الموضوع: طلب من اخواني بخصوص موافقة استيراد مواد طبية لمصر

المشاركة الأصلية كتبت بواسطة Ahmed Samy

انا أعمل طبيب أسنان و تخصصي الدقيق هو تركيبات الوجه و الفكين

و حاليا تواجهني مشكلة صعبة جدا أثرت على عملي بشكل قاتل و على دراستي أيضا

المشكلة تتمثل في عدم قدرتي على شراء مواد صناعة و تشكيل و تلوين التركيبات الوجهية و هي مواد سليكونية القاعدة بشكل عام

مجموعات المواد منها سليكون سائل و جيل و ملونات و مواد رافعة اللزوجة و غيرها

هذه المواد لا يسمح بدخولها مصر (لاعتبارها ممنوعة) و تحتاج لموافقة طبية دي نقطة

النقطة الثانية ان كل الشركات اللي بتبيع الحاجات دي في أمريكا لا تشحن بضائعها لأي دولة عربية لتجاربهم و علمهم بمنع دخولها في الجمارك

كنت بادخل الحاجات دي مصر مع معارف من اوروبا وكانو بيدخلوها زي الممنوعات يعني كنت أشحنها من أمريكا لعناوينهم في اوروبا و هم يجيبوها معاهم على مراحل

وطبعا كتير اتمسكت و اتفتحت "عنوة" في المطار و ده معناه فسادها لأنها مواد شديدة الحساسية للحرارة و الرطوبة مما يعني فسادها أكثر من مرة و مضاعفة التكلفة في كل نقلة

و التكلفة فعلا كبيرة قيمة المواد الافات من الجنيهات .

دلوقتي أنا تعبت من لعبة القط و الفأر دي و عايز طريقة اشتري بيها حاجتي و توصلي بشكل مباشر و مضمون ..سواء بشكل رسمي أو غير رسمي

ممكن أي حد ممن له علاقة باتجارة المواد الطبية أو الاستيراد عموما انه يفيدني لأن أنا انهكت بصراحة و بدأت افكر في التخلي عن هذا التخصص النادرطول ما أنا عايش في المخروبة دي ..بس المشكلة في حالات الدراسة .

شكرا مقدما للمساعدة

maxillofacial prothodontics
الفرع ده من الاسنان لو العبقري اللي منع استيراد مستلزماته عرف بيتعمل بيه ايه كان جه باس ايدك و رجلك
للاسف بلدنا تقريبا بتكرهنا يا دكتور
انا العياده اللي شغال فيها فوقيها دكتور اسنان نفس تخصصك
ممكن تبعتلي رقمك علي الخاص و ان شاء الرحمن اكلمه اشوف بيتصرف ازاي و ارد عليك
و انا اللي كنت ناوي اسئل علي المواد دي علشان اجرب اتعامل معاها و العب بيها شويه
الله يعينك و يعيننا دكاتره الاسنان في بلد زي بلدنا
اعلي دخول في العالم المحامين و دكاتره الاسنان
اغلي طالب و الاكثر تكلفه و يعد اغلي من الطيار هو دكتور الاسنان
و في بلدنا الحلوه ادينا قاعدين بمرتب وزاره الصحه اللي ميجبش تمن قميص و بنطلون
انا نفسي حد يخدمني و يجيبلي شغلانه في وزاره غير وزاره الصحه
للاسف والدي كان ليه علاقات كتير بس توفي قبل ما اكمل جيش