أخيرا سيارة 2008 صناعة مصرية 100% (صور النسخة الأولي منها سرية جدا )!!!

النهاردة يا جماعة اكتشفت السر دا و قدرت القط شوية الصور دي بالرغم من العربية كانت لسه في خط الإنتاج و المفروض انها تنزل للسوق في منتصف العام الحالي 2008
لا وايه كمان !!!!!! مرسيدس 2008 هههههههههههههههههههههه
العربية دي موتورها في الأصل موتور بتاع ماكينة رفع مياه اللي بتستخدم في ري الأراضي الزراعية و طبعا الشخص اللي صنعها قام بتركيب الموتور دا علي فتيس و عمود كردان و كورونة و الصور بتوضح الكلام دا
طبعا الدهان زي ماحضراتكوا شايفين معالج حراريا و كيميائيا و نوويا و اخر ألسطه ومن الآخر و ماتقوليش لا بيتجرح ولا بيتأثر باي حاجة لا شمس ولا مية ولا يحزنون و الصاج بتاعها لاتقولي خفيف ولا حاجة هات اجنة و شاكوش و تعالا جرب بنفسك و خلي بالك من شوية الحاجات االمكتوبة علي جسم العربية شغل من اللي قلبك يحبه يعني لا هتحتاج تظبط ولا حاجة
الشاسية اصلا كان بتاع عربية قطر سكة حديد مجري من بتاع زمان اللي الهيئة رمتهم خلاص يعني من الآخر مصفحة
العفشة حدث ولا حرج اخر ما توصلت اليه التكنولوجيا المتطورة تمشي علي شريط سكة حديد من ما تشعر باي ازعاج
طبعا كل انظمة الامان موجود لا تقولي ايرباج و لا ايه بي اس و لا اي حاجة من اكلام الفارغ دا الناس سابولك العربية مكشوفه من كل ناحيه و لو حصلت حاجة لا قدرالله بكل سهولة ويسر تقدر تنط من العربية و تسيبها هي بقي تشوف مصيرها مع نفسها و طبعا انت بتسأل ايه العربيه هتعمل في الحالة دي ؟؟ ما تخافش يا سيدي حط في بطنط بطيخة صيفي لا نمساوي كمان هي هتعرف تتصرف بناءا علي تعليمات برنامج القيادة الآليه المدمج بوحدة التحكم المركزية بالسيارة
طبعا مميزات العربية كتيرة جدا
اسيبكم بقي مع الصور بتاعة العربية ههههههههههههههههههههههههه ههههههههههههههه


http://www4.0zz0.com/2008/02/04/22/798418746.jpg

http://www4.0zz0.com/2008/02/04/22/305619504.jpg
http://www4.0zz0.com/2008/02/04/22/304397508.jpg

http://www4.0zz0.com/2008/02/04/22/836470290.jpg

http://www4.0zz0.com/2008/02/04/22/195240172.jpg

http://www4.0zz0.com/2008/02/04/22/868859185.jpg

-----------------------
تم تعديل حجم الصور وإعادة رفعها
الإدارة-4

تحيا مصر وعجبي

هي اصلا حاجه كده زي اتنين في واحد يعني مكنه ميه و عربيه اخر موديل ههههههههههههه

العربيه دي عيبها الوحيد ان مفياش اير باج (شوفو الدريكسيون) !!

هي هتنزل خط الانتاج امتى

لما تنزل محدش يقولى

:mad::mad::mad::mad:

ههههههههههههههههههههههههه هههههه
والله نفسي اشوفها بتمشي ويا ريت ابقى محظوظ واسوقها
صحيييييييييح هي كام حصان

هى واضح طبعا انها لسة ماكملتش لأن مافيش عمود كردان راكب فى الفتيس

بس فعلا ماكينة مسلية جدا، منها عربية ومنها طرمبة مية، ده الى جانب ان البتاعة اللى طالعة من قدام دى تنفع منافللة نشغل بيها الموتور لو البطارية نايمة( وممكن تكون هى دى اصلا الطريقة اللى بتشتغل بيها ومافيش بطارية)

اقتباس:

---

المشاركة الأصلية كتبت بواسطة sab3aawy

هى واضح طبعا انها لسة ماكملتش لأن مافيش عمود كردان راكب فى الفتيس

بس فعلا ماكينة مسلية جدا، منها عربية ومنها طرمبة مية، ده الى جانب ان البتاعة اللى طالعة من قدام دى تنفع منافللة نشغل بيها الموتور لو البطارية نايمة( وممكن تكون هى دى اصلا الطريقة اللى بتشتغل بيها ومافيش بطارية)

