تفتكر اية اللي ممكن يحصل لو ركنت عربيتك بعرض الشارع تحت بيتك ؟؟؟

SS · 15-05-2010 12:32 PM

المشاركة الأصلية كتبت بواسطة ahmed nouh

واحد جارنا عايش الدور قوى شغال فى الداخليه , كل يوم يجى بعربيه شكل شويه رانج روفر وشويه لاندر كروزر وشويه هامر وشويه باجيرو

ودايما لما بيجى بعربيه من النوع ده بيسيبها فى وسط الشارع حرفيا , بينها وبين اى رصيف ما لا يقل عن 2 او 3 متر بأسلوب اللى مش عاجبه يخبط دماغه فى الحيط

فى يوم عمل الحركه دى وطلع ينام , نزل الصبح لقى العربيه محتاجه زياره طويله لدكتور جريش

ومحدش حتى الان يعرف مين اللى عمل فيها كدا ولا امتى لأن محدش سمع صوت التكسير اصلا

مفيش احلى من العمل فى صمت

......بس هل الموضوع ده جاب نتيجة معاه؟؟؟

سؤال من باب الفضول مش اكتر

**Ahmed Nouh** · 15-05-2010 12:44 PM

المشاركة الأصلية كتبت بواسطة ss

مفيش احلى من العمل فى صمت

......بس هل الموضوع ده جاب نتيجة معاه؟؟؟

سؤال من باب الفضول مش اكتر

ده بقا يركن فوق الرصيف مش جنبه :) , اصل هو مستفز وبيجى بعربيات غاليه قوى لو حد حب يزعله هتبقى زعله كبيره

**M.Osman** · 15-05-2010 03:28 PM

ههههههههه

انتوا اثبتوا لي يا جماعة اني جيراني بجد ناس جميلة جداً
سلبيين جداً ... و محدش هيعمل حاجة للعربية .... هما تقريباً كانوا عايشين في الجبل اللي خبطته تايتانك ... ولما بدأ يسيح عزلوا جمبي !!

بالنسبة لموضوع شد العربية او زقها ... انا مرة انا و صحابي عملنا كدا في عربية واحد كان قافل علينا صف تاني لمدة اكتر من ساعة و رافع الهاند و زحزحناها كدا برضه

انا اكتر حاجة ممكن تحصل ان العيال الصغيرة اللي بتلعب في الشارع تخبط الكورة في العربية ... و بتكون كورة صغيرة ... مش هتعمل حاجة .. غير كدا هيلفوا من الشارع التاني ...

بس حقيقي المواقف هنا مؤسفة ... و حسستني بقيمة جيراني السلبيين الحلويين

**Mzeid** · 15-05-2010 04:22 PM

في يوم من الايام لقينا التليفون بيرن
ألو طلعوا جيراننا اللي قصادنا في الشارع
المهم بعد ألو إلحقوا عربيتكم واقفة بعرض الشارع و كان فيه شباب شالوها و عملوها كدة ( قلبوها 90 درجة )
العربية 128 و خفيفة
و هي واقفة تحت البيت

**mrsailor** · 15-05-2010 04:39 PM

الاسهل انك تكلم النجدة او المرور و لو فى معرفة يبقى احسن لان بسبب حاجة زى دى ممكن تشرف فى الحضّانة .. و هناك هما حايركنوها له بالعرض و الورب و كل حاجة

**Dr.lancer** · 15-05-2010 04:51 PM

العربيات حترجع لورا و تلف من شارع تانى بس تأكد إن حتاخد شوية دعوات و اللة لو جاء الونش و أخدها حتبقى أرحم ليك من دعوة المظلوم و ياسلام لو كان على وضوءه دى تبقى دعوته بدون حجاب. اللهم أعفينا