الموضوع: استفسار بخصوص لانسر بومة 2007 اتوماتيك

السلام عليكم ورحمة الله وبركاته

انا عندى ماتسيبوشى لانسر 2007 اتوماتيك ( البومة )

انا العربية عاوز اوديها التوكيل ومعرفش عنوانه بالظبط .. غير انى عاوز استفسر عن حاجات منكم

انا العربية كنت هباعها بس قررت انى خلاص ما ابيعهاش ..

بس خلال الـ 3 سنوات الى فاتوا انا غيرت تيل الفرامل بتيل عادى وغيرت الفرامل نفسها كانت تقريباً بـ 80 جنيه او حاجه زى كده ( وللأسف مكنتش لاقى غيرها فى الوقت ده )

وبقيت اسمع اصوات غريبة فى العربية اما بسيب فرامل او امسك فرامل

فأنا عاوز اودى العربية التوكيل اغير سلك البنزين - وتيل الفرامل - والفرامل نفسها كمان - واعمل صيانة كاملة عليها

وانا العربية عندى فيها 2 ايرباج ( عدد 2 اكياس هوائية ) وفجأة لاقيت كلمة بالأحمر تحت العداد اسمها SRS لاقيتها مش بتختفى بعد فتح الكونتاكت كالعادة

ولما قريت الكتالوج لاقيت ان ده معناه ان الأكياس الهوائية متعطلة .. والسبب ان اخويا مرة اثناء غسيل العربية جاب مياه على كرسي السواق

فأنتوا تشيروا عليا بأيه انا عاوز العربية تبقي تمام التمام بس انا خبرتى فى العربيات مش قوية ومفهمش قوووى

وانا عاوز اعرف عنوان التوكيل فين .. والصيانة والحاجات الى انا عاوز اعملها فى العربية ديه زى الفرامل وتيل الفرامل وسلك البنزين

ولو عاوز اركبلها زينون

غير ان فيه مفتاح ضايع .. وانا مش معايا ليها غير مفتاح واحد ... لو عاوز اطلع عليها مفتاح تانى ..

تعمل كام الحاجات ديه فى التوكيل .. يعنى بعد ما تروح التوكيل وتبقي تمام .. تبقي الفلوس فى حدود كام ؟؟

منتظر ردودكم وجزاكم الله كل خير فيما يحبه ويرضاه

شكراً يا استاذ مصراوى .. بس انا كنت بسأل الحاجات الى انا قولت عليها

زى سلك البنزين وتيل الفرامل والفرامل كمان .. الحاجات ديه تعمل كام غير كشف العربية

انا الى اقصده حتدخل فى حسبة كام يعنى بالتقريب كده ؟؟؟