اقتباس:
المشاركة الأصلية كتبت بواسطة hamadashedid
لو سعادتك ممكن تزورنى فى اسكندرية احل لك مشكلتك نهائيا مع ضمان لمدة سنة وتكلفة بسيطة ان شاء اللة ولو عايز اى قطع غيار جديد او مستعمل لدينا جميع انواع قطع غيار تكييف السيارات جديد واستيراد بارخص الاسعار وتحدى
متشكر اوووي يا استاذ حماده لعرضك بس اسكندريه بعيد عليا شويه
اقتباس:
المشاركة الأصلية كتبت بواسطة dramyd
بص يا استاذ كيمـــــــــــــو
اول حاجة مش على طول تغير الكمبروسر دى حاجة جامدة اوى تعرف انت بتفكرنى بأخويا الكبير اول محاجة تحصل فى عربيتة ويروح لاى حد يقولة اى حاجة تتغير انشلا الموتور يقولة امين نجيبو منين ........... ههههههه
ههههههههههههه يارامي باشا مهو علشان كده انا بسال اخواتي وحبايبي هنا :36_7_7[1]:
اقتباس:
المشاركة الأصلية كتبت بواسطة dramyd
وحدة وحدة الراجل كان بيضغط الاول ويبص على المؤشر بتاع الضغط ويشوفة بينزل..... دة حاجة
اه شافه الضغط وكان مظبوط مكانش فيه اي مشكله
اقتباس:
المشاركة الأصلية كتبت بواسطة dramyd
الحاجة التانية بعد لما ضغط فك الاكور ( الصمولة اللى كان ربتها عشان يضغط ) اللى هى المفروض جنب الكرتيرة والبطاحة اللى جنب السواق بعد لما فكة حط صابون على الابرة ( البلف ) وشاف لحن التسريب يكون منها...
بص هي عندي الصاموله ديه ناحيه اليمين مش ناحيه السواق ولما شحن تاني كشف عليها ومافيش منها اي تسريب
اقتباس:
المشاركة الأصلية كتبت بواسطة dramyd
قلى عمل اية بالظبط خطوة خطوة.....
وبعدين الكمبروسر مش بــــــــــــــــــــــــ ـــــــــــــــــايظ مدام فى هوا ساقع بيدخلك اول متشحن....
قول وربنا يسهل ونوصل لحل
بص ياباشا خطوه خطوه من الاول خالص :-
1-اول ما رحتله شحن هواء وكشف علي المواسير من خلال الرغوه والصابون
2- نتيجه الكشف قالي الخرطوم اللي تحت السرابنتينه عايز يتغير
3- عملنا خرطوم جديد وكبسه وبعد كده شحنا التكيف فريون وراجع تاني بالصابون ومافيش تسريب
بعد اسبوع .......... وهروب الفريون
1- كشف بنفس الطريقه الاولي ونزل تحت العربيه مش عارف ليه
2- قالي في صوت خشانه من الكمبريسور وهو اللي بيسرب
روحت لواحد تاني غيره علشان اتاكد كشف بنفس الطريقه كبس هوا وابتدي يبص علي المواسير والخراطيم
ومافيش اي تسريب منها
قولتله طيب شوفه الكمبريسور راح حط عليه رغوه وقالي فيه تنميل بسيط اووي من اعلي الكمبريسور
انا : وده مالوش حل
هو: ليه بس هايرجع يبوظ تاني الاحسن تشتري واحد جديد او استيراد
انا : طيب ايه الحل
هو : طقم اصلاح ب 250 جنيه وهايخد وقته ويبوظ تاني
ومن ساعتها وانا سايبه علي كده و مش عارف اعمل ايه :120146b
