لو بقيت وزير للنقل والطرق والكباري وخلافه .. هاتعمل أيه ؟

**badry78** · 15-05-2010 01:35 AM

المشاركة الأصلية كتبت بواسطة seiffoz

هلم فلوس للصيانة و تجديد الطرق .. و أحطهم بإسمى فى بنك فى سويسرا

يبقى احنا كده ما نلومش على الوزرا بتوعنا
يا جماعة عايزين أفكار واقتراحات تريحنا على الطرق وتقلل الحوادث وتقلل الزحام

**M.Osman** · 15-05-2010 01:36 AM

1- توفير وسائل نقل جماعية آدمية لتقليل الضغط على الطرق ... زي الدول المتقدمة.

....
مممممممم
2- لما نشوف نتيجة 1

**shiko85** · 15-05-2010 01:50 AM

1-هصلح الطرق و ادخل حاجه جديده اسمها اسفلت و اعمل رصيف و اماكن انتظار
2-الغى الترامكو خالص والتوكتوك الغيه وادخل تاتا نانو مكانه هتكون اظرف و أحسن و امان بردوا
3-اعمل موقع او صندوق لتلقى شكاوى و اقتراحات المواطنين

**badry78** · 15-05-2010 01:58 AM

المشاركة الأصلية كتبت بواسطة m.osman

1- توفير وسائل نقل جماعية آدمية لتقليل الضغط على الطرق ... زي الدول المتقدمة.

....
مممممممم
2- لما نشوف نتيجة 1

أيوة وحياتك ركز على أدمية دي قوي لأن الواحد ما بيحسش بأدميته غير لما بيركب تاكسي وطبعا مش التاكسيات المهكعة اللي باقالها نصف قرن

**Dr.lancer** · 15-05-2010 02:04 AM

المشاركة الأصلية كتبت بواسطة badry78

لو لقيت نفسك وزير للنقل والطرق والكباري والمحاور والدائري والأنفاق وكل حاجة تخص حركة النقل والمواصلات في مصر
أيه اللي هاتعمله وليه ؟؟؟؟

فى أول فرصة حصتفرض باللى بالى بالك (اللى عينى فى الوظيفة دى!) بحجه أنى عايز أقابله وأخلص منه

.

**م/مصطفى محمود** · 15-05-2010 02:07 AM

أول وأهم حاجه ، هدخل يوميا على المنتدي هنا وأتعاون مع الأدرة والأعضاء فى أخذ وتنقية ومُناقشة الأقتراحات (هلاقى فين فُرصة تانية أعرف منها المشاكل والحلول أفضل من مُنتدي زى كده )

تانى حاجه هأهتم بوسائل النقل العام (وهدخل نظام الدعاية والإعلان فى الموضوع ، يعنى حاجات زى مشروع فاين فودز بتاع الركوب مجانى ، هفتح المجال ده للشركات بحيث يقدموا خدمات للناس ويتنافسوا فيها)

ثالثا ، التنظيم مع وزارة الداخلية لإعادة تأهيل سائقى الميكروباصات (هدربهم على سلوكيات القيادة المُحترمة وهعملهم رُخص وهعملهم تأمينات وكل ده ببلاش فى مُقابل أنهم يبقوا تحت تصرُفى وتحت سُلطتى وأحكمهم بدل ما هما مبهدلين الدنيا)

رابع حاجة هخصص 3 عربيات للسيدات بدل من 2 فى المترو ، وهخلى زمن التقاطر أقل النصف أو الربع (بحيث يقل الزحام)

خامسا هعمل حملات توعية لسلوكيات المُجتمعه (وهعملها بنفس حوار الدعاية ، يعنى مثلا أعلان برعاية شركات كذا وكذا بحيث أقلل المصاريف وأشجع الشركات فى المُساهمة فى المُجتمع )

**badry78** · 15-05-2010 02:25 AM

المشاركة الأصلية كتبت بواسطة د-شريف

فى أول فرصة حصتفرض باللى بالى بالك (اللى عينى فى الوظيفة دى!) بحجه أنى عايز أقابله وأخلص منه

.

