شارب جيد جدااااااا
عرض للطباعة
شارب جيد جدااااااا
انا عندى 3 تكيفات شارب من حوالى سنتين و شغالين صيف شتاء
صوت هادى جدا و كفاءة عاليه
ok يا جماعة خلاص يبقي شارب ان شاء الله
لكن ينفع اتعامل مع البشمهندس هشام صاحب كوول بريز و انا من عروس البحر المتوسط - يعني بالنسبة للتركيب و الصيانة فيما بعد حيكون ايه النظام
ترين برضوا ممتاز جدا
بعد اتصالات دامت يوم كامل وتدوير فى الانترنت واستشارة الناس كلها وصلت لاحسن النتائج وهى كالتالى :
يا جماعة سعر شارب من توكيل العربى 2800 فقط ( 1.5 حصان سبليت 2010)
بس انت لما بتتصل بيهم بيقولوا 2925 وبيقولولك خلال 72 ساعه اقرب موزع حيكلمك
ولما يكلمك الموزع حيقولك فى خصم 125 جنية وحتدفع 2800 شامل كل حاجة
ونصيحة مهمة جدا : لما تشترى اشترى من موزع قريب من بيتك عشان لو حاجة حصلت تنط فى كرشهم علطول :b4_556: ودة اللى بيضمنة العربى لمدة 5 سنين (خدمة مابعد البيع ) وريح دماغك واتكييف بدون حرقة دم
محمد باشا اخبارك إيه
أتفق مع رأى الاخوة الاعزاء
فعلا تكييف شارب أكثر من ممتاز وعن تجربه سواء 1.50او 2.25سبليت أو حتى الشباك أقل صوت من أى نوع اخر
لكن بالطبع الاسبليت مفيش صوت نهائى وكمان ضمان العربى 5 سنوات شامل والتركيب مجانا او بمعنى اخر السعر شامل التركيب وهم بالفعل ناس محترمين جدا جدا .
وبالتوفيق إن شاء الله .
علاء الشناوى
شكرا محمد باشا و بالفعل حاخد بنصيحتك و حجيب من واحد في العمارة اللي جانبي و هو موزع معتمد لشارب و الراجل طلع زوق جدا ووافق انه يقسط بنفس سعر الكاش بس تقسيط لفترة قصيرة
وحشني علاء باشا و سلامي الحار للوالد الفاضل
بالفعل انا ستقريت علي شارب عشان الكل بيشكر فيه و طلع فيه توكيل رسمي معتمد برقم اعتماد في العمارة اللي جانبي بالظبط و اعتقد ان ده اريح بكتير . بس الواحد زعلان عشان عمل ازعاج للمهندس هشام و الراجل بصراحة متأخرش و بالرغم من ان الراجل اللي جانبي سعره ازيد من المهندس هشام ب 50 جنيه بس انا قولت ان مسألة انه جنب البيت دي مهمة جدا برضه
ان شاء الله حركبه في خلال يومين
بجد بدون مبالغه احسن خدمه ما بعد البيع هى العربى بدون منازع
وانت بعد ما تكيف يركب يبقى ضمانك مع العربى مباشره ولو لقدر الله حصل اى حاجه وان شاء الله مش هيحصل بتليفون للتوكيل هيجلك فنى فى خلال 72 ساعه عن تجربه بس فى جهاز تانى وغير الجزء المعيب من غير ما يقولى سوء استخدام او الكلام الفاضى ده وبدون اى مفابل
بجد خدمتهم ممتاز علشان كده انا تقريبا اى جهاز جديد بجيبه من توكيل العربى علشان الاهم خدمه ما بعد البيع
وكمان تكيف مصرى بضمان العربى ..... ام التركى من منصور او غيره
شاكر جدا محمد باشا للمرور الكريم و الاهتمام و ربنا يطمنك انت و كل الاخوة اللي جربوا تكييف شارب عشان الواحد يجيبه و هو مطمن و دي حاجة مش سهلة
افهم من كده انه مش مهم يكون الموزع قريب من البيت و لا لأ طالما التعامل في كل الاحوال مع الوكيل يعني دور الموزع بينتهي مع التركيب ... طيب بالنسبة للصيانة مين اللي بيعملها
زي ما كل الاعضاء قالوا , فعلاً شارب ممتاز ومفيش صوت نهائي.
ايضا خدمة ما بعد البيع ممتازة.
انا شاري الجهاز من سنتين والحمد لله شغال كويس , ومن اسبوع قلت اعمل صيانة لية.
كلمتهم يوم الخميس وحددت معاهم ميعاد ليوم الثلاثاء , وجم فعلاً يوم الثلاثاء بس متأخر شوية وقعد يعتذر عن التأخير ( طبعاً كان بسبب المواصلات ) , وعمل الصيانة مجاناً وقال اني المفروض اكلمهم كل 6 شهور لعمل صيانة مجانية طوال فترة الخمس سنوات ضمان.:b4_388: