عايز اعمل صيانة بعد رحلة سفر قاسية
السلام عليكم ورحمة الله وبركاته
شباب انا من يومين طلعت طلعه بالعربية لحد مرسي مطروح رحلة سفاري مع اصدقائى .
المهمة انى مشيت فى رمال عاليه نسبياً مسافة كبيرة وكانت بتغزر وكنت بحرق على المارش دير علشان اطلع من الغرز وارجع اجيب اول واحرق عليه علشان اطلع من الحته الى كنت غارز فيها .
المهم فى حاجات كتير ا تغيرت فى العربية :
1- السنتر لوك فصل ما بقاش يقفل كل الابواب .
2- وانا ماشي على التانى كان قبل الرحلة ده كنت ممكن اجيب 50 بس كان صوت الموتور بيعلى شوية دلوقتى صوته بيعلى قبل 40 .
يا ترى اية الى حصل !!!
3- الدريكسيون تقل حبيتنين عن الاول .
4- طبعا العربية كانت بتطلع عليا رمل وتراب من داخل العربية وانا ماشي فى الرمال اكنك بالضبط حد بيقلب عليك الرمال من بره السيارة :) .
قلت اسأل خبراء المتدى الواحد المفروض يعمل ايه لصيانة العربية بعد رحلة زي كده بدايةً من الغسيل يكون فى اى مكان واغسل فيها ايه والميكانيكا والعفشة وخلافة وتتعمل فين واية تانى المفروض اكشف عليه ؟
العربية موديل 94 ويا ريت لو اماكن الصيانة تكون فى مدينة نصر يبقى تمام اوى ...
انا اسف للأطالة يا رجالة ولكنى زي ما اغلب حضراتكم عارفين لسه ايبيزاوي جديد وسواق جديد كمان ده اول عربية اركبها ...