هوا الاستبن بيبوظ من الركنه؟؟ ارجو الافاده
انا معايا الانترا 2008 شاريها فى 7/2008 عامله 42000 كم
ولغاية دلوقتى ماركبتش الاستبن
وعندى فردة كاوتش باظت
قلت اشترى فردة جديده وانزل معاها الاستبن واهو يبقى فردتين جداد فى الامام
فوجئت بواحد صاحبى بيقوللى ان الاستبن دا المفروض محطوش ادام ويبقى افضل لو مااستعملتوش اصلا عشان هوه اكيد ( صاف ) من الركنه وممكن ينفجر فى اى لحظه
انا مش عارف اصدقه ولا اركبه وخلاص؟؟؟
عموما انا لو سمعت كلامه يبقى لازم اشترى كمان فرده جديده زى اللى جبتها
وفى الحاله دى هستبدل المقاس بدل 185/65 هجيب حاجه اعرض شويه زى 195/65 او 205/55 خصوصا انى لسه ماركبتش الفرده اللى انا اشتريتها
على فكره الاستبن انتاج عام 2008
اعمل ايه؟؟
والمقاسات اللى انا بقترحها دى تنفع على الجنط العادى ال 15 ولا لأ
علما بأن المقاس الاخير دا 205/55 مش مكتوب فى الكتالوج على الجنط ال 15
مكتوب بس على ال 16 وانا اللى عندى جنط 15
ارجو الافاده