-
شاركوني بخبراتكم
لو معي من 40 الي 50 الف مثلا و عايز اشتري عربيه مستعمله كويس بس يكون فيها الاحتياجات دي انا عايز عربيه عاليه تستحمل لما يركب فيها معايا ناس كتير ما تريحش و تخبط في المطبات ، قطع غيارها سعرها معقول و متوافر في الصعيد ، تكون فيها اوبشن زي تكييف و باور و سنتر لوك و كدا ، انا محتار اختار ايه ممكن تساعدوني
-
لانوس ثم لانوس ثم لانوس
و ممكن لانوس برده هتبقي كويسة:)
50 ألف تجيب لانوس 2 نضيفة جدا فول اوبشن موديل 2001-2002
لو نزلت السوق هتلاقي طلبك
-
ممكن لو زودت المبلغ 3 او 4 الاف تجيب نوبيرا اكبر من اللانوس.
-
انا ارشحلك نوبيرا اولا لأنها اكبر من اللانوس وهيا هيا مع فارق الحجم والماتور
وبتشيل بتشيل يعني
لو في اختيارات تانيه يبقى كورولا عيون جميله جداواحسن
-
عندك لانوس او نوبيرا
لو عايز عربيه عاليه عن الارض ممكن كليو بس مش عارف مدى توافر قطع غيارها والصيانه فى الصعيد بس عربيه ناعمه جدا وجرايه
-
بالمبلغ ده : لاتوس أو نوبيرا يا باشا .
-
شاهين 1600 بدون تفكير ... موفره، قطع غيارها رخيصه، كماليات كويسه، عاليه، سعر اعاده البيع ممتاز
-
ابعد عن النوبيرا..
عفشة ضعيفة جدا ومش هتيتحمل اللي بتقول عليه ده..
هو فعلا الشاحين انسب حاجة لكلامك..
-
شاهين مناسبة جدا وهتوفى كل احتياجاتك
-
معلش بس ممكن تقولي فين في الصعيد ؟ انا بني سويف علي فكره ..
انت عارف ان عندنا في الصعيد مش اي حاجه بتمشي معانا .. الدايو زي ما انت بتشوف واطيه .. و لو ركبت 2 معاك ورا بتلاقي العربيه بتزحف علي الارض (يا شباب القاهره احنا عندنا طرق غير اللي عندكم) ..
و عشان اقولك عربيه حلوه .. لو مش مهم معاك المنظر عليك و علي الشاهين .. لو عاوز اوبشنز تجيب دوجان 97 فول اوبشن (قدامي واحده بس بيتكلم عالي شويه) .. طبعاُ ماقولكش .. بلاش 504 و بلاش 505 .. لو عاوز برضه عربيه حلوه .. بس بالنسبه لقطع الغيار اسال عندك بقي (لو في بني سويف زي حالاتي يبقي مافيش) .. تكون يأما بي ام 316 او جولف 1300 او 1600 .. بس طبعاُ البي ام اخلي (بالنسبه للارتفاع بنمسك العربيه نحطلها علايات ورا و كل سنه و انت طيب .. المهم مايكونش راكب فيها عفشه اسبور و الكلام ده) .. حقيقي البي ام تحفه .. و لو جبت 316 او 318 موديل 1985 .. هاتاخد موتور زي بتاع ال 504 بالظبط .. موتور لو حملت عشره هايسد معاك .. هيا مشكلتها انها ضيقه نسبياُ .. يعني بتركب 3 احجام متوسطه ورا ..لو رفعت شويه الموديل 88 او 89 هاتاخد موتور حلو برضه .. بس الكهرباْ فيه كتيره ..(من 1982 لحد 1990 نفس الشكل) .. اختلافات بسيطه بس .. و علي فكره .. البي ام قطع غيارها ارخص من ال 504 ..
لو عاوز بقي حاجه فيات .. هوه اللي قطع غياره موجود في الصعيد .. مش عارف اقولك خليك في ايه .. لأن الصراحه ال 131 و ال132 قدمت قوي .. و التمبرا حاجتها لسه برضه مانتشرتش في الصعيد ..
لو انت من اسيوط بقي .. انتو عندكم تجار البيجو كتير .. و حسب ما اسمع ال205 و ال405 عندكم كتير .. و ال405 كعربيه ممتازه برضه .. لو هاتخليك في الموديلات القديمه .. التسعينات كده ..
المرسيديس حلوه بس السعر ده مش هايجبلك مرسيدس معدل .. هايجبلك خنزيره ..و الخنزيره قطع غيارها مش منتشره و عربيه بيني و بينك ماببلعهاش الا اذا كانت الحاله زيرو ..
اعرف بس انت منين بس .. :d
-
خلاص اشترى عربية عالية 4*4 وريح نفسك بس نصيحه ابعد عن الكورى خالص والعربيات الحديثة المنظر انا رافض فكرة الدايو اصلا جربتها عربية تعبانه ومعدل دوران قطعه الغيار عاليه جدا زى الفيات ريح نفسك وابعد عن الدايو
-
اكسنت حالة ممتازة فى حدود 46 - 47 الف افضل من كل دول وقطع غيارها عند البقالين اع رخيصة موووووووووووت
-
-
cherokee 2500cc 4 cylinder b 60 alf aw mmkn 7aga adema chevrolet oldsmobile 5700 cc
IBIIIIIIIIIIIIIIIIIIIIIIIIIIIIIIIIIIIIIIIIIZZZZZZZ ZZZZZZZZZZZZZZZZZZZZZAAAAAAAAAAAAAAAA FOR EVER
-
لو أنت هاوى عربيات وقلبك جامد - أرشحلك شيرى A11 فول أوبشن هتبقى صفقة كويسة - ولو غير كدة تجيب لنوس 2005 أو تويوتا 96 - أنا كنت زيك كدة من فترة والحمد لله رسيت على الشيرى
-
الاخ الى رشحلك اكسنت ..
انا منصحكش بيها خالص لانها معايا ولو ركب اتنين ورا بس انسى انك مش هتحك فى المطبات ...
بس العربية ممتازة فى الباقى الا موضوع الارتفاع دة
-
اكسنت - شيرى A11 فول أوبشن - لنوس 2005 - و الكلام ده كله ماينفعش معاك يا بلدياتي ..
التيوتا موديلات لحد العيون هاتمشي معاك حلو - 405 فل اوي - لانسر بطه برضه .. (بس شوف نقطه قطع الغيار)
ماتقوللي انت منين يا عم هههههه
-
يا جماعه شكرا علي ردودكم بس عايز استفسار انا قدامي عربيه اوبل فيكتورا لسه هاشوفها اللي قاللي عليها بيقول تقريبا موديل اما 97 او 98 ايه رايكم في الاوبل في الموديلات دي و تعمل كام تقريبا هي مانيوال مش راشه لا برة و لا جوه
Content Relevant URLs by
vBSEO 3.6.0 PL2