الموضوع: الشارع بتاعنا

السلام عليكم

عايز اتكلم معاكم عن مأساه الشارع بتاعنا و تقولولى الواحد ممكن يعمل ايه

انا ساكن فى شارع ضيق متفرع من شارع رمسيس

على ناصية الشارع قطعة ارض فاضية , معمولها سور و معمولة جراج لميكروباصات (مصر - اسكندرية)

1- المفروض السور يدخل لجوه عشان الشارع يوسع شأنه شأن اى عمارة جديدة بتتبنى فى الشارع بتخدل لجوه حولى 6 متر , ما بالك بمدخل الشارع

2- بعد الجراج بيت مهجور طالعله قرار ازالة من اكتر من 10 سنين , المفروض يتهد عشان الشارع يوسع

بعد البيت فى عمارة جديدة لسة مبنيه و داخلة لجوة و تمام

الكارثة الكبرى بقى بعد العمارة الجديدة :

3- مستودع انابيب , فوقيه بيت مهجور آيل للسقوط , و على بعد 10 متر منه بنزينة مصر للبترول + العربية غاز , مواسير الغاز اللى بتغذى البنزينة بتمر من تحت المستودع !! , و مش بس كده , العمال بيحدفوا الانابيب بطريقة مرعبة و بيرموا الانابيب فوق بعض


المشكلة ان كل ما المستودع ده يتقفل , شوية و يرجع يتفتح تانى !!

اعمل ايه !!!!!!