توقع لسعر الالنترا الجديدة
طبعا كلنا شفنا الالنترا الجديدة بتصميمها الجميل و الثورى... و فى ناس كتير توقعت سعرها اللى يقول حتبداء ب 120 و ممكن توصل لى 150!!! طبعا اسعار وهمية و مبالغ فيها!!! طيب ما عندكم:
- السيراتو الجديدة نزلت بشكل ثورى رائع لا يقارن بشكلها القديم و ماتور احدث و اقوى بتكنولوجيا VVT الاحدث و سعرها زاد 7 الاف جنية عن شكلها القديم
- النيو اكسنت نزلت بشكل احدث و بودى اقوى من الشكل القديم (الفرنا), ماتور احدث و اقوى بتكنولوجيا VVT الاحدث, تقفيل داخلى افضل بكثير وتقفيل كورى مش مصرى كاسيت و سماعات افضل بكثير و كورى مش مصرى, كوتش اعرض,... و سعرها زاد 10 الاف جنية عن الشكل القديم
انا اتوقع الالنترا الجديدة سعرها لل base line يكون كالتالى لو بالماتور الحديث ( 138 حصان ):
- المانيوال تبداء من 102 الف (بزيادة 12 الاف عن سعرها الحالى و 6 الاف عن اختها الكيا)
- الاتو لو 4 سرعات تبداء من 109 الف (بزيادة 12 الاف عن سعرها الحالى و 6 الاف عن اختها الكيا)
- الاتو لو 6 سرعات تبداء من 112 الف (بزيادة 15 الف عن سعرها الحالى و 9 الاف عن اختها الكيا)
اما لو غبور نزلها بالماتور القديم فسعرها حيقل 3 الاف جنية فى كل فئة
علشان العربية تقدر تنافس انا اتوقع ان غبور مش حيقدر يزود الاسعار عن كدة الا لو خامات العربية من جوة كانت فيها طفرة كبيرة و فرقت عن الخامات اللى عودتنا عليها هيونداى و متنسوش ان اسعار الاوربى بيقل 4% كل سنة و السيراتو باسعارها الحالية و شياكتها و انتشارها فى الشوراع حيكون ليها دور كبير فى تسعير العربية دية.
طبعا دا توقع و الله اعلم.