ايه اللى جابك عندنا ..؟؟؟؟

**shaddadfalcon1** · 15-05-2010 10:54 PM

واحد زميلي في الشغل كان بيشتري وبعدين قاللي انه دور في كل حته والناس في نايل موتورز قالو كذا وكذا فسالته ايه نايل موتورز ده قاللي عليه
عملت حساب في الأول ومكنتش بدخل كتيير وبعديها عملت واحد تاني واول حاجه شفتها كانت المقارنه بين اللانوس والفيرنا عشان كنت لسه بقي جايب لانوس

**eino666** · 15-05-2010 10:57 PM

اما انا كنت بدور على عربية والبحث جاب لى المنتدى فسجلت فيه والحمد لله ربنا اكرمنى واشتريت عربيتى الالنترا 2008 من احد اعضاء المنتدى وبالرغم من انه من القاهرة لكن سافرت القاهرة انا واولادى و الحمد لله ربنا كرمنا والعربية طلعت بسم الله ما شاء الله و لا قوة الا بالله ورجعنا اسكندرية فى نفس اليوم بالعربية
يبقى ادمنه ولا لآ؟؟؟؟؟؟
....................................*
محمود عينو

**hany_mohamed** · 16-05-2010 12:10 AM

بحثت فى الجوجل عن مقارنات السيارات قبل شراء سيارتى الجديدة
ولقيت ضالتى فى المنتدى
الادمان بمتابعة المنتدى بقى سيادتك ممكن تحضر جلسات محكمة الاسرة قريبا لان الموضوع زاد عن حدة من ساعة الرجوع من الشغل الى ميعاد النوم

**omar-saad** · 16-05-2010 12:21 AM

والله انا كنت بعمل سيرش على جوجل علشان اعرف عيوب الميجان لانى بحب العربية دى اوى
فاظهرلى نايل موتورز فى البحث وبصراحة اللى كان كاتب الموضوع كان كاتبة بطريقة كويسة جدا
ودة اللى شدنى للمنتدى وخصوصا انى بحب مجال السيارت جدا
وللاسف انا دلوقتى مقدرش افتح الجهاز الا لما ادخل واشوف اخر
الاخبار

**Ramy.Gamal** · 16-05-2010 02:32 AM

انا دخلت الموقع فى اواخر 2007 من جوجل و قعدت سنه عضو نشيط و فاعل جدا لحد ما خطبت و ساعتها نسيت اختراع النت كله س الحمد لله من ساعه ما عقلى رجعلى و فسخت الخطوبه و ابتديت ارجع تانى لنيل موتورز اللى بعتبره بيته

**nasr-eldeen** · 16-05-2010 03:09 AM

المشاركة الأصلية كتبت بواسطة hugan

انا دخلته اول مره لما كنت جايب عربيتي
كنت عايز اعرف عنها كل حاجه
كتبت اسبرانزا
ظهرت مشاركات ومواضيع
وكانت من داخل المنتدي
عملت سيرش عنه واشتركت

أنا هعترفبس من غير ضرب
سبب معرفتي بالموقع نفس الموضوع بس كنت لسه شاري اللانسر

المشاركة الأصلية كتبت بواسطة mrsailor

ابتديت ادمنه لما ابتديت اشارك فى المواضيع و متهيألى بسبب انك لما بتشارك فى المواضيع بيبقى فى تواصل مع الاعضاء و مع الوقت بيبقى فى الفة

عرفت انى ادمنته لما بقيت اول حاجة باعملها لما اقوم من النوم او لما باروح البيت انى افتح و اشوف المشاركات و الردود و المواضيع المختلفة..

مين تانى حايعترف .. لأن الانكار مش حايفيد .. التهمة لابساك لابس
اك

وعرفت اني ادمنته لما وجدت ان طالما الكمبيوتر شغال يبقى نايل موتورز شغاااااال
ومشاركاتي ليس لها وقت صباحاً ومساءاً فجراً وظهراً
لأن نيل موتورز هو منزلي الافتراضي
ودي كل أقوالي

يا سعادة الباشا

**mrsailor** · 16-05-2010 03:13 AM

المشاركة الأصلية كتبت بواسطة ramylancer

انا دخلت الموقع فى اواخر 2007 من جوجل و قعدت سنه عضو نشيط و فاعل جدا لحد ما خطبت و ساعتها نسيت اختراع النت كله س الحمد لله من ساعه ما عقلى رجعلى و فسخت الخطوبه و ابتديت ارجع تانى لنيل موتورز اللى بعتبره بيته

خطوبة ايه ياراجل اللى تاخدك مننا .. دا احنا لمتنا بالدنيا

**dode2002** · 16-05-2010 03:15 AM

اهو ادمان ومش هقول علي الاسباب

**Eng_Mostafa_89** · 16-05-2010 10:28 AM

اول مرة شفت فية نيل موتورز كنت بدور فى جوجل على مقارنة بين لانسر بومة ونيو النترا وفعلا لقيت المقارنة دى وكانت مكتوبة بطريقة حيادية وجميلة وكانت شملة كل حاجة
ودخلت قسم كيا وعجبنى جدا روح المساعدة اللى هناك وبرضة موضوع عمرة ال132 واسعار الحاجات بتاعتها بالفواتير
من ساعتها وانا بقيت مدمن ومتابع
واكبر دليل على ادمانى
انى اكون قاعد براجع قبل ما انزل اروح الامتحان الاقى نفسي بدون ارادة جى على الكمبيوتر واشغلة وافتح نايل موتورز

-

الموضوع: ايه اللى جابك عندنا ..؟؟؟؟

LinkBack

أدوات الموضوع

عرض

-

-

-

المواضيع المتشابهه

الشارك اللى عندنا هى اللى بتنزل ف الكويت؟؟؟

الكروز اللى عندنا روسى :)

مش احنا بس اللى الرخصة عندنا بتطلع بالكوسة ...!!!!

انواع البنزين اللى عندنا فى الصعيد !!

ايه الفرق بين اللادا اللى عندنا والصور ديه

الكلمات الدلالية لهذا الموضوع

المفضلات

المفضلات

ضوابط المشاركة