بجد يا جماعه مفيش عندى اى تعليق انا هسيب الفيديو اتفرجو عليه و كل واحد يقول رأيه
[youtube]http://www.youtube.com/watch?v=R3Qw3nZTRQ4&feature=player_embedded[/youtube]
عرض للطباعة
بجد يا جماعه مفيش عندى اى تعليق انا هسيب الفيديو اتفرجو عليه و كل واحد يقول رأيه
[youtube]http://www.youtube.com/watch?v=R3Qw3nZTRQ4&feature=player_embedded[/youtube]
[youtube]http://www.youtube.com/watch?v=R3Qw3nZTRQ4&feature=player_embedded[/youtube]
بس برضه على رأي ابن خالتي.... لو جماهير العالم راحت قطر عشان كأس العالم ... قطر هتاخد البحرين و يغرقوا في الخليج
:ma:
بس على رأي ابن خالتي... لو جماهير العالم راحت قطر عشان كأس العالم .... قطر هتاخد البحرين ويغرقوا في قلب الخليج
:)
حاجة وووهم بجد
بس غالبا مش حيفوزوا بالتنظيم لاننا عرب ارهابيين
بلاتر طلع وصرح ان غالبا التنظيم حيسندوة لدولة اوربية لان مفيش اى دولة من اللى متقدمين جاهزة لكن الدول الاوربية جاهزة
ال يعنى 2022 بعد بكرة اى حجة وخلاص ....
طيب دة حتى انجلترا عندها ملاعب كتير مش تمام وقديمة حتى ويمبلى بعد التجديد مش تمام
واولد ترافولد هو الوحيد اللى كويس وبرضوة ملعب نيوكاسل ... سان جيمس بارك وملعب وايت هارت لاين بتاع توتنهام الباقى ملاعب قديمة وصغيرة
انا اتمنى قطر تفوز على الاقل يبقى كاس العالم فى دولة عربية لاول مرة ..... بدل صفر المونديال بتاعنا ..
شكرا على الفيديو
معلش سؤال اية ال water taxi المذكور فى الفيديو دة اختراع جديد ؟؟؟؟
قطر كإمكانات مادية تنافس أي بلد من العالم الأول
لكن مشكلتها الكبرى إنعدام الحضور الجماهيري تماما ..
انا اتمنى انهم يفوزوا لسبب واحد
عشان شوف الملاعب الوهم دى على الحقيقة , بجد خرافة
عندك حق بس ياريت تاخدها :ask: علشان زي ما قال العضو memohamada نشوف الملاعب دي على الحقيقة
46 مشاهده و مفيش اى تعليق انا مش عاوز حد يقولى شكرا على الفيديو
بس كنت اتمنى اشوف رأى الاعضاء
شكرا لكل الاعضاء
شكرا يا باشا على الفيديو
وبالنسبه لقطر ,,انا كنت هناك ,, ودلوقتي كل فتره بروح هناك ,,عايز اقولك انها كل سنه بتختلف اختلاف رهييييب ,,
طبعا مش هاقولك انهم يعتبر غيرو البلد من اول جديد عشان البطوله بتاعت اوليمبيات اسيا تقريبا كانت سنه 2006 ,, والسنه دي كنت قريت تقرير يموت من الضحك ,,في تقفيل السنه الماليه عندهم اتضح ان الفايض من الميزانيه ,, يكفيهم لمده سنتين يصرفوا نفس صرفهم دا بفرض انه مش هيدخلهم ريال واحد جديد للخزينه طول السنتين دول !!!
طبعا هيا حاجه تفرح ان في دوله عربيه بالمستوى ده ,, بس اللي بتمناه ان يبقى في تفكير كويس في كفية صرف الفلوس دي ,,يعني ليه ماكنتش فرصة دول الخليج في الازمه الماليه اللي فاتت دي والشركات الكبيره كلها وقعت ومافيهاش فلوس كانوا هما اشتروا الشركات دي وبعدين يفتحوا كشك في بلادهم ويخدوا الخبره منهم زي ماباقي الدنيا كلها بتعمل ؟؟!!
