في عربيه بتركن لوحدها

**shaddadfalcon1** · 18-05-2010 11:11 AM

الفكره كلها في الحساسات اللي بتقيس المسافه الفاضيه وتشوفها تكفي العربيه ولا لآ وبعدين تظبط نفسها
مره جابوها في توب جير بس معرفتش تركن كويس - كل مره كانت بتخبط

مره سمعت انهم عملين الموضوع ده قال عشان تريح الناس بره من تعب السواقه والركنه

ده الواحد لما بيلاقي ركنه بيبقي هاين عليه ينزل يصلي ركعتين شكر في الحته اللي هركن فيها

انا تقريبا عربيتي بتاخد بنزين وانا بدور علي ركنه اكتر من اللي باخده في الطريق كله

**kh_talaat** · 18-05-2010 11:16 AM

**egytamer** · 18-05-2010 12:11 PM

فعلا الليكزس اول عربية نزلت بالتقنية دي وبعد كدا البي ام ودلوقتي البسات بس احنا متعودين اننا ناخد الاختراعات دي بعد متتجرب لمدة 50 سنة علشان تبقي امان وميحصلشي مشاكل منها ويقدر غبور يحطها بعد ميشوف اايرباج والاي بي اس ينفعو ولا دي نصبة من العالم علي المواطن المصري الغلبان

**Eng.Sameh** · 18-05-2010 12:17 PM

اللي انتم كمان ممكن تكونوا مش عارفينه .. هو أن البحاث من فترة شغالة على أن العربية تمشي لوحدها خالص من غير أي تدخل منك والموضوع قرب يتنفذ فعلا .. يعني سعادتك هتقعد في العربية وتحددلها المكان اللي انت عاوز تروحه وهي توصلك من غير انت ما تعمل اي حاجة

**bassem.naguib** · 18-05-2010 12:41 PM

المشاركة الأصلية كتبت بواسطة cyborg_ift

انا 128 بتاعتي بتركن لوحدهه وساعات بلاقيهه جنبي على السرير

والله نفسي أشوف فيهم يوم وساعتهه هموت وأنا مرتاح

مقلتليش يا باشا 128 بتاعتك مانيوال ولا أتوماتيك

أصل أنا عندي 128 مانيوال ومجربتش الأتوماتيك منها .. والأوبشن اللي عندك أيه علشان تركنها على السرير

**ahmed31031** · 18-05-2010 01:46 PM

واحد صحبي جايب باسات وبتركن لوحدها (اول ماتبقي عايز تركن بدوس علي زرار فيها وتنزل السرعة بتاعت العربية عن 20كيلو واول ما تلاقي مكان مناسب بتديك صوت انذار وكل ما عليك بتجيب الفتيس علي وضع المارشيدار وتسيب الباقي عليها الدواسات بتتحرك تحت رجليك والطارة بتلف كلو توماتيكي توماتيكي )
بس بصراحة انا شايف انها متنفعش في مصر لانها مش بتركن غير لما تكون العربيات ركنة صف واحد موازي للرصيف اما في مصرنا العزيزة اغلب الركنات بتبقي بالجنب او بالعرض او فوق الرصيف مفيش ركنة محددة كله بيحاول يحشر العربية في اي حتة فاضية والسلام
عمااااااار يامصر

**ahmed31031** · 18-05-2010 01:53 PM

المشاركة الأصلية كتبت بواسطة shaddadfalcon1

ده الواحد لما بيلاقي ركنه بيبقي هاين عليه ينزل يصلي ركعتين شكر في الحته اللي هركن فيها

انا تقريبا عربيتي بتاخد بنزين وانا بدور علي ركنه اكتر من اللي باخده في الطريق كله

نفس الي بيحصلي ساعات بحس اني مش طبيعي والناس بتتفرج عليا عمال الف رايح جي في نفس الشارع علي امل ان يكون حد طالع ولا حاجة لاسمح الله(بروح الشغل في حوالي نص ساعة وادور علي ركنة حوالي تلت ساعة)

**mr_sameh** · 18-05-2010 03:07 PM

المشاركة الأصلية كتبت بواسطة cyborg_ift

انا 128 بتاعتي بتركن لوحدهه وساعات بلاقيهه جنبي على السرير

والله نفسي أشوف فيهم يوم وساعتهه هموت وأنا مرتاح

ههههههههههههههههههههههههه ههههه

**caysersosaih** · 18-05-2010 05:41 PM

new BMW 5 Series does it

-

الموضوع: في عربيه بتركن لوحدها

LinkBack

أدوات الموضوع

عرض

-

-

-

-

-

-

المواضيع المتشابهه

بتركن عربيتك فين ؟

ما هى .... عربيه احلامك.....عربيتك الحاليه... عربيه نفسك تشتريها...عربيه تحب شكلها ؟

عربية بتركن لوحدها.

كلنا عارفين ان العربيات بتركن لوحدها دلوقتى لكن كمان الجراج يركنلك عربيتك اوتوماتيك

رافعه بتركن العربيه لوحدها " فيديو"

الكلمات الدلالية لهذا الموضوع

المفضلات

المفضلات

ضوابط المشاركة