---

فعلا يا استاذ سبعاوي الحدافة اللي قدام هي الكونتاك اللي بيدور الموتور و طبعا دي اخر صيحة في عالم تكنولوجيا السيارات و طريقة غير تقليدية لأن كل الناس عرفت ان العربية بتشتغل من الكونتاك من الداخل و طبعا المصمم حب يخدع كل الناس و خلاها من بره
و علي فكرة العربية مزودة بمنافللة زي ما حضرتك قلت و المنافللة دي مزودة بريموت كنترول و كمان بصمة الأصابع لليد عشان ما حدش يدورها غير صاحبها وطبعا المنافلله دي بتستخدم كمفتاح للعربية و ممكن في حالة خناقة و لا حاجة من دي تسد معاك يا ريس و طبعا تربنة علي طول يا باشا بالذات الجماعة بتوع الميكرباصات بصراحة دا احسن حل ليهم تحدفه من بعيد بالتاعة دي و تحط توبك في سنانك و تخدها رمح يا عمي الحج لغاية بيتك ما تبصش وراك ابدا ههههههه
علي فكرة الكردان مش راكب فعلا زي ما الأستاذ سبعاوي قال و طبعا دي اخر حاجة بالنسبة لأنظمة الأمان في السيارات و هي انك تفك الكردان و بكدا تضمن ان العربية مش هتتحرك سنتيمتر واحد من تحت البيت يعني يا باشا تفك الكردان و تشيلة معاك و خلي الراجل يهوب ناحيتها و يتجرا يحركها من مكانها ههههههههههههه علي فكرة المصنع عامل الكردان من النوع اللي بيقصر و يطبق بحيث تقدر تحطة في شنطتك او في جيبك حاجة كدا شبه اريال الراديو بيطبق و يتفرد بسهوله ههههههههههههههههههههههههه ههههههههههااااااااي
علي فكرة في اقتراح ان المصنع انه يزود العربية شوية في الأمان و يزود العربية بكلب حراسة يتربط فيها احسن من حكاية الإنذار اللي كل الناس طالعه فيها اليومين دول و اهو يبقي تجديد و نحاول نستفاد من الكلاب الضالة اللي مالية البلد اليومين دول و يبقي كلب لكل سيارة هههههههههههههههههههههههه

بالنسبة للناس اللي بتسأل الموتور كام حصان فطبعا الموتور دا لسه جديد و بيشتغل باي نوع وقود يعني سولار ماشي بنزين 80 ماشي اعلي من كدا مش هيشتغل يعني 90 او 92 او ا95 مش هيعمل حاجة معاة
و الظريف انك ممكن تشغلة بشوية حطب او فحم لو ما فيش وقود و الموتور قوته حوالي 3 بغال و حمارين و معزة

ودي بقى بالحجز برضه؟؟

والواحد يحجز بإيه... جركن ميه :) :)

=============
تم تعديل لون الكتابة لمخالفته
ويخصص الاحمر فقط للأدارة
وشكرا
مشرف القسم

ههههههههههههههههههههههههه هه

زمان كانوا بيقولولنا العربيات هتمشى بعصير القصب !! دلوقتى فهمت قصدهم إيه :)

ياريتها صناعه مصرى 100 % دى بالكتير 40% صناعه مصرى لكن كل أجزائها هى أجزاء استعمال لسيارات اخرى والماكينه بتاعه الرى نفسها تجميع مش تصنيه
بس الفوجات جميله جدا

يا راجل ده انا فرحت وألت أخيرا هننضف

ههههههههههههههههههههههههه ههه

والله انا قلت اخيرا حنصنع سيارة و انبسط جدا

يا رب بس تكون بتشتغل.

هم يضحك و هم يبكى !

بس انسيابية جدا ........وشبابيية

هى فكرة جميلة لكن المزعج إنها قطعا بدون ترخيص وغالبا اللى هيسوقها برضه بدون رخصة يعنى لو شفت زيها ابعد عنها قدر المستطاع ..