بس في الاخر اهم على الاقل معيشين شعبهم في نعمه وفتحين البلد للي عايز يعمل حاجه ,, مش زينا احنا قافلين كل حاجه لحد مانموت ,, عشان نحمي الـ..... الوطنيه اللي مش عارف هيا بقت اصلا فييين
اسف على الاطاله ياباشا
أنا نفسى قطر تأخذ كاس العالم تنظيم ...
لو حضرتك حاطط اللينك ده عشان تقول ان الموضوع مكرراقتباس:
ياريت حضرتك تقارن بين ميعاد الموضوعين هتعرف ان موضوعى كان قبل الموضوع التانى ب 3 ساعات تقريبا يعنى الموضوع التانى هو اللى مكرر
و شكرا لك على المشاركه
ملف اليابان اجمد بكتيييييييييييييييير
صعب اوى اليابان تنظم كاس العالم تانى ده كان لسه فى اليابان 2002اقتباس:
ملف اليابان اجمد بكتيييييييييييييييير
و اكيد اليابان اجمد بس انا بقارن امكانيات قطر بالدول العربيه شوف هما وصلو لايه و امكانيات ايه و تصميمات عامله ازاى
و احنا فرحانين ببرج العرب و القاهره
على فكرة احنا عندنا الاعتمادات المالية فى بداية التفكير فى اى مشروع بتبقى كبيرة جدا لدرجة تكفى عمل المشروع بالشكل اللائق
لكن المشكلة دايما فى الفترة من صرف الاعتماد لحد التنفيذ
بقدرة قادر المليون جنيه بيوصلوا لخمسين جنيه وطبعا الجيش بيقولك اتصرف
لكن بجد ملف هايل واتمنى نجاحهم لانهم على الاقل بيفكروا
هو ال ممكن يكسب قطر انهم بيقولو هيكيفو الاستادات
يعني هتبقى قاعد في الاستاد متكيف
بصراحه أنا مقروف دا تبذير على الفاضي
قطر مش دولة رياضيه معندهاش دوري جامد و هما كلهم مليون واحد بالكتير و لا هي فيها فرق زي أوروبا يبقى الملاعب دي لكاس العالم و صورة قطر أدام الناس
ملعب تحت الأرض و ملاعب مكيفه
ملحوظه ضغنطوطه في مسلمين في النيجر مثلا مش لايقيين ياكلوا
كل التوفيق لقطر فى ملفها لمونديال 2022 ولو ان فرصته ضعيفه بسبب عدم اقبال الجماهير على الدورى المحلى من اساسه
بالمناسبه السعيده دى حد يقدر يجيبلنا ملفنا الاسطورى اللى قدمناه فى 2010 :-))))))
يا باشا دي نماذج تخيلية غير موجوده على ارض الواقع
ممكن نعمل احسن منها ببرنامج من الحجم الصغير
معلش ما يغركش- الكلام ده- انا عشت فى البلد دى - مصيرهم لو مشيوا زى ما هم ما شين حيكون ان شاء الله العن من دبى
الحاجه الوحيده اللى ممكن تحميهم انهم بخلاء بالطبيعه- هم شعب مؤدب ومحترمين بكتير عن السعوديين والكويته
بس الهبل اللى ماشيين فيه - كاس عالم وكاس الاتارى- اه والله كانوا عاملين بطوله لكده\- كل ده سفه وبتتصرف عليه اموال بالهبل
هم معيشين شعبهم اه- بس اللهف والسرقه فى الدوله - اقصد العايله الحاكمه - على ودنه والرشاوى والمحسوبيه هى سكة شبه مقننه هناك
دلوقت التل مليان اصبر لما يختل من الاخد- مثال دبى حينكرر- دول شعب شبابه كل همه البورصه والكوره والعربيات
صحيح احنا فى الكازوزه- بس الحاجه الوحيده اللى تخلى الواحد لسه عنده امل - ان فى شويه علم على ريحة اخلاق
وصبر بلا حدود
الخليج كلله كده لدرجة انى قلت لواحد انا نفسى بس اعيش يوم واحد بعد مالبتروليخلص من بلدكوا وابئى ورينى بلدكودى هتبئى عامله ازاى
انا سافرت دول عربيه كتير واتعاملت مع كل الجنسيات تقريبا وطلع باكتشاف ان المصرى احسن واحد
تحمل للشغل الكتير واخلاق افضل من غيره بكتير - وحط تحت الكلمه دى ميت خط - ومبيستعيبش الشغل مهما كان بسيط
اضف الى معلوماتك
1- واجهت قطر بعض الصعوبات فى التقدم لأستضافة كأس العالم 2022 و كان أهم هذه الصعوبات هو أشتراط ال fifa لأقامة كأس العالم فى 4 مدن تكون المسافة بينها لا تقل عن 40 كم.....و قطر ليس بها غير الدوحة و 3 مدن أخرى صغيرة جداً تكاد تكون موجودة فقط لوجود البترول بها.....و كان القرار أنه فى حالة أختيارهم لكأس العالم ستقوم قطر ببناء هذه المدن بما تتطلبه من منشأت و بنية تحتية و منازل و مولات.
