الموضوع: ايهما افضل ماروتي زيرو و لا دايو لانوس 1 مستعمل نضيفة

الزيرو زيرو
المستعمل كله مشