الموضوع: عاشور طنطا....

الاسم...عاشور

المكان...طنطا

الطريق...
طريق مصر اسكندرية الزراعي....في اتجاه اسكندرية....هتعدي بنها وبعدها قويسنا...وهتكمل الى ان تصل الى طلعة الطريق الحر"دفرة-كفر الدوار" ملكش دعوة بيها....هتكمل على الزراعي عادي كأنك رايح طنطا....على مدخل طنطا هتعدي نفق...هو مش بالظبط نفق...عبارة عن منطقة منخفضه يعلوها كوبري سكة حديد....هتكمل في وشك....هتلاقي دخلة يمين بتودي على "السنطة وزفتى" سيبك منها برضه وكمل في وشك...بتاع كيلو كده هتلاقي كوبري في وشك متطلعوش عشان هتلاقي قبل منه طريق يمين بيودي لقرية اسمها "اخناواي"...انت كده وصلت ....لأن الأرض اللي على اول الطريق الفرعي على ايدك اليمين اللي مردومة عربيات اوبل .... هو ده عاشور.

التليفون... .................

وصف المكان....
قطعة ارض فضاء تفيض بسيارات اوبل مقطعة....كل ما تتخيله من قطع غيار لمختلف الموديلات موجود

ايجابيات.....
توافر قطع الغيار الإستيراد بشكل غير مسبوق...من الإبرة للصاروخ...مع امكانية التركيب عنده كمان...يوجد ايضا مكان للصلاة ودورة مياة... وتليفزيون وريسيفر لو القعدة هتطول هناك....

سلبيات....
الأسعار مرتفعة الى حد ما...
الصنايعية "بيتدلعوا" جدا في الشغل... يعني يفك مسمار ويروح يلعب مع العيال الصغيرة....يشرب كوباية شاي....اللي يتعمل في نصف ساعة يعمله في 5 ساعات...
لا يهتم بعمل علاقة طيبة مع العميل....يعني مش بيخفض في السعر عشان يكسبك....لو قفلت معاه على 10 جنية من 400 ميهموش لو انت سبت القطعة ومشيت...وكعادة التجار والصنايعية كثير الحلف بالله وهو يعلم انه كاذب للأسف...."والله العظيم يا باشا دي وقفة عليا بكذا".... طب وقفه عليه بكذا ازاي وهو فاككها من عربية قدامي معرفش....

المحصلة....
-يمكن التعامل معه في اضيق الحدود في حالة الحاجة فقط الى قطعة غيار غير موجودة إلا عنده
-مناسب لساكني المحافظات المحيطة...القليوبية الغربية المنوفية الشرقية البحيرة....
-يفضل شراء قطعة الغيار من عنده فقط وتركيبها بمعرفتكم...


سبب ذهابي....
شراء فرن الموتور الذي يحتوي على فلتر البيئة+الحساس الملحق به= 1450 جنيه "بالعافية"