عرض للطباعة
السلام عليكم
من فترة عملت حادثة و العربية دخلت فى الرصيف فى العجلة اليمين
غيرت المقص علشان اتكسر و الميكانيكى لقى الكوبلن الخارجى معوج شوية , استعدله فى مخرطة و ملاه شحم و غير الجلدة بتاعته
العربية من بعد التصليح بتحدف يمين حاجة بسيطة , بس بتبان قوى لما أكون جايب أول و أدوس بنزين مرة واحدة, أو على السرعات الكبيرة بعد ال 100
روحت لعفشجى ربط العفشة و قالى العربية 100%
ظبطت زوايا عند أشرفكوا و أنا بغير طقم جنوط و لسة برضو بتحدف
أنا رأيى الكوبلن اليمين ضعيف أو حاجة زى كدة , صح كدة؟
شكرا
بالظبط كدهاقتباس:
أنا رأيى الكوبلن اليمين ضعيف أو حاجة زى كدة , صح كدة؟
شكرا , هاخلى الميكانيكى يشيك عليه , و لو لسة بتحدف هاغيره:120146b
السادة الأعضاء الكرام
معلش انا لسا جديد بمواضيع العربيات ده
ارجو الإفادة
عندى 128 و بها جنوط سبور الومنيوم وليست بتاعة ال128 الاصليه وده شكلها
http://www.2shared.com/photo/lyQnwNM1/Pic_189_gif.html
الكوتش الشمال تحس انه مش متوسطن داخل تجويف الكرتيره وراجع ورا شويه حتى إنه بيحك بالرفرف
و عشان انا جديد سواقه كنت اتأخرت في دوس الفرامل قبل مطب صناعى كبير و وقفت فوقه بس حجات كده حصلت ورحت لبتاع ظبط زويا قالى روح لعفشجى يغيرلك المقص الشمال اللى امام السائق و رحت فقالى العفشجى بالمره غير اليمين ايضا وحصل
وظبطت زوايا و بتاع الزويا قال تحتاج تعمل زرجينه قلت ماشى معرفش عمل إيه كده المهم بعد كده هى مازلت بتحدف سنه شمال وكمان لما تكون في ملف جامد يو ترن مثلا مع إننى دايس دبرياج وفاصل حركه بسمع صوت صفاره و أحيانا بلاقى نقط زيت ناحيه الكوتش الشمال ( شمال السائق من جوه العربية )
ملحوظة :
رحت لواحد مشهور بتاع عفشة و ظبط زوايا بالجيزة إسمه حمادة إمام من شارع البحر الأعظم قالى :
لازم أغير الجنوط عشان هتبهدل العفشة و قال ان العجله الشمال عايزه تتقدم 2 سم ولما سألته وده مين يعمله قالى السمكرى و طلب أيضا لما اعمل ده اروح واجيب معايا 4مساعد امام و خلفى و بطاحتهم
و إن شاء الله ان هغير جنوطها للأصليه و هجيب 4فرد 145/55
لأنى لقيت اللى ركبين عندى 165/70
فهل ده مظبوط
افيدونى افادكم الله
وشكرا للردود مسبقا
ممكن لو عايز تحافظ على المقاس الأصلى برضو تجيب 165\50
هى العربية حالتها العامة متبهدلة علشان كل دة ؟
أنا رأيي ان الكوبلن اساسا ما ينفعش يستعدل او يتصلح مشهور جدا ان يضرب تاني وبعدين ده حاجة اساسية في الات الجر وما ينفعش نتهاون فيها
نصيحة غيرة وياريت يكون أصلي
أسلام عليكم
رحت أقدم العجله اليسار السائق 2 سم لواحد سمكرى قولته وسألته فاهم قال ايوه وقام ورانى المكان الذى يثبت به المقص بالشاسيه وقام شادد بهلب جنزير الحته دي وركب العجله فعلا لقيت العجله بقت متوسطنه و قال في شرخ فارق المكان الذى يثبت به المقص عن مكان لحامه بالشاسيه فلحمه بعد مفك العجله وكمل بهذا المنطقة حبه لحامات عشان لما نركب العجل تانى يثبت في مكانه ولكن لما نزلت العربية على الارض ومشينا بيها عشان نجرب فبصيت لقيت العجله اليمين رجعت تانى لورا