2- تانى أهم الصعوبات كان حرارة الجو حيث أن كأس العالم يقام فى شهر 6 كل أربع سنوات و هو شهر من اشد أشهر الصيف حرارة و رطوبة هناك.......و كان الحل ببناء أستادات مكيفة !!!!!!
3- يتم أعلان الفائز بتنظيم كأس العالم فى نهاية البطولة التى تسبقها و بالتالى فأنه من المفترض أعلان المنظم لكأس العالم 2022 فى عام 2018......و لكن هناك مفاجأة......سوف يكون الأعلان فى وقت مبكر جداً.....غالباً بنهاية العام الحالى.
راجع نقطة 1 و نقطة 3 لمعرفة لماذا سيتم الأعلان مبكراً.
و ردى على الأخ اللى كان بيقول أن فى مسلمين كتير مش لاقية تاكل....الموضوع اكبر من كده.....الموضوع ده ليه خلفيات أقتصادية بعيدة المدى و كذلك سياسية.
بجد أنا معجب بمجهوداتهم أنهم يرتقوا ببلدهم و يخلو العالم كله يردد اسمها......و هى تلك الدولة الصغيرة التى لا تزيد مساحتها على 12 ألف منر مربع و لا يزيد عدد قاطنيها بما فيهم الوافدين على ال 800 ألف أنسان.
عقبالنا يا رب
سكان فندق ... على رأي الشيخ زايد الله يرحمهاقتباس:
بجد أنا معجب بمجهوداتهم أنهم يرتقوا ببلدهم و يخلو العالم كله يردد اسمها......و هى تلك الدولة الصغيرة التى لا تزيد مساحتها على 12 ألف منر مربع و لا يزيد عدد قاطنيها بما فيهم الوافدين على ال 800 ألف أنسان.
انا مستغرب- معجب بدوله بتضيع فلوسها على مبانى - محدش حيسكن فيها بعد البطوله - تعرف ان المدينه الاولمبيه اللى بنوها لدورة الالعاب الاسياويه - ما كتملش بناها وقت الدوره - كملت ومقفوله من 4 سنين ؟؟
كان مفروض يفتحوها لسكن اصباء مستشفى حمد- الشيوخ اصحاب المصالح فى الايجارات المرتفعه عطلوا الكلام ده لغاية دلوقت
دوله - هبله تصرف فى الفارغه علشان اسمها يتردد فى الاعلام - ياريت بعلم او انتاج- لكن بهايفه فى الانفاق- اسمع راى الاجانب اللى عايشين هناك - يقولوا لك البلد دى زى البقره الحلوب- اى حمار عنيه ملونه وشعر اصفر بياخد مرتبات وامتيازات ميحلمش بيها اهل البلد نفسها
عملوا نفس الهوجه علشان يستضيفوا الدوره الاولمبيه ل 2016- وعزمزا طوب الارض من المنظمين وهدايا ومهرجانات- رغم انهم كانوا عارفين كويس ان فرصهم اقل من الصفر
بلد تبنى سوق وعمارات بالملايين - وتهدهم قبل ما يشتغلوا علشان منظر السوق القديم مش ظاهر للست الشيخه - يتهد مبانى جديده بالملاين - بلد عددسكانها كلهم اقل من تلت شبرا - وفيها ازمة مرور !!!!!!
