ايه اللى جابك عندنا ..؟؟؟؟

**mrsailor** · 15-05-2010 04:30 PM

هى فكرة غريبة بس طقة فى دماغى كنوع من الفضول
:

ممكن كل عضو يقولنا هو عرف المنتدى منين و ايه اسباب دخوله لاول مرة و ليه مستمر لدرجة ان فى بعض الاعضاء تقريبا عندها ادمان .. و لو كنت من مدمنين المنتدى ازاى اكتشفت ادمانك.. بس رجاء بلاش المجاملات يعنى بلاش الكلام المبالغ فيه اللى مش حاتحسه من اول كام مرة دخلت فيها

و حابدأ بنفسى :

انا عرفت المنتدى ده عن طريق ابن خالتى و اسمه محمد رزق و بيدخل المنتدى باسم FIGHTER
اول مرة دخلت كنت بادور على عربية و قالى ان فى منتدى كويس و ممكن تلاقى طلبك فيه
بعد كده لقيت مواضيع و مناقشات كتيرة و مفيدة جدا و ناتج خبرات عديدة لاعضاء كتير و من ساعتها بقيت بادخل بانتظام طول ما انا فى مصر
ابتديت ادمنه لما ابتديت اشارك فى المواضيع و متهيألى بسبب انك لما بتشارك فى المواضيع بيبقى فى تواصل مع الاعضاء و مع الوقت بيبقى فى الفة

عرفت انى ادمنته لما بقيت اول حاجة باعملها لما اقوم من النوم او لما باروح البيت انى افتح و اشوف المشاركات و الردود و المواضيع المختلفة..

مين تانى حايعترف .. لأن الانكار مش حايفيد .. التهمة لابساك لابساك

**Dr.lancer** · 15-05-2010 04:34 PM

أنا دخلته مرة واحدة زمان كنت بدور على مشكلة فى عربيتى دخلت و خرجت فى نفس اليوم و نسيت حتى أسم المنتدى لحد ما دخلت من كام شهر و شدنى طريقة الإجابة على الأعضاء و متابعة مشكلتهم. بعدها حصلت موضوع محمد جمعة (الله يرحمة) و شدنى تكاتف الأعضاء مع بعض. لدرجة أنى حاليا بخوش على المنتدى الإجتماعى الأول قبل ماأخش على باقى المواضيع.

**meeg** · 15-05-2010 04:41 PM

انا اول مره دخلت كنت بدور على موقع يكون بيهتم بالسيارات فى مصر لانى كنت لسه جى من السعوديه وعايز اعرف اخبار واسعار السيارات فى مصر
ابيتديت ادمنه من يوم ما سجلت لان موقع ده بامانه فى كل حاجه عن السيارات
عرفت انى ادمنته لانى اول ما استيقظ من النوم وطول ما انا فى البيت لازم ابقى متواجد بشوف المواضيع والمشاركات
وشكرا

**hugan** · 15-05-2010 04:53 PM

انا دخلته اول مره لما كنت جايب عربيتي
كنت عايز اعرف عنها كل حاجه
كتبت اسبرانزا
ظهرت مشاركات ومواضيع
وكانت من داخل المنتدي
عملت سيرش عنه واشتركت
الادمان ابتدي من حوال 4 شهور
مع اني مشترك تقريبا من سنتين

**HeMa_LanCeR** · 15-05-2010 05:09 PM

انا اول مره ادخل كنت بعمل سيرش في جوجل علي حاجه تخص العربيه (مش فاكر هي ايه)
واللي شدني ليه في الأول انه مصري لأني مشترك في منتديات سيارات كتير بس ولا واحد فيهم مصري
لأني شخصيا بحب المجال ده قوووووووووي

**mrsailor** · 15-05-2010 05:10 PM

المشاركة الأصلية كتبت بواسطة snakeson2

هههههههه موضوع حلو
انا برضة دخلتة وانا بدور علي مقارنة بين عربيات وعجبني النظام فية وماشاء الله في تطور جميل

انا شايف انك ما جاوبتش على باقى الاسئله .. يعنى اجابتك مختصرة .. انصحك تشوف محامى يحضر معاك.. لان كده فى شبهة جريمة اخفاء معلومات تهم الاعضاء المشاركين ..

**icehearted girl** · 15-05-2010 05:20 PM

دخلت لما كنت بدور علي عربية

ساعتهاnilestorm هواللي عمللي الاكاونت غصبا واقتدار :D

احم احم...الله يسامحه بقي

**mrsailor** · 15-05-2010 05:22 PM

المشاركة الأصلية كتبت بواسطة أم حمـــاس

دخلت لما كنت بدور علي عربية

ساعتهاnilestorm هواللي عمللي الاكاونت غصبا واقتدار :d

احم احم...الله يسامحه بقي

طيب و ادمنتى ازاى .. و لما ادمنتى اكتشفتى ازاى انك مدمنة نايل موتورز

-

-

الموضوع: ايه اللى جابك عندنا ..؟؟؟؟

LinkBack

أدوات الموضوع

عرض

ايه اللى جابك عندنا ..؟؟؟؟ - انشر الموضوع فى :

-

-

-

-

المواضيع المتشابهه

الشارك اللى عندنا هى اللى بتنزل ف الكويت؟؟؟

الكروز اللى عندنا روسى :)

مش احنا بس اللى الرخصة عندنا بتطلع بالكوسة ...!!!!

انواع البنزين اللى عندنا فى الصعيد !!

ايه الفرق بين اللادا اللى عندنا والصور ديه

الكلمات الدلالية لهذا الموضوع

المفضلات

المفضلات

ضوابط المشاركة