إزاى يا جماعة أعمل التقسيمة بتاعة الأسبراتير(128) من الألف للياء لأن الموضوع ده متكرر وممكن نحتاجه فى ظروف سفر ولا حاجة خاصة انى عرفت انه ممكن يتعمل بسهولة بدون الميكانيكى . بس ياريت تفصيليا؟
عرض للطباعة
إزاى يا جماعة أعمل التقسيمة بتاعة الأسبراتير(128) من الألف للياء لأن الموضوع ده متكرر وممكن نحتاجه فى ظروف سفر ولا حاجة خاصة انى عرفت انه ممكن يتعمل بسهولة بدون الميكانيكى . بس ياريت تفصيليا؟
متاااااااااابع باهتمام شديد
مش فاهم تقسيمة اية قصد حضرتك انك لو خلعت السلوك الى طالعة من الاسبراتير ازاى تعرف تركبها تانى بنفس الترتيب الى كانت علية ولا اية مش فاهم
يعنى ازاى تخلى ترتيب السلوك 1342
مكتوب ع السبراتير 1 و2 و3 و4
1-للبجيه الولانى و2 للبجيه التانى وهاكذا
بتفك الصامولة ال13 اللى فى قاعدة الأسبيراتير.
بتخلى البجيه الأولانى فى وش الأسبيراتير مشاور على مكانه فى الماكينه بالتقريب.
بتخلى حد يدور وانت بتلفه يمين وشمال بشويش.
هتلقط العربيه على وضعية لفه معبنه وهتربط الصامولة ال13 شويه.
سنه يمين وسنه شمال لحد ما الترتيله اللى فى الشكمان تختفى بس هتظبط معاها الهوا والسلانسيه.
دوس ع العربيه ان ضربط مدفع من الشكمان الو مدافع صغيره وانت بتشيل رجلك يبقى لسه عايزه ظبطه صغيره.
وهاكذا لحد ماتظبط.
شكرا جزيلا للرد
لكن فية بعض الأستفسارات
ازاى أرقم البوجيهات فى جسم الموتور يعنى أعتبر ان الى ناحة الدريكسيون رقم 1 وبعده 2 وهكذا ولا من ناحة قربة المياه أعد رقم 1 و2 وهكذا لأن الاسبراتير مرقم لكن بلوك الموتور معليهوش ترقيم
ثانيا لو بعمل التقسيمة من الأول خالص كأن الأبراتير خرج علشان أركب أبلاتين وكوندنسر لأن بعض الزملا قالولى ان بستخدم مفك مكان البوجيه علشان أرفع البستم رقم 1 فياريت توضيح لهذه النقطة تفصيليا
تحياتى
لو تقصد التقسيمة بتاعة سير الكاتينة >> يوجد علامات لذلك أثناء التغيير
لو تقصد تقسيمة الكهرباء >> ايه اللي هيخليك تلعب فيها على المستوى الفردي ؟ لو هتغير غطا الاسبيراتير يبقى ركب الجديد بنفس ترتيب القديم
شوف ياسيدى
الاول من ناحيه الاسبرتير
والتريتب بيكون 1 3 4 2
وبتفك البوجيه الاول وتجيب الغيار الرابع وتفضل تزق العربيه وانت معشق لغايه ما تحس ان البستم رفع المفك لا على حاجه وده فى البوجيه الاول وبكده تكون انت واقف على الترتيب الصحيح
وبتركب السبراتير ووش الشاكوش ناحيه الالبستم الاول
وتركب السلوك بالترتيب اللى قلت عليه وهو 1 3 4 2
ده اللى اعرف وفاكره من ايام مان عندى 128 من سنه 78 لغياه 97
شكرا جزيلا كده الأأمور وضحت
كل الكلام الى الاخوة الاعضاء شرحوة دة تمام وصحيح
توضيح بس صغير
البستم بيبقى رافع على اعلى نقطة فى حالتين
مرة وهوة بيعمل شوط الضغط وفى نهاية الشوط دة بتحدث الشرارة والبستم يرجع مكانة تانى
والمرة التانية والبيستم بيعمل شوط طرد العادم بانة بيرتفع لحد اعلى نقطة لطرد العادم
طب احنا بقى لم نحط المفك ونستنى البستم وهوة طالع اش عرفنا انة الطلعة دى بعدها هايحدث الشرارة الى هاتولع الخليط بتاع البنزين والهوا
علشان كدة بناخد كبس المكنة زى مابيقولو الصنيعية
بنعمل اية بقى
هانعشق الرابع وترفع العربية وتفك البوجية الاولانى واتاكد انة البوجية الاولانى مش الرابع
وهاتحط صوبعك مكان البوجية وانت بتلف هاتلاقى فى مرحلة بيحدث ضغط على صباعك وفى وقت مش هاتعرف تسد الضغط دة وبالتالى هايتسرب من تحت صبعاك وهايعمل صوت فسسسسسسسسسس