كوبرى - طوله ميجيش نص قنطره على اى ترعه فى مصر - كان مقرر ينتهى فى سنه - يعدى 4 سنين وما كملش نصه
طريق يرصفوه وتنزل شوية مطر - الطريق يغرق ويعيدوا رصف 20 كيلو منه وهو لسه ما تسلمش
لو تلاحظ الاعلام الغربى بينفخ فى البلد دى - عارف ليه - لان اكبر قاعدتين لامريكا موجودين هناك- بلد تركيبتها السكانيه تضحك- المقيمين من 4 جنسيات عدد اى طايفه منهم اكتر من سكان البلد
بلد اللغه الدارجه فيها هى الهنديه - حتى المواطنين بيتكلموها
معلش - دول زى اللى ورث شوية فلوس - عاش له يومين واتلم عليه الافاقين -
استنى لما يفلس وبعدين كلمنى عن الرفاهيه والشهره
ربنا يدينا طولة العمر - ونتفرج
يعنى الوصول للاستاد هيكون عن طريق يخوت فى الخليج العربىاقتباس:
معلش سؤال اية ال water taxi المذكور فى الفيديو دة اختراع جديد ؟؟؟؟
و الله احنا عارفين انها نمازج تخيليه و مش موجوده على ارض الواقع بس فى حاله فوز قطر بالتنظيم النماذج دى هتتحول لحقيقهاقتباس:
يا باشا دي نماذج تخيلية غير موجوده على ارض الواقع
ممكن نعمل احسن منها ببرنامج من الحجم الصغير
---------------------------
و بعديد عن كل ده نفسى قطر تفوز بالتنظيم لعده اسباب
1- دوله عربيه تنظم كأس العالم اللى شكلنا عمرنا ما هنشم ريحته حتى
2- نشوف الملاعب الوهم دى على الحقيقه
3- اكيد لو فازو بالتنظيم هيبدأو فى مبانى المدن و الاستادات دى و هيحتاجو عدد كبير جدا من المهندسين و انا مهندس مدنى و والدى فى قطر ممكن ساعتها يبقى فى فرصه كبيره اعرف اسافر هناك:E_braces[1]::E_braces[1]::E_braces[1]::Oc_sun1[1]::Oc_sun1[1]::Oc_sun1[1]:
اكيد هيكون فى جنسيات كتيراقتباس:
فكرك حيجيبوا مهندسين من مصر - هه- اخونا الهنود والفلبينين حيقوموا بالواجب وزياده - ويحلبوا البقر كويس
و هيكون فى عدد كبيييييييييييير جدا
و برده ممكن جدا يكون فى من مصر و على فكر قطر فيها نسبه كبيره من المصريين
أنا مش عارف كلامك موجهة ليا ولا لأ بس أسمحلى
أنا واخد ثانوية عامة من قطر سنة 1994 و بروح قطر منذ ذلك الحين.....يعنى على دراية بيها كويسة
أولاً كل دول الخليج بلا أستثناء تقريباً تركيبتها السكانية مماثلة
عندك مثلاً الأمارات.....تعداد السكان فوق ال 4 مليون بشوية صغيرين منهم 800 ألف مواطنين.....قس على ذلك باقى الدول
و بعدين دولة أيه اللى اللغة الدارجة فيها هندى و المواطنين بيتكلموها ؟؟؟؟؟
قطر و لا قصدك على دولة تانية ؟؟؟؟
و بعدين الأمثلة اللى حضرتك بتديهالنا.....بتحصل فى أحسن الدول.....فاكر طبعاً المحور أول ما أتعمل كان عامل أزاى و كان بيجى منه شكاوى أزاى و عارف أنه أتعمل تانى من أول و جديد من سنة تقريباً.
الأنجازات مش هتتقاس بكوبرى أتأخروا فيه أو طريق عملوه من أول و جديد.
و برضة فكرة أن أى حد شعره أصفر و عينه ملونة دى مش موجودة فى البلد دى لوحدها....موجودة فى كل دول الخليج و موجودة فى مصر كمان
المكان اللى كنت بشتغل فيه فى مصر كان بنك خاص معروف و كان فيه ما لا يقل عن 10 مديرين كبار أجانب.
و موضوع الهنود و الفلبينيين ده برضه.....أذا سمحتلى يعنى....مش زى ما أنت متصور كده.....معظم المهندسين هناك عرب و أجانب و القليل منهم هنود و فلبينيين
معظم الهنود و الفلبينيين هناك بيشتغلو فى أعمال متواضعة.....و برضه بيبقو ناجحين فيها.
