استفسار بخصوص دفتر توفير / شهادات استثمار لابناءنا الصغار ؟

**Forever.Leo** · 15-05-2010 05:09 PM

[justify]
انا كنت بفكر افتح دفتر توفير او اعمل شهادات استثمار لابني الصغير ( 3 سنين ) ، و مش عارف انهو الافضل دفتر التوفير و لا شهادات الاستثمار او لو فيه حاجة افضل ، و هل ممكن اني اعمل ايداع في اي وقت ، مع العلم اني عايز اعمل حاجة طويلة المدة علشان عائدها يبقى كبير مستقبلا ، يا ياريت لو حد يعرف وبالاخص لبنك مصر او البنك الاهلي .. وشكرا
[/justify]

**icehearted girl** · 15-05-2010 05:13 PM

بص حضرتك زمان ونا صغيرة اوي كانت والدتي بتشتريلي شهادات الاستثمار ام 10 جنيه دي او خمسين من البنك الاهلي

بس ولله الحمد عمري مكسبت وكمان القيمة زي مهيا

بعد شوية فتحت دفتر توفير هي فوايده 7% وممكن اودع فيه في اي وقت وبيتفتح بمبلغ 100جنيه ع الاقل_زمان كان بعشرة_

حاليا بقي انا برده مع بنك مصر في شهادات التميز هناك جميلة اوي

قيمة الشهادة الواحدة 1000 جنيه ومضاعفتها

مدة الشهادة 3 سنوات بعائد 10 ونص فلمية.. والعائد ربع سنوي كمان

انما لو فكيت الشهادة بعد ست شهور_قبل ست شهور ممنوع_ هيبقي العائد 7 % فقط

بس ديما اسال لان احيانا بيكون في وقت مخليين العائد 9% فقط واحيانا بيطلع واحيانا بينزل فلو هتجبها

اختار الوقت المناسب...انا دي شايفاها افضلهم

**icehearted girl** · 15-05-2010 06:12 PM

حضرتك مش لازم تفكها بعد 3 سنوات لا بتفففضل مستمرة

3 سنوات دي كحد ادني

كمان العائد بيتحط فحساب خاص وممكن تخلي العائد دا مخصص لشراء شهادات اخري بمجرد وصوله قيمة الشهادة

**osoliman88** · 15-05-2010 09:34 PM

أنصحك بشراء الذهب فهو أفضل إستثمار خاصة في الأجل الطويل، وريخ دماغك من الربا ومشاكل الفائدة زادت ولا نزلت ، ولا تنسى زكاة المال 25 في الألف كل سنة للفقراء الذين لن أقول لك انهم لا يملكون ذهب أو فضة بل لا يملكون قوت اليوم الواحد .

**fady.bekatcho** · 15-05-2010 09:47 PM

حضرتك فى شهادات مدى طويل

10 سنوات

وبتختلف قيمة العائد حسب التوقيت

بس بتبقى اقل حاجة متهيالى 9 %

بس متيهالى ما فيش 15 سنة

واعمل ال10 سنين حلوة اوى