على فكره العربيه دى بتمشى بجد انا شوفت واحدة زيها ماشيه فى شارع بورسعيد بس كانت لونها احلى كانت برتقالى على احمر و عدت على كوبرى غمره و محدش كلم السواق و لا اى حاجة و كانت شايله و محمله حاجات فى الصندوق بتاعها

بس السوال المهم هنا اذا كان واحد معندوش اى حاجة و قدر يفكر و يعمل عربيه و بتمشى ليه معندناش مصنع يحاول يعمل عربيه متوسطه حتى مش عاوزين حاجة واووو يعنى بس نحس اننا بنعمل حاجه

علي فكرة يا جماعة العربية دي شفتها في فورميلا الاهرام
وتقريبا كده دي تعديل للسيارة الشاهين و اللادا


ملحوظة
انا بهزر واللهي اوعي حد يوزعل الادا و الشاهين علي عيني و ؤراسي بس الافية تحكم

يا جماعة أنا شايف معظم الردود فيها نوع من التريقة على الموضوع و لكن للعلم العربية دى أو التوتوك المصرى المعدل ده موجود فى القرى المنتشرة فى الوجه البحرى و الصعيد منذ أكثر من 3 سنوات و هى فى الأصل ماكينة المياة الخاصة برى الأراضى الزراعية و قام أحد أصحاب الورش فى مدينة زفتى بمحافظة الغربية بعملية التجميع و توفيق أجزاء المركبة من موديلات السيارات المختلفة لكى تتوافق مع مو تور الرى ليحصل فى النهاية على هذة المركبة التى تؤدى خدمات كثيرة لأهالى القرى , فمنها المخصص لفردين بالإضافة إلى ماكينة الرى و منها المزود بصندوق للنقل " زى العربة السوزوكى الصغيرة النقل" و منها مجهز لنقل الركاب ,.... و إستخدامات أخرى
شهادة بحق صانع هذة المركبة و هو متخصص أيضا فى صناعة إضافة رافع هيدروليكى لمطورات الجرارات الزراعية أيضا , والذى لا يعلمه الكثيرون أن هذا الرجل جرت محاولات من شركات صناعة ماكينات الرى الزراعى الألمانية لأخذه ليعطى حق التصنيع لتصميمه لها و لكنه رفض لأسباب غير معلومة لى , و بالفعل قامت هذة الشركة الألمانية بصناعة مركبة مماثلة متعددة الأغراض ولكنها لم تنافس سعر المركبة التى تصنع محليا لأنها طرحت بضعف السعر , بقى أن أذكر لحضراتكم أن سعر هذه المركبة متعددة الأغراض والتى تصنع محليا بإحدى الورش لا تتجاوز تكلفتها 12 ألف جنيه.
تحية لهذا الصانع المصرى .

يا راجل انا قولت المستحيل اتحقق

يعنى انت قصدك اية بالمشركة دى , حضرتك بتتريق يعنى على صناعة بلدك , والله المجهود اللى اتعمل فيها ممتاز و انا شخصيا اقدر المهندس اللى عملها , و بكرة يعمل احسن منها , على الاقل الرجل فكر و اشتغل و عمل حاجة , الدور و الباقى على ناس كتير متعرفش غير انها تتريق و تكلم و خلاص و محدش فيهم حتى يعرف يعمل نص عربية زى دى , مهو هو دة اللى احنا فلحين فية نتريق و نحبط اى حد بيشتغل و خلاص , انما ننتج حاجة جديدة انما نخترع حاجة لاء , برافو فعلا انك وصلت للسيارة المصرية دى , المهم بس ابققى ابعت لينك المشركة بتعاتك للمهندس للمهندس اللى عمل العربية دى فعلا , اكيد حيكون فخور بيك جدا ......

اقتباس:

---

المشاركة الأصلية كتبت بواسطة m_aash

يا جماعة أنا شايف معظم الردود فيها نوع من التريقة على الموضوع و لكن للعلم العربية دى أو التوتوك المصرى المعدل ده موجود فى القرى المنتشرة فى الوجه البحرى و الصعيد منذ أكثر من 3 سنوات و هى فى الأصل ماكينة المياة الخاصة برى الأراضى الزراعية و قام أحد أصحاب الورش فى مدينة زفتى بمحافظة الغربية بعملية التجميع و توفيق أجزاء المركبة من موديلات السيارات المختلفة لكى تتوافق مع مو تور الرى ليحصل فى النهاية على هذة المركبة التى تؤدى خدمات كثيرة لأهالى القرى , فمنها المخصص لفردين بالإضافة إلى ماكينة الرى و منها المزود بصندوق للنقل " زى العربة السوزوكى الصغيرة النقل" و منها مجهز لنقل الركاب ,.... و إستخدامات أخرى
شهادة بحق صانع هذة المركبة و هو متخصص أيضا فى صناعة إضافة رافع هيدروليكى لمطورات الجرارات الزراعية أيضا , والذى لا يعلمه الكثيرون أن هذا الرجل جرت محاولات من شركات صناعة ماكينات الرى الزراعى الألمانية لأخذه ليعطى حق التصنيع لتصميمه لها و لكنه رفض لأسباب غير معلومة لى , و بالفعل قامت هذة الشركة الألمانية بصناعة مركبة مماثلة متعددة الأغراض ولكنها لم تنافس سعر المركبة التى تصنع محليا لأنها طرحت بضعف السعر , بقى أن أذكر لحضراتكم أن سعر هذه المركبة متعددة الأغراض والتى تصنع محليا بإحدى الورش لا تتجاوز تكلفتها 12 ألف جنيه.
تحية لهذا الصانع المصرى .