فى الوضع دة لو جبت مفك وحطيتة مكان صباعك هاتلاقى البستم قرب لفوق تقريبا هاتفضل تلف العجلة سنة سنة لحد ما البيستم يبقى على اعلى نقطة وهايبدا انة ينزل تانى فى اللحظة دى بالظبط المفروض يكون راس الشاكوش عند نقطة التلامس البوجية رقم واحد
وخلى بالك فى ملحوظة مكنتش اعرفها قبل كدة
فى حاجة اسمها النقطة الميتة العليا الى البستم بيبقى فيها على خط واحد مع المحور الى ثابت فية وعند الوضع دة المفروض مانعملش توقيت الاشتعال عليها لانها ممكن تكسر البستم
وضع الاشتعال بيبقى عند اللحظة الى البستم هايبدا ينزل فيها
يعنى تجيب اعلى نقطة فى البستم بالمفك وبعدين تكمل لف كمان لحد ما تلاقى البستم هايبدا ينزل لتحت عندها تظبط راس الشاكوش على نقطة التلامس بالظبط
دة كل الى كنت عايز اقولة وبعدين موضوع اخد الكبس دة وترتيب البوجيهات والكلام دة مش سهل يعنى وياريت لو مش هاتعرف تعملة يبقى يعملة اى ميكانيكى وخلاص وتريح دماغك
الله يكرمك يا استاذ رمزى
احنا كلنا اخوات واللى يعرف حاجة لازم يقولها لاخوة الى مايعرفش علشان الفائدة تعم
يا استاذ عمرو
ترتيب الاشتعال 2431 دة بيبقى على الاسبراتير ورا بعض وتقريبا اللف بيبقى عكس اتجاة عقارب الساعة يعنى الاسبراتير بيبقى فية 4 اماكن للسلوك ورا بعض ومكان فى النص لسلك البوبينة
ولما راس الشاكوش تلف لازم يبقى الترتيب كدة واحد الاول وبعدين الى بعدية على طول يكون السلك الى رايح للبوجية تلاتة وبعديها اربعة وبعديها اتنين بنفس الترتيب كدة
الفكرة انك تمسك سلك البوجية فى ايدك وتشوف دة اية رقم واحد طيب تشوف بوجية رقم واحد وتركبة علية وتمسك الى بعدة فى وش الاسبراتير الى هوة رقم تلاتة تمسك سلكة وتركبة فى البوجية رقم تلاتة وهكذا
وتقريبا ترتيب الاشتعال دة بيبقى فى معظم العربيات ال4 سلندر
معلومات هايلة جزاكم الله خيراً
الف شكر ياباشا
والناس اللى قالت ريح دماغك واعملها عند الميكانيكى
ماشى معاهم حق انها هتبقى عملية متعبة لو الواحد عملها بنفسه بس اهو الواحد يبقى عارف الحاجة حتى لو مش هيعملها بنفسه واكيد اي معلومة هتفيد والواحد بعد كدة يقدر يشخص العيوب ويشغل مخه بدل ما يروح يلف على الصنايعية وكل واحد يفتي بطريقة شكل
فلو حد عنده اي معلومة عن اي حاجة حتى لو الحاجات اللى مش do it yourself ياريت نشاركها مع بعضنا واهو كلنا بنستفيد
طبعا الكلام الي اتقال كله صح بس انا عندي طريقة سهلة تخليك تظبط الاسبراتير في اقل من 10 دقائق
انا بتكلم عن العربية للادا و اعتقد ان الموضوع ممكن يبقي مشابه مع عربيات تانية
لو جينا و بصينا في وش الماتور من قدام هتلاقي 3 علامات قدام طمبورة عمود الكرنك في اللادا بيبقي فيه واحدة اطول من الباقي
و في الطمبورة هنلاقي علامة من الوش و هو ده المهم
الطريقة :
1- نفتح الكونتاكت بس ( لا تدير العربة )
2- هات الغيار الرابع
3- زق العربية لقدام براحة و انت اشايف العلامات الي شرحناها لحد ما تيجي العلامة الي في الطمبورة علي اطول علامة في وش الماتور و كده نبقي جبنا اخر مشوار للبستم الاول الي المفروض الاشتعال يحصل عنده
4- نجيب لمبة 12 فولت و نحط اطرافها علي اطراف الموبينة
5- نفك صامولة الاسبراتير و نحرك الاسبراتير شمال و يمين بالراحة لحد ما اللمبة تنور ( اول ما اللبمة تنور بالظبط ) نربط المسمار
6- دور العربية و الف مبروك
بعض الميكانيكية يقلك ازودلك كهرباء علشان توفر بنزين و ده كلام غلط خالص سواء كان زيادة او نقص لان الاحتراق لازم يتم عند اعلي نقطة للبستم
ارجو اني يكون الشرح مفهوم و الناس تستفيد منه
شكراً