تصدق أنى كنت لسه بتكلم أول أمبارح مع عامل مصرى شغال فى قهوة فى الأمارات عن الشغل....بسأله أنت شغلتك الأساسية أيه أصلاً قالى ترزى....بقوله الترزية هنا أكتر من الهم على القلب و معظمهم بنغاليين......قالى أيه ؟؟؟
قالى : أيوة و ولاد ال ............ بيعملو شغل مفيش ترزى مصرى يرضى يعمله من تطريز على أديهم و غيره.....ده أنا لو حد أدالى فلوس عشان اعمل تطريز على أيدى مش هرضى.
ده كلامه.....و شغلته.....المشكلة أن معظم المصريين برة...مش عاوزين الشغل المتعب....عاوزين شغل مريح....بينما الجنسيات الجنوب شرق أسيوية متفرقش معاهم أذا كان الشغل متعب ولا مريح.....أهم حاجة أنه يشتغل و ميقصرش فى شغله.
للأسف العيب فينا و هو ده اللى بيخلى أصحاب الأعمال بيلجأوا للجنسيات دى......و خصوصاً انهم كمان بياخدوا مرتبات أقل.....يبقى ليه لأ ؟؟؟؟
اولا كلامى على عموم اللى مبهورين بانفاق اهبل
وكلامى عن قطر - انا اشتغلت فى اكبر مشروعاتهم وبالتحديد مشروع مملوك لقطر للبترول
واللى ما عرفش انت ما خدتش بالك منه - ان قطر للبترول 90% من العاملين فيها هنود- والنشره الداخليه للشركه بتطلع وعلى غلافها صورة رئيس وزراء الهند
اصحاب الاعمال بيختاروا الاسيويين زى ما قبت علشان الرخص - ومش شايف انه عيب ان المصرى ما يرخصش نفسه- رغم انى للاسف شفت مصريين شغالين باجور مخزيه.
التركيبه السكانيه اللى انت مش مستغرب لها - تدلك على مستقبل البلد - لدرجة ان واحد من العقلاء منهم قال ياخونا - انتم بتسافرم فى الصيف بره - لو المقيمين من بلد زى الهند طلع فى دماغهم يعملوا انقلاب ما حدش حيقف لهم- جايز تحذير غريب لكن يوضح لك ابعاد وخطورة ان بلد تعتمد على الكم ده من العماله - اظن الامريكان لما جابوا الزنوج علشان يخدموا عندهم- ما كنوش بيفكروا ان الموضوع حيطور كده- ههههههههه- انا مش عنصرى لكن ده مثال للى ممكن يحصل لما تعتمد على غيرك -
بالنسبه للاجانب - انا مش ضد ان خبير - وخد بالك من خبير - ياخد اى مبلغ يطلبه - لكن انا شفت زى ما قلت حمير - كل مؤهلاتهم انهم من دول السياده - انجلترا- امريكا - بالمناسبه عارف ان قطر والامارات - ما طلبوش انهم يستقلوا - انجلترا هى اللى قالت لهم مع السلامه - علشان تقلص نفقاتها - بس طبعا من ورا الستاره لسه موجودين - راجع فى قطر كل المؤساسات - وبالذات التعليم - زى المدارس المستقله فى قطر- المشروع الفاشل باعتراف الطلبه نفسهم حتلاقى المستشارين امريكان.
زى ما قلت - فى فلوس وصرف فى الهايفه -
بتقول الانجازات مش بكوبرى - يعملوه- مع انك انبهارك بتجهيزات استضافة كاس العالم هو عباره عن المبانى وشويه طرق !!!!