قعد يبص تحت العربيه وقال ملاحظات كده : إن كوتش الميزان متاكل تماما وإن الميزان المنطقة المستقيمه منه التى يثبت بها الإفزان على صدر العربيه من الأمام بعيده عن صاج وش العربيه حوالى 2سم مكان كده يعدى صباع وقال ده بيبقى في العربيات ال128 الأخرى لاصق في تماما في حتة الصاج اللى بالوصف كده تحت الإكصدام الامامى تماما وقال والمساعدين بيجيبو زيت
فقلته مال كل ده بالعجله اللى مش متوسطنه فقال اجيله مره اخرى يعمل زرجينه تانيه
إيه رأى حضرتك
على فكره هل ممكن الكوبلن يأخر العجله و مايخلهاش متوسطنه
لأنى بلاقى الكوبلن الشمال الكوتشه بتاعته بتجيب زيت
الكوبلن ملوش علاقة بزوايا العربية
لو الحدفة دى بتحصل مع كبس البنزين فقط يبقى دة torque steer نتيجة قاعدة موتور او فتيس مقطوعة
MMamdouh
معلش ممكن تفهمنى الحتة دى ؟اقتباس:
المشاركة الأصلية كتبت بواسطة mmamdouh
لأن معلوماتى ان القاعدة مهمتها بس تثبيت الموتور (أو الفتيس) فى مكانه فى الشاسيه
على فكرة أنا عملت موضوع فى قسم الدايو من فترة علشان أسأل حضرتك عن رش الأكر جوة العربية، يمكن حضرتك ما شوفتهوش؟
اللى حصل لك ده بسبب انك و انت داخل على المطب و انت دايس فرامل الشاسيه فتح و ده اللى اخر العجلة 2 سم .. و كل اللى انت سمعته من الصنايعية فتاوى لاغير .. الصح انك ترفع الموتور و تروح للسمكرى يقفل لك الشاسيه و احتمال تلاقى شرخ فى مداده او فى ركبة المهم ان اى تأثير من المطب حايبان بعد ما ترفع الموتور .. و المهم ان السمكرى يجيب عربية حوضها سليم علشان ياخد المقاسات اللى حايظبط لك الحوض بتاع الموتور عليها .. و بعد كده للامان تخليه يعمل لك قنطرة بين المساعدين من فوق علشان تحافظ على الشاسيهاقتباس:
المشاركة الأصلية كتبت بواسطة moe86
على فكره السؤال دا
غير السؤال دااقتباس:
المشاركة الأصلية كتبت بواسطة moe86
اقتباس:
المشاركة الأصلية كتبت بواسطة khalidawad
torque steer معناها ان العربية تحود بسبب عزم المكنة مش نتيجة تحريك الدركسيوناقتباس:
المشاركة الأصلية كتبت بواسطة Moe86
لما بتكبس بنزين عشان تسحب بالعربية الموتور بيولد عزم و ينقلة الى العجل و دة بيخللى العربية تتسارع... فى حالة وجود قاعدة موتور مقطوعة جزء من عزم الموتور حيضيع فى تحريك الموتور بالفتيس من احد اجناب حوض الموتور الى الجنب التانى... طبعا العزم اللى ضاع دة كان المفروض يروح للعجلة اللى ناحية القاعدة المقطوعة
و بما اننا وصلنا لوضع فيه عجلة واخدة عزم اكتر من التانية فا حتلاقى العجلة دى دايما بتسبق العجلة التانية عشان فرق العزم و دة بيخللى العربية تحدف ناحية الجنب الى فيه القاعدة المقطوعة
و على فكرة معظم العربيات الجر الامامى بتعانى من نسبة من الtorque steer نتيجة عدم تساوى طول اعمدة الكبالن مع بعضها بالتالى الكوبلن الاطول بيعصر اكتر و بيفقد عزم اكتر من عامود الكوبلن القصير و بالتالى العربية بتحدف ناحية العامود الاطول... و لمحاولة تصحيحي الموضوع دة فى الغالب بيبقى عامود الكوبلن الاطول اكثر تخانة من العامود القصير لمواجهة موضوع العصرة مع السحب و تقليل حدفة العربية نتيجة الtorque steer
MMamdouh
شكرا يا بشمهندس محمد , موضوع الحدفة دة مغلبنى بس كدة بدأت أعرف السبب
اقتباس:
و الميكانيكى لقى الكوبلن الخارجى معوج شوية , استعدله فى مخرطة و ملاه شحم و غير الجلدة بتاعته
يعنى قبل كده كانت تمام ومبتحدفش زى عربياتنا اللى لسه مدخلتش فى رصيف كما حدث معكاقتباس:
العربية من بعد التصليح بتحدف يمين حاجة بسيطة
اقتباس:
من فترة عملت حادثة و العربية دخلت فى الرصيف فى العجلة اليمين
لأ طبعا العربية قبل الخبطة كانت ماشية زى المسطرة
أنا شاكك فى الكوبلن من الناحية اليمين بس خايف أغيره و الحدفة تفضل مستمرة
و برضو هاروح للعفشجى تانى أقوله يبوصلى مخصوص على قواعد الموتور و الفتيس
شكرا لإهتمامكوا مهندس سمير ومهندس محمد
ياباشا حتلاقى عمود الكبلن اليمين واخد لوحه خفيفه لورا ساعت ماكنت داخل فى الرصيف وطالع لقدام ببوز العربيه اليمين
ودى ماتبنش إلا على مخرطه
للتأكيد على أستقامة عمود الكبلن
بس الصح تغير كبلن بعموده وتراجع على الزوايا تانى
وحتلاقى العربيه رجعت مسطره
زى ماكانت تماما
مش المفروض عوجة الكوبلن تسبب غربلة مش حدفة؟؟
MMamdouh
مظبوط ياباشا
بس ممكن تكون لوحه بسيطه وبتدارى مع المش الطوالى جوه تركيبة الكبلن ( كشبكة بلى وبلى )
زى مابيحصل مع اليونيفرسال جوينت universal joints ( أى وصلات الكردان )
اللى ممكن يدارى جواها أى أخطاء فى عمود الكردان نتيجة طبيعة تركيبها الهندسى
ولكن عيب أنحناء العمود ميبنش إلا فى الأتجاهات
بمعنى آخر
فى وسائل التوصيل الأنحنائيه زى الكبالن والكردانات
ممكن تروح الأخطاء المحوريه للأعمده الدواره المستقيمه وده بيرجع لطبيعة البوش الخفيف اللى بيبقى جواها
وبيتوزع الخطأ بتاع العمود وبالتالى ممكن متحسش بالغربله ( طالما اللوحه خفيفه )
أما لما رأس الكبلن تأخد زاويه على العمود بيكون فيه جنب محمل عن جنب وبالتالى ممكن يظهر عيب العمود فى صورة حدفه خفيفه
ومع السرعه فى الدوران حتبان الحدفه أكبر طبعا
لو سمحت ممكن اعرف العيب طلع فى الكوبلن ولا فى قواعد الموتور او الفتيس
لانى لسه مغير كبالن داخلية فى التوكيل وبعديها عملت ظبط زوايا
ولكن العربية بتحدف يمين لما بدوس بنزين فقط ولما بشيل رجلى من على البنزين الدريكسيون بيرجع تانى فى النص وتمشى مستقيم
فهل ده عيب جلبه مقص ولا مساعد ولا قواعد موتور او فتيس ولا عيب الكبالن الجديدة
مادام حضرتك مغير الكبالن وعامل ظبط الزوايا في التوكيل يبقة ارجع التوكيل تاني بدون اي تكلفة
هيه غالبا ظبط الزوايا مكنش مظبوط او عيب اطارات وجنوط بس ملهاش علاقة بتغيير الكبالن
عبدالله عصام من رالي موتورز ايجيبت
ان شاء الله اراجع للتوكيل وشكر للمساعدة استاذ عبدالله واتشرفت بمعرفتكاقتباس:
المشاركة الأصلية كتبت بواسطة rallymotors