بعد التفويلة ريحت البنزين غرقت العربيه وبعدين المفاجأة
السلام عليكم
امبارح الساعه 8.30 مساءا
عديت علي بنزينة شل البحر الاعظم وقولت افول وفولت 92 وطبعا عربيتي لانوس
بعد مافولت كانت معايا زوجتي قالتلي ريحت البنزين ملت العربيه
قولتلها ده طبيعي بعد التفويل
قالتلي بس انا اول مره اشمها قويه كده
قولتلها بعد المشي شويه هتروح
وفعلا مشيت تقريبا 2 كيلو لان البيت قريب من البنزينه
وبركن تحت البيت لاقيت الريحهزادات جدا جدا والريحة طالعه من كل مكان في العربيه
خرجت بره العربيه ملقتش فيه ريحه قولت عادي
ركنت العربيه وغطتها لاقت الريحه عند التانك قووويه جدا جدا جدا
قولت هتروح
نزلت بعد ساعه وشويه
الريحه موجوده وزايده
بصيت تحت التانك مش بينقط ولا حاجه لاني قولت التانك اتخرم مثلا
وبعدين دققت النظر (لاقيت فيه نقط نازله من تحت مكان الطرمبه بالظبط )
قمت رافع الكنبه وشايل غطاء الطرمبه
لاقيت فيه بنزين عايم فوق فيشة الطرمبه (ومش عارف جي منين)
قمت واخد العربيه رايح لكهربائي لاقيته مش فاهم وبيقولي محتاجه جوان حولين الطرمبه علشان متسربش (بس مقتنعتش)
وبعدين قولت اعمل كام كيلو احرق بنزين علشان لو في زيادة متطلعش بره وتتحرق
بس رجعت ركنت لاقيت برضك في ريحه وقوية وطالعه كمان في مدخل البيت
فمش عارف ايه السبب واعمل ايه والتصرف ازاي وانا خايف عيل يرمي سجاره ولا حاجه تبقي مصيبه
معلش طولت عليكم بس مش عارف اعمل ايه وبكره الاحد اجازه وكله مقفل
تنبيه للعضو بمخالفة القاعدة رقم 6 أ
ممنوع الكتابة باللون الأحمر حيث أنه مخصص للمداخلات الأدارية
الرجاء مراجعة قوانين المنتدى
مشرف عام 5
