمة السويفت بس انا موش لاقى فى الويرا الزرار بتاع فتح الكنبة الخلفيه)
و هل ممكن لو موش موجود اركب شبكة على السقف و لا هتبوظ السقف
و لو حد يعرف موضوع الشبكة يا ريت يقولى اجيبها منين و تقريبا سعرها كام.

**TAG_Turbo0** · 23-05-2007 03:25 AM

الويرا مفياش موضوع فتح الكنبة الخلفية على الشنطة أصلا علشان يكون فى زرار
وبلاش الشبكة العربيات دى مش مصممة علشان يركب لها شية هتبوظ السقف

**memo_hefnawy** · 23-05-2007 08:14 AM

هى إللى بيتفتح الكنبة على الشنطة هى الإيرو باك مش السيدان و بعض السيدان بس مش شوفتها فى مصر

أما تركيب الشبكة فممكن عادى بس مش شبكة ذى شبكة ال 128 و العربيات دى لأ ليها شبك تانى بس معنديش فكرة عن مكانه بيتباع فين أو سعره بس عادة هاتلاقيه فى التوفيقيه أو دمشق