---

انا مش قصدي تريقة علي مجهود الرجل لو كان كده فعلا يبقا ياريت كل واحد منا يحاول في فكر جديد في مجاله

اقتباس:

---

المشاركة الأصلية كتبت بواسطة Ahmed Hassan

العربيه دي عيبها الوحيد ان مفياش اير باج (شوفو الدريكسيون) !!

---

100+++++++++++++

اقتباس:

---

المشاركة الأصلية كتبت بواسطة wawoo

يعنى انت قصدك اية بالمشركة دى , حضرتك بتتريق يعنى على صناعة بلدك , والله المجهود اللى اتعمل فيها ممتاز و انا شخصيا اقدر المهندس اللى عملها , و بكرة يعمل احسن منها , على الاقل الرجل فكر و اشتغل و عمل حاجة , الدور و الباقى على ناس كتير متعرفش غير انها تتريق و تكلم و خلاص و محدش فيهم حتى يعرف يعمل نص عربية زى دى , مهو هو دة اللى احنا فلحين فية نتريق و نحبط اى حد بيشتغل و خلاص , انما ننتج حاجة جديدة انما نخترع حاجة لاء , برافو فعلا انك وصلت للسيارة المصرية دى , المهم بس ابققى ابعت لينك المشركة بتعاتك للمهندس للمهندس اللى عمل العربية دى فعلا , اكيد حيكون فخور بيك جدا ......

---

يا واووو بيه لما تيجي تتكلم مع حد ابقي اتكلم بذوق وإحترام و راعي ان كل الناس اللي هنا ناس محترمين و مش سويقة عشان تيجي تدخل شمال كدا و لما يكون ليك راي او وجهة نظر انت شايفها لوحدك و ما حدش من كل الناس المحترمة اللي شاركت بالموضوع شايفها غيرك يبقي تقولها بذوق و بإحترام وبدون غلط و من العيب انك تتكلم مع شخص انت متعرفوش بطريقة هجومية كدا و تتهمه بدون وجه حق
انا لما عملت الموضوع دا معملتوش عشان اتريق زي ما انت بتقول بالعكس انا تعمدت اننا اصور المركبة دي عشان ارفعها للمنتدي و الناس تشوفها وانا قلت ان الموتور بتاعها موتور ماكينة رفع مياه عشان الناس تعرف مدي الفن المستخدم في تجميع المركبة دي وان الموضوع مغلف بطابع الهزار و الضحك فدا عشان شكل العمركبة و امكانياتها البسيطة مش اكتر مش بنتريق علي الراجل اللي عملها و علي فكرة هو مش مهندس ولا حاجة ومش مخترع زي ما أنت بتقول بس الراجل مجتهد و حاول يستفيد من الإمكانيات المتاحة امامة و احنا ما جبناش سيرتة خالص في الموضوع
فانا لا اسمح لك انك تتعدي حدودك بالطريقة المستفزة دي و تغلط بالطريقة دي بدون حق و ان كان الموضوع مش جاي علي مزاجك ما كنتش شرفتنا بردك السخيف دا من الأول لأن هناك ناس محترمين دخلوا و علقوا علي الموضوع بكل موضوعية وان كان هناك فعلا بعض المشاركات اللي بيهزر اصحابها فدا شئ ما يزعلش حد وبالذات انت
علي فكرة انا لما جيت اكتب الموضوع دا ما حبتش اكتبة في القسم الإجتماعي عشان ما يتاخدش بصورة الهزار او التريقة و قمت بكتابته في العام عشان انا اقصد بيه شي جد وهو عرض الفكرة للأعضاء وان كنت بكتب بطابع فيه هزار و مش سخرية زي ما انت شايف يا واوو بيه
وانا استغربت لما الإدارة نقلت الموضوع من العام للإجتماعي ولكن الإدارة لها مطلق الحرية في التصرف في الموضوع كيف ما تشاء
عموما انا اشكوك للإدارة بسبب اسلوبك الغير حضاري في عرض وجهة نظرك و استخدامك لأسلوب عنيف جدا في ابدائها وان كانت غير مقبولة
ا