كدة يا دكتور مش هانلحق نستفيد منك بحاجة بالعكس ده انت هاتخليني أندم اني عملت الموضوع ده ههههه ( عشان خايف عليك مش أكتر )

المشاركة الأصلية كتبت بواسطة shiko85

1-هصلح الطرق و ادخل حاجه جديده اسمها اسفلت و اعمل رصيف و اماكن انتظار
2-الغى الترامكو خالص والتوكتوك الغيه وادخل تاتا نانو مكانه هتكون اظرف و أحسن و امان بردوا
3-اعمل موقع او صندوق لتلقى شكاوى و اقتراحات المواطنين

بالنسبة للتوك توك احنا ممكن ما نلغيهوش ونخليه نشغله في الملاهي
هايعجب الولاد قوي هههههه
موضوع الرصيف ده من أهم الأفكار اللي لازم تتنفذ صح

اللون الأحمر مخصص للمداخلات الإدارية

الرجاء مراجعة قواعد و قوانين المنتدى

مشرف القسم

10ب

12:45 م

10:05:2010

**bimmeraddict** · 15-05-2010 02:47 AM

هأطلع رخصة درجة أولى لمراتي وأشتريلها عربية نقل بمقطورة وأشغلها علي العربية النقل
هأستورد ............ وأعمل في اشتراطات المتانة أن أي عربية يكون فيها .............
وطبعا هاعمل كوبري يوصل بين بيت مراتي الأولانية لبيت مراتي التانية دون المرور على عم فادي البواب
هأخلي سعر بنزين 80 زي ما هو مع طبعا زيادة كمية المياة المضافة وأنزل بنزين 93 بسعر غالي

يرجى توخي الحرص في مراعاة الذوق العام

الرجاء مراجعة قواعد و قوانين المنتدى

مشرف القسم

10ب

12:47 م

15:05:2010

**devilishtigers** · 15-05-2010 03:10 AM

هجدد الطرق وهحاول احط كاميرات في الشوارع و الميادين (اللي بتبقى فيهم زحمة جامدة) مع زيادة مرتب العساكر والامناء حتى لا يلجئوا للرشوة. وهكتر منهم في الشوارع حتى يكون هناك حلول سريعة لأي مشكلة. و اقوي انارة عواميد النور وهزودها. مع زيادة الاتوبيسات العامة وتوحيد الثمن ب نص جنيه وهقلل الميكرباصات. وهعمل مكافأت للعساكر والامناء نتيجة للي يشوف شغله كويس .
هتقولي اعرف ازاي هقولك بالكاميرات اللي هحطها في اغلب شوارع مصر.

**badry78** · 15-05-2010 03:42 AM

المشاركة الأصلية كتبت بواسطة bimmeraddict

هأطلع رخصة درجة أولى لمراتي وأشتريلها عربية نقل بمقطورة وأشغلها علي العربية النقل
هأستورد ............ وأعمل في اشتراطات المتانة أن أي عربية يكون فيها .............
وطبعا هاعمل كوبري يوصل بين بيت مراتي الأولانية لبيت مراتي التانية دون المرور على عم فادي البواب
هأخلي سعر بنزين 80 زي ما هو مع طبعا زيادة كمية المياة المضافة وأنزل بنزين 93 بسعر غالي

لا يا عم احنا نخليك وزير السياحة احسن

الموضوع: لو بقيت وزير للنقل والطرق والكباري وخلافه .. هاتعمل أيه ؟

LinkBack

أدوات الموضوع

عرض

-

-

-

-

-

المواضيع المتشابهه

سير كاتينه وخلافه

Psp ألعابه وخلافه منين؟ أفيدونا

وزير الثقافة السابق:أبو الغيط و سامح فهمي و وزير الصحة اعتبروا الثوار بلطجية

رساله الى وزير النقل والطرق ......يشوفوا رصف الطرق والكبارى والمطبات الصناعيه

لو بقيت وزير

الكلمات الدلالية لهذا الموضوع

المفضلات

المفضلات

ضوابط المشاركة