الموضوع: تطليع العفش

انا جربت عربيات نقل العفش اللي في ميدان الجامع

الميزة ان العربية مقفولة ومبطنة من الداخل بالخشب وبالتالي بتحافظ على العفش اكتر من العربيات النصف نقل العادي او الlong bed المفتوح او المحاط بحديد فقط

سعرهم معقول انما مش بيفك ولا يغلف هو هييجي ومعاه اتنين تلاته شيالين عمال عادية ينزلوا العفش ويطلعوه

بخصوص سلم العمارة الضيق انا كنت اتفقت مع شركة في عمارات العبور لديها ونش خاص لتطليع العفش وكان على ما اذكر في حدود 400-500 جنيه انما عمل معايا حركة زبالة وهي انه عمل عقد كتب فيه ان ساعة التأخير بـ 300 جنيه
ولما وصل المكان كانت عربية العفش اتأخرت واصر على بنود العقد 300 جنيه غرامة تأخير

المهم بعد كده عرفت ان عربيات العفش اللي في ميدان الجامع لهم معارف اوناش رفع عفش بأسعار معقولة وبدون غرامات تأخير

يعني بالطريقة دي القصة كلها تتكلف من 800-1500 جنيه حسب العفش والحجم والأماكن والأدوار
انما مش 4000 جنيه كتير

حلو قوي الكلام ده يا باشا الله ينور
يبقي انزل ميدان الجامع واتفق معاهم علي التنزيل والتطليع والونش واجيب نجار يفك ويركب

ملبلكونة
انجليزى ده يامرسى

اااااااااااه ملبلكونة
دى زى فلغسالة كدة
طيب ماهى انجليزى اهى

علي فكره احنا عندنا مكتب عربيات نقل :)
بس لو هتنقل العفش كامل يبقي تشوف عربيه مقفوله وهما هيجبولك الونش ويطلعوا كل حاجه