اقتباس:

---

المشاركة الأصلية كتبت بواسطة hamdy

انا مش قصدي تريقة علي مجهود الرجل لو كان كده فعلا يبقا ياريت كل واحد منا يحاول في فكر جديد في مجاله

---

يا أخ حمدى أنا عارف إنك مش قصدك تتريق على مجهود الراجل .
ويار يت
اى حد من المسئولين المهتمين فعليا و عمليا بالسيارات محاولة تطوير هذة الصناعة لعل وعسى نجد يوما سيارة مكتوب عليها " صنع فى مصر 100%" , بدلا من ورش تجميع السيارات المنتشرة و التى للأسف تطلق على نفسها مصانع سيارات مصرية " طبعا هو كده أحسن من مفيش " لكن ليه ما بنحاولش نعمل أكتر من كده , ما أعتقدش إن دولة زى إيران أو الهند أو ماليزيا أو ...... عندهم عقول وخبرات أكتر من مصر.
إحنا يا جماعة ينقصنا بجد شخص يكون قلبه على البلد و الصناعة المحلية.
بقى أن أقول إن الراجل اللى عمل المركبة دى صنايعى لا يحمل أى شهادة " يعنى و لا مهندس و لا حاجة " بس شخص عنده إصرار و دماغ شغاله بس.
أعذرونى للإطالة

يا جماعة علي فكرة واضح ان الي عملها ما هو إلا حداد (واضح ده من المكان الي حوالين العربية)...يعني الموضوع بالنسبة له بواقي حديد بيلمها في حاجه مفيده و بصراحة مش هي دي بداية تصنيع اي عربية ..كل حاجه ليها اساس علمي والصينيين و الهنود و الأيرانيين (ومن قبلهم الكوريين و اليابانيين) بدأو بتصنيع هيكل مع ماتور مستورد اخذين في الإعتبار احدث ما توصلت اليه تكنولوجيا التصنيع ..يعني بيبتدوا من حيث انتهي الأخرين وهي دي الأصول
وشويه في شويه نقلوا تكنولوجيا تصنيع المحركات وانتجوا محركاتهم او حتي اشتروا مصنع محركات كبداية
هي دي البداية الحقيقية .لكن الي انتم شفتوه في الصوره ده شغل ميمفعش حتي يتشجع .وإلا يبقي كل السمكرية الي في مصر يستحقوا التشجيع لأن كلهم ممكن يعملولك رفرف عربية ..بس شوف حيطلع عامل ازاي و حيتكلف كام و حيأخد قد ايه و الدليل علي كده ان الحداد الي عمل العربية دي لو عامل حاجه عدله كان زمانه ضيف علي كل البرامج وبيحكي نجاحه

معلش حطول عليكم و اذكر مثال بسيط ...هل تعلمون ان مصر بتصنع يخوت زي الي في الصورة دي :

http://www.debirsyachts.com/company/...oduct_pic3.jpg

http://www.debirsyachts.com/company/...oduct_pic2.jpg

وفيه علي حد علمي مصنعين علي الأقل و رحت زرت واحد فيهم
كل الي عملوه انهم بدأو صح ..بيصمموا الياخت ثم يصبوا الجسم فايبر جلاس وبيستوردوا المحرك و معدات الملاحة اما الفرش الداخلي فيصنع في مصر بنسبة 90 بالمائة وده مثال ليهم من جوه :

http://www.debirsyachts.com/82rphlx/.../main_pic2.jpg

http://www.debirsyachts.com/82rphlx/gallery/31.jpg

هي دي البداية الصح ..ان نبدأ من حيث انتهي الأخرون .

اما البهوات بتوعنا عايزيين يفضلوا في مرحلة التجميع فقط و مش عايزيين ينتقلوا للمرحلة الي بعدها ...مش عايزيين يأسسوا صناعة حقيقية ...عايزيين ربح سريع وخلاص
اسف للإطالة