ياريت مساعدة من الاخوة الاطباء بخصوص انيميا البحر المتوسط

**brown-eyes** · 16-05-2010 12:14 AM

السلام عليكم
ياريت يا جماعة تفيديوني في الموضوع ده الموضوع من اوله مراتي حامل ومن حوالي 4 اسابيع كانت عند الدكتورة وطلبت منها اني اعمل تحليل دم
وروحت عملت تحليل دم وطلع ان في نسبة انيميا وان هي كمان عندها نسبة انيميا
(تالاسيميا) يعني الانيميا عندنا احنا الاتنين هي متاثرش علينا احنا في حاجة بس المشكلة ان ممكن الطفل ياخد الانيميا دي مننا احنا الاتنين وتبقي عنده بنسبة عالية وعشان يتاكدو طلبوا اننا نعمل تحليل دي ان ايه للطفل وعملناها ومستنين النتيجة فا كنت عايز اعرف لو بفرض ان الطفل طلع عنده المرض ده بنسبة قليلة هيعيش كده زيي ولا ممكن يطلع سليم خالص لان علي كلام الدكاترة انه لو طلع عنده المرض ده فا المفروض انه ينزل لان كده هيفضل طول حياته مريض ومحتاج نقل دم كل شهر لان نسبة كرات الدم الحمرا هتكون قليلة جدا في دمه

فانا مش عارف هو التحليل ده نتيجته 100% لاني خايف اجني علي الطفل وكمان ده دلوقتي في الشهر الرابع وياتري لو هو مصاب راي الدين في الموضوع ده ايه انه ينزل ولا لا ياريت تدوني رايكو لاني مش عارف افكر ؟؟؟؟؟؟؟؟؟؟؟

**د.محمود صلاح** · 16-05-2010 08:53 AM

رأي الدين لا أعرف .. ودع الرأي للطب المتقدم ( هو مش حضرتك في روما ؟ )

والثالاسيميا أنواع بدون دخول في متاهات التفاصيل حسب نوع الهيموجلوبين المكون للدم ,, النوع البسيط ( حامل المرض ) لا تظهر عليه اعراض سوى بعض الشحوب ولا ينقل له دم ويعيش عادي

والنوع الشائع في مصر انيميا البحر المتوسط او مرض كوليز او بيتا ثالاسيما ده بيظهر على الطفل بداية من الشهر السادس من عمره وبيحتاج نقل دم كل 3-4 اسابيع طول العمر بسبب تكسير الدم المستمر وحياته بتبقى قصيرة بسبب مشاكل المرض العديدة لأن دمه بيتكسر دائما ولا يعالج نهائيا الا بنقل نخاع او الأمل في الخلايا الجذعية

وفي نوع شديد يؤدي للوفاة الجنينية