لمبه الانجكشن منوره

**waelsaleh** · 15-05-2010 08:54 PM

لو سمحت يا جماعه انا عندى اونو 2000 هاف اجكشن من اسبوع كده لقيت لمبه الانجكشن نورت والعربيه بقت مخنوقه مقارنه بقبل كده ,رحت للميكانيكى وقلتله على الموضوع وبص لقا فلتر الهواه عليه تراب نظفه وقالى تمام مفيش مشكله رحت بعد كده للكهربائى قالى المشكله مش عندى لازم العربيه تدخل على الجهاز ويعرف فين العطل عديت على كذا واحد عنده جهاز كله يقولى ما بتشتغلش فى الفيات لغايه لما لقيت واحد بيشتغل فى الفيات حط الجهار وقعد يلعب في شويه زراير وفى الاخر قالى العربيه سليمه طيب ازاى يا عم واللمبه اللى منوره دى والخنقه اللى فيها قالى الجهاز مش مطلع حاجه ؟؟؟؟ ايه رايكو يا جماعه ولو حد يقدر يساعدنى في المشكله دى ويقولى اعمل ايه تانى

**samirayad** · 15-05-2010 11:42 PM

المفروض الأسكانر يطلع كود العيب طالما اللمبه بتاعة الأعطال منوره

والمفروض تشوف مكان تانى يقدر يحدد سبب العيب الرئيسى

واللى خللى لمبة الأعطال تنور

**heshamzaky** · 16-05-2010 12:49 AM

المشاركة الأصلية كتبت بواسطة waelsaleh

لو سمحت يا جماعه انا عندى اونو 2000 هاف اجكشن من اسبوع كده لقيت لمبه الانجكشن نورت والعربيه بقت مخنوقه مقارنه بقبل كده ,رحت للميكانيكى وقلتله على الموضوع وبص لقا فلتر الهواه عليه تراب نظفه وقالى تمام مفيش مشكله رحت بعد كده للكهربائى قالى المشكله مش عندى لازم العربيه تدخل على الجهاز ويعرف فين العطل عديت على كذا واحد عنده جهاز كله يقولى ما بتشتغلش فى الفيات لغايه لما لقيت واحد بيشتغل فى الفيات حط الجهار وقعد يلعب في شويه زراير وفى الاخر قالى العربيه سليمه طيب ازاى يا عم واللمبه اللى منوره دى والخنقه اللى فيها قالى الجهاز مش مطلع حاجه ؟؟؟؟ ايه رايكو يا جماعه ولو حد يقدر يساعدنى في المشكله دى ويقولى اعمل ايه تانى

ازيك يا باشا ممكن تجربة صغيرة فك قواشيط البطارية و ركبهم تانى بعد 10 ثوانى اعتقد ان الكمبيوتر بتاع العربية ح يعمل restart انا قلت لزميل على المنتدى الموضوع دة وهو معاة برافا وتمت بنجاح

**heshamzaky** · 16-05-2010 12:55 AM

المشاركة الأصلية كتبت بواسطة abdelhady83

بجد شكراً على نصيحتك انا فكيت القواشيط من بليل

و تانى يوم كله تمام و اللمبه اختفت

شكرا ليك مره تانيه يا باشا

الموضوع كان تحت اسم لمبة الانجيكشن منورة

**waelsaleh** · 16-05-2010 04:37 PM

المفروض الأسكانر يطلع كود العيب طالما اللمبه بتاعة الأعطال منوره

والمفروض تشوف مكان تانى يقدر يحدد سبب العيب الرئيسى

واللى خللى لمبة الأعطال تنور

ما هو ده اللى انا مش عارفه
يا ريت يا جماعه لو حد بيعرف حد كويس يكون عنده سكانر لعربيات فيات وبيفهم يقولى مكانه
انا بصراحه حاسس ان عربيات فيات الناس خايفه تشتغل فيها مش عارف ليه
كل ما اروح لحد عنده سكانر يقولى ما عنديش للفيات
مش عارف الناس اللى عندها عربيات فيات لما عربيتها بتعطل بيعملوا ايه
وشكراا ليكم