حقد يموت ليه نفسي اعرف

**mtgalx** · 15-05-2010 02:24 PM

صباح الفل يا شباب عارف اني مكنتش موجود علشان الامتحانات بقي علي الابواب و انتوا فاهمين و اعزوروني لو في كلام مكتوب غلط علشان انا بكتب بالشمال علشان اليمين مكسورة و عايز اعرف الموقف ده عدا علي حد فيكوا ولا لأ
انا يوم الاربعاء كنت ماشي علي البحر مابين العصافرة و ميامي وكنت سايق البك ال 400 بتعتي ورايح اخد اليو ترن علشان رايح علي سيدي جابر المهم قابلت شبين راكبين علي 250 فير لونها ازرق و افتكروا اني بشد معاهم هوب جم جنبي و اعدوا يعلوا صوت المواتير رحت سيبهم و شديت شوية قدام و قبل شارع 45 لاقت عربية طالعة علي البحر هديت انا لاني مكنتش بجري كنت ماشي 30 او 40 كيلو/ساعة الموهم حودت شمال شوية علشان ادي مساحة للعربية تلف و انا كمان اكمل طريقي هو جه الاخ ابو 250 فير من ورايا وراح رازعني رجل في ديل البيك لبسني في العربية و اتكعورت انا و البيك و الخوزة اتكسرت من تحت الاسكرينة يعني الحته الي قدام بقي و منخيري بس البلاستيك الي بره بس الي اتكسر و إيدي اليمن اتكسرت و وشفايفي و صوبعي اتفتحوا و اتخيطوا و بتاع 20 25 كده عل خربوش في جسمي ,,الحمد لله انها جت علي اد كده بس انا عايز اعرف ليه الشاب ده عمل كده رغم اني مجتش جنبه اصلاً ولا شد ولا تقفيل ولا حنكره ولا الكلام ده كله وبعد و خبطني مفكرش يقف يشوفني وصاحب العربية موقفش بس اظن انه طلع ورا البيك التانية دي علشان هو شاف الي حصل
انا بقي الي مجنني ليه الي حصل ده و هو كده استفاد ايه ولا كسب اه
هل لو كنت انا مت مثلاً كان ساعتها موقفوا هو ايه ولا خلاني دخلت في حد في العربية من ناحيه عيال صغيرة و ماحد فيهم مات من الخضة او الخبطة
هل ده حقد ولا عبط ولا هبل ولا تاثير مخدرات ولا استهتار
هل ف حد عدي عليه موقف ذي ده قبل كده او عمل ذيه ؟
معلش طولت عليكوا بس ده مفعول ايد واحدة وربنا يسترها معانا

**tamertamer** · 15-05-2010 02:41 PM

اولا اهم حاجة انك بخير

**tamertamer** · 15-05-2010 02:48 PM

بص ياسيدى اولا الموقف دة حصل من اسبوع مع واحد صحبى وهو يعتبر متربى معاية وزى اخوية بضبط وامام بيتى كمان
بيكلمنى صحبى بيقلى انا عملت حدثة نزلت جرى ابص لقيت العربية بالحرف متدشدشة خالص مفيهاش حاجة سليمة نهائى كان ماشى فى صلاح سالم ومدى اشارة عشان يخش يمين من مسافة 400 متر مدة كفية ازاى وزاى يدى اشارة ويخش ابلة المهم اعد يحاول يسخنة صحبى طنشة خالص ومروح اذا بالعربية بتعتة تاخد خبطة قوية جدا من الخلف يمين طبعا العربية طارت وطلعت على الرصيف وراحت دخلة فى عمويد النفق وساتر ربنا منزلش فى النفق كسر العمويد طبعا هو مفرملش لانة خدة على مشمة والعربية طارت الى الجها المقبلة وطلعت فوق الرصيف النحية التنية ونزلت فى الجنينة طبعا انا كنت هموت الراجل قلى يزهل انة راجل كبيرة عندة 55 سنة ومعاة بنتة 13 سنة رايح يوديها درس كان هيموتة طيب لية مفيش رد طيب صحبى زنبو اة طبعا الناس مسكو اول لما عمل الحدثة وتطور الموضوع ان عرفنا ان الراجل يعانى من مرض نفسى هل بيتعمل كشف على قواء الراجل العقلية لا طبعا ادى يا عم صحبى عربيتة اتدشدشت وتباعت خردة 6 الف جنية وتبهدل وهو ملوش زنب والظابط راسة والف سيف ان بنهم عداوة عشان تادى انة عايز يقتلة مفيش حد عاقل يعمل كدة

**tamertamer** · 15-05-2010 02:52 PM

بص هو طبعا استهتار بارواح الناس بس على الاغلب الناس دية شربة حاجة لان مفيش حد عاقل يعمل كدة يبقا يا مجنون يا شارب ومش فى وعية

**zoom2zoom** · 15-05-2010 03:00 PM

اهم حاجه ان انتا سليم وكويس في ناس عندها استهتار جامد وحقد برضه في نفس الوقت انا ناس كتير بتقابلني بنفس الاسلوب وعايزين يشدوا معايا ويقربوا يكلموني اول كلمه بقولهالهم ربنا يستر طريقكم عشان لو في حقد او حسد يزول من الكلمه دي الف سلامه عليك ياكوتش

**otefa** · 15-05-2010 03:12 PM

ألف سلامة عليك ياباشا وقدر الله ولطف.......انسي ومتفكرش كتير في الموضوع لأن في الاول والاخر كلنا بشر الخير موجود والشر موجود في نفس الانسان والكمال لله وحده......وطمنا عليك وهاتفك دراعك امتي علشان الامتحانات.........والحمد لله في جميع الاحوال.......واللهم أني لاأسألك رد القضاء ولكني أسألك اللطف فيه.

**yascro** · 15-05-2010 03:50 PM

لا حول ولا قوه الا بالله العلى العظيم
الف سلامه عليك

**mtgalx** · 15-05-2010 06:13 PM

اولاً انا مش عارف اقولوكوا ايه والله ربنا يخليكوا لكن في حد حصل معاه الموقف ده و شاب لذيذ جه ظرفه رجل في المكنة هو احنا بنلعب roadrash ولا ايه

**omarken** · 15-05-2010 07:10 PM

المشاركة الأصلية كتبت بواسطة mtgalx

اولاً انا مش عارف اقولوكوا ايه والله ربنا يخليكوا لكن في حد حصل معاه الموقف ده و شاب لذيذ جه ظرفه رجل في المكنة هو احنا بنلعب roadrash ولا ايه

فعلا تلاقيه لسه واخد جيمين رودراش
وطلعو عليك انت
وممكن كمان يبقى عندو عقدة نقص
اهم حاجة انك سليم الحمد لله
وادعيلو بالهدايه ----- اوع تدعى عليه
وكمان حاول من جواك انك تكون مسامحه
علشان دى حاجة كويسة جداااااااا
والف سلامه يامعلم

**QaTaR** · 15-05-2010 07:56 PM

ربنا ينتقم منه حركه حقيره الصراحه
ابقى اعمل حسابك المره الجايه
والف سلامه عليك

الموضوع: حقد يموت ليه نفسي اعرف

LinkBack

أدوات الموضوع

عرض

-

-

-

-

المواضيع المتشابهه

نفسي اعرف الرجه دي من ايه ؟؟

نفسي اعرف الناس متغاظه ليه

نفسي اعرف اسم السيارة دي ايه ؟؟ حد ياساعدني

نفسي اعرف حاجة في لانسر !!

الكلمات الدلالية لهذا الموضوع

المفضلات

المفضلات

ضوابط المشاركة