الموضوع: شارك برايك ايهما افضل ساجا اتوماتيك ولا فيات بونتو مانيوال

سوال محير....

انا نفسي مش عارف...

بس قلبي يميل اكتر ناحية الفيات " اسم عريق "

هى طبعا المقارنة غريبة شوية و محيرة فعلا بس أعتقد فرق السعر لصالح الساجا خاصة لو الأوتوماتيك يفرق معاك
للأسف مش هعرف أقارن بينهم كثبات أو كمتانة لأنى ما أعرفش حد راكب البونتو بس طبعا زى ما محب قال فيات اسم عريق و عموما عمرى ما سمعت حد بيشتكى من العربية دى بالذات
لو حضرتك عندك أسرة و دى هتبقى العربية الأساسية فى البيت أعتقد إن الساجا طبعا هتكون عائلية أكتر بكتير من البونتو
من ناحية الشكل الخارجى البونتو تحفة فنية طبعا مقارنة بالساجا
و فى النهاية أعتقد إن احتياجات حضرتك من العر بية هى اللى هتحكم اختيارك و استخير و ربنا يوفقك

الموضوع سهل جدا


الاول السعر
الساجا تكسب المنول اقل ب 6000

ثانيا الموتور
الاتنين 1300 و لكن الساجا 95 حصان و العزم اعلي اما الاستهلاك للبنزين فتقريبا و احد
التسارع الاتنين واحد وان كانت الساجا احسن

الفتيس
اخذا في الاعتبار السعر فالساجا اوتو

الشكل
و ده مسئلة زوق بس الاتنين ملمومين من حيث الابعاد و القياده

المساحه الداخليه
الساجا طفره من الداخل و اماكن التخزين و الشنطه اما البونتو اديق شويه و شنطه صغيره

الشكل من الداخل
بردو مسئلة ازواق و ان كان الزوق الايطالي اعلي طبعا

الخامات
الاتنين خاماتهم قريبه و ان كان البونتو اعلي

الثبات
الاتنين ثباتهم كويس و معقول

الامكانيات
الساجا تكسب باكتساح فوجات امامي و خلفي /كاست / مرايات كهربا/ حساسات ركن / بور/ جنوط

قطع الغيار
البونتو متوفره اكتر من الساجا بس السبب ان الساجا لسه جديده و الجين 2 قطع غيارها متوفره بره التوكيل الان
اما عن توافرها داخل التوكيل فالساجا موجوده زي البونتو و لكن الاسعار اقل للساجا

التوكيل
عز توكيل عادي و لكن نيل موتورز لينا لينك كويس معاهم و الناس متجاوبه
اما توكيل فيات عادي

اعادت البيع
البونتو تكسب اليومين دول و لكن كمان سنه ممكن الموضوع يتغير

ديه وجهت نظري انا لو مكان حضرتك هجيب الساجا و انا فعلا هجبها ان شاء الله للمدام

و انا من وجه نظري المتواضعة الفيات انا شايفها احسن البونتو عاملة سمعة حلوة اوي

انا اميل للفيات اكثر بصراحة.....