عاوزين نعمل لقاء لكل الاسكندرانيه صغير كده والدعوه عامه طبعا
وبعد اذن اخويا شنورى طبعا زعيم الاسكندرانيه واول واحد لازم يكون موجود معانا طبعا

والاقتراحات كالتالى

الميعاد الجمعه الجايه
الوقت من التاسعه مساء الى اى وقت معاكم طبعا
المكان هى دى الحاجه الى محيرانى لانه المطلوب كالتالى
يكون مكان معروف للكل او الاغلبيه
يكون مكان مفتوح
يكون فيه ركنه للعربيات امان
يكون غير مقيد بميعاد للاغلاق عشان نقعد براحتنا خالص والى عاوز يسهر يسهر

انا ملقتش فى بالى مكان فيه اغلب الحاجات دى غير كافيتريا
وانا فى بالى واحده فى شارع اسكندر ابراهيم بجوار سنترال ميامى وادامها الشارع واسع للى عاوز يركن والعربيات حتبقى ادامنا
والمكان معروف وجنبنا كل حاجه مش مكان مغلق يعنى الى عاوز يعمل حاجه يعملها وفيه شيشه للى عاوز طبعا

المكان برضه لسه تحت النقاش والى عنده مكان احسن يقول بس يجمع كل المطلبات الى فوق

والدعوه عاااااااااااااااامه
وكل واحد حيدفع حسابه
عشان ميبقاش فيه احراج او زعل لاى حد انا بحب اعمل بمبدأ اخويا شنورى

ونتجمع على خير ان شاء الله