ومعلش محور ايه اللى بتقارنه بكوبرى راس عبود - معلش - لما دوله تشترى لعيبه وتجنسهم علشان تاخد بطوله يبقى ده انجاز- حتقول امريكا بتعمل كده - امريكا بتعمل كده لما بيكون الشخص له رغبه حقيقيه يعيش هناك ويبقى مواطن فعلى - مش مواطنه مقابل الفلوس-
عارف انجاز قطر اللى شغاله فيه كويس بترتيب امريكى - هو اشعال الخلافات بين العرب
انا عاذرك لان الحياه فى مصر فعلا صعبه- لكن الاعجاب لازم يكون بدوله حققت شئ - عارف لو كنت قلت فيتنام - اكيد كنت حاوفك- بلد قام من تحت العدم وكلها 10 سنين ويبقى زى كوريا ويمكن احسن - انما اصحابنا بتوع الخليج فزى ما كيسنجر ما قال راجعين للخيمه والجمل - بس اصبر
يا سيدى الفاضل أنا مش معترض أنهم بينقفوا فى الهايفة خالص......أنا بس شايف أن أنفاقهم على الموضوع ده مش فى الهايفة
و أنبهارى مش بشوية طرق و كبارى.....انبهارى بأنشاء 3 مدن جديدة فى قطر اللى هى أصلاً عبارة عن مدينة واحدة....الدوحة
فكرة أنهم هيجيلهم يوم و يرجعوا للخيمة و الجمل ده مش مستبعدة بس هما بيحاولو هما و الأمارات أنهم يكون عندهم مصادر دخل تانية زى السياحة مثلاً و كمان الصناعة فى الأمارات
و تخيل لما بلد 70% من سكان العالم ميعرفش عنها حاجة تلاقيها فيوم و ليلة بقت معروفة لأكتر من 70% من سكان العالم
تخيل كام مشروع بأستثمار خارجى هيجيلهم لو نجحوا فى أستضافة كأس العالم من فنادق عالمية لمطاعم لمولات لغيره لغيره.....و على فكرة...هما عينهم بعد كأس العالم على الألعاب الأوليمبية
يعنى لو خدوها هى كمان يبقى ضمنوا أن المدن و المنشأت الجديدة دى تفضل شغالة حوالى 15 سنة بعد أنشائها.
- حاقول لك على حاجه - توضح فصدى اكتر- من 6 سنين كنت معجب بدبى على اساس ان المطار بتعها عن طريق الترنزيت والخدمات اللوجستيه جاب دخل لهم فى 6 اشهر حوالى 6 مليار درهم - طبعا كان شئ جميل وقلت والله ناس بتفهم- لكن فى اقل من 5 سنين ضيعوا ده كله ولولا ابو ظبى كان زمنهم اتباعوا فى المزاد
يبقى الفكره ان دى بلاد زى ما قلت فرحانين بدخل جاى سهل و بينفقوا بدون وعى
طبعا اى حد بيبنفق بهبل - الناس بتتكلم عنه - بضحك مش باحترام
الرابط ده - عن موضوع نقلته عن واحد انجليزى اشتغل فى الخليج 33 سنه
شوف بيقول عليهم ايه - اكل من خيرهم 33 سنه ومع ذلك شوف كلامه عنهم
http://www.nilemotors.net/Nile/141617-a.html
متفق مع معظم ما جاء فى المقال و مختلف مع جزء قليل منه
على سيبل المثال لا الحصر
أختلف مع موضوع الأشارات........هنا فى دبى الأشارات بيحترمها الكل...و على حد معرفتى بقطر برضه ده النظام منذ كام سنة كده لما أبتدوا يعملوا الأشارات بدل الدوارات
و متفق مع موضوع الأستعراض......فلا تنسى يا سيدى الفاضل أن معظم الخليج كان من البدو منذ حوالى 50 سنة....و كانوا فى جرة و طلعوا لبرة على رأى المثل.....فطبيعى أنك تلاقى ناس كل همها فى الدنيا العربية تكون غالية و اخر موديل و البيت يكون فيه مجلس كبيييييييير و المحمول يكون أخر موديل مع الساعة الرولكس.....و و و و و و
بس ده ميمنعش أن عندهم بعض المسؤلين بيحاولوا يوصلوا للأحسن و مفيش سرقة و نهب و رشاوى
عموماً هى أصل الأزمة فى دبى هى شركة دبى العالمية.....و توجيهاتها لأستثمارات جبارة فى العقارات فقط......تخيل لو كانت المبالغ الطائلة دى متوزعة فى كذا مجال......كان الحال بقى غير الحال.....على الأقل الديون كانت هتبقى أقل و الأزمة اللى الشركات فيها هنا كانت هتبقى أرحم شوية.
عموماً ربنا يصلح الحال.....مش هكره لما يبقى فى دولة عربية كويسة أقتصادياً على المدى الطويل.