الرنجات بتاعة الجنوط

**mrramy2005** · 15-05-2010 07:56 PM

كان عندي سؤال صغير يا شباب ...
بالنسبة لموضوع الرنجات بتاعة الجنوط .. أنهي الأحسن الرنجات الالمونية ولا الرنجات التفلون
و مين أحسن واحد ممكن اعملها عنده
عشان أنا لسة مركب جانت بس في رجا جامدة و الرجل بتاع الترسيس ألي ده محتاجة رنجات

**mesho_kimi** · 16-05-2010 12:23 AM

أنا دايماً بسمع عن الرينجات دية بس انا عندى جنوط سبور اصليه يمكن عشان كده مش محتاجه رينجات

**wlelw2003** · 29-05-2010 02:17 PM

شكرا لكم يا شباب

**george13** · 30-05-2010 07:36 PM

الرنجات دى مهمة جدا بس الالمونيوم طبعا افضل بس الاصلى لانى التقليد بيتاكل بسرعة و لو عندك جنط اصلى يبقى الرنج ثمنة من 100 الى 200 الواحد بس دة مش للجنط الصينى

**MaZaGAngeE** · 30-05-2010 08:53 PM

مش فاهم الرنجات دي يعني ايه ... ممكن صورة ليها عشان أفهم قصدكم على ايه ؟

**ahmedbahi76** · 30-05-2010 09:09 PM

الرنجات بتتعمل عند الخراط وياريت يكون مشهور وشفت الموضوع ده في الحرفيين وربنا يكفيك شر الحرفيين

**MohamedSotohy** · 13-07-2010 09:14 AM

يا جماعه انا ليا تجربه مع الجنوط الأسبور والرنجات دي ها اقولهلكم وفيها ان شاء الله الخلاصه
انا كان عندي عربيه اونو 2006 وجنوطها الأصلي(حديد) زي الفل وعلي السرعات العاليه(لحد 165كم) مكنش فيه اي مشكله
وكمان الجنوط الاصليه كان ليها غطا شكله حلو وما يتخلعش بسهوله لأنه مربوط تحت المسامير
لحد كده تمام
قعد واحد صحبي يزن عليا يزن عليا علشان اركب جنط اسبور بحجه انه ها يخلي شكل العربيه احلي بكتير
المهم رحت جبت طقم جنوط صيني بس شكله روعه وركبته علي نفس مقاس الكوتش الفبريكه اللي نازل علي العربيه
وهما بيركبوه بوظو مسمار
ولقيتهم ركبو الرنجات دي(بلاستيك)
المهم بعد ما عملت المسمار عند الخراط بعد فك الطنبوره وذهاب واياب ووجع دماغ
مشييت بالعربيه وعينك ما تشوف الا النور
العربيه بعد ال 80 زي الزفت --- رجرجه وعدم ثبات وقرف
المهم واحد صحبي قلي ان السبب في الرنجات دي لأنها بلاستيك
وأخدني عند خراط في مسطرد متخصص فك الأربع جنوط وعمل لهم فلانشه حديد علي المخرطه ( ركبت شحط ) دا بعد ما أخد المقاسات للجنط وللطنبوره
وفعلا العربيه بقت كويسه
الخلاصه
لو عربيتك ليها جنوط اسبور نازله بيها اوليها دي احسن بكتير علشان تشتري دماغك
لو عاوز جنوط اسبور يبقي لازم تجيب جنوط اصلي علشان ما يطلعش عينك مع ولاد اللذين دول
(مفيش احسن من الجنوط الفبريكه)

**zanativich** · 13-07-2010 06:18 PM

انا عندى الرنجات دى بلاستك وزى الفل من حوالى 3000كم

**MohamedSotohy** · 13-07-2010 09:07 PM

يا باشا بتبان مع السرعات
انتا اخرك كام؟

**elnour_toktok** · 13-07-2010 09:35 PM

انا عندى رنجات بلاستك بقالها اكتر من 100 الف فى السيارة الانوس وزى الفل
المهم يكون مقاس الرنجات مناسب ومظبوط على الجنط والطنبورة

الموضوع: الرنجات بتاعة الجنوط

LinkBack

أدوات الموضوع

عرض

-

-

-

-

المواضيع المتشابهه

استفسار بخصوص الرنجات للجنوط

طريقة بسيطة واحترافية لعمل الرنجات للفانوس....

طريقه جديده وسهله جدا لصنع الرنجات بالصور حصريا لمنتدى نايل موتورز

استفسار عن الرنجات

سؤال حول إستعدال الجنوط الحديد بتاعة العربية

الكلمات الدلالية لهذا الموضوع

المفضلات

المفضلات

ضوابط المشاركة