سؤال مهم لخبراء البترول والاراضى المستصلحه فى منتدانا الجميل

**mada121977** · 04-02-2008 05:04 PM

عندى صديق عزيز جدا عندهم قطعه ارض مستصلحه فى احد المناطق الصحراويه وكل حوالى 4 او 5 شهور ييجوا مهندسين من وزاره البترول يستكشفوا المنطقه اللى فيها الارض بحثا عن اى بئر بترولى جديد و المره دى كان الدور على ارض صاحبى و لقوا بعد الاستكشاف ان فيها بترول بس مش عارفين لسه الكميه بتاعه البئر قد اييه ... السؤال هنا بقى هل الارض هايشتروها منه بالسعر اللى هوا عاوزه ولا هتتصادر لصالح الدوله ولا الدوله هاتدفعله تمنها وبس ؟؟ علشان الراجل قلقان جداا و تعبه كله فى استصلاح الارض ممكن يروح هدر وكل مايسأل حد يقوله اجابه مختلفه عن التانى فقلت استشيركم فى المشكله دى علشان اطمن الراجل .

**Ahmed Samy** · 04-02-2008 05:18 PM

في واحد صاحبي شغال في البترول
هاسأله و ارد عليك

**emam** · 04-02-2008 05:24 PM

شوف يا استاذ مادا فى الحالات الى زى دى بيطلع قرار من وزير البترول بالاستيلاء على الارض للمنفعة العامة لمدة معينة لكى تتم دراسة طبيعة الارض وعمل الدراسات اللازمة وفى هذه الحالة يتم تعويضة (ايجار) وليس شراء وفى الغالب بيكون مبلغ الايجار مجزى .

**mada121977** · 04-02-2008 05:31 PM

اخى الحبيب جدااا د/احمد سامى جزاك الله كل خير وربنا يقدرنى وارد جمايلك :)

الاخ الفاضل الاستاذ امام هما لما يأجروا الارض لمده معينه طيب بعد انتهاء المده هتكون الارض اتبهدلت و تعب الراجل راح و هيبدأ يستصلحها من جديد وممكن تكون باظت خالص من عمليات الحفر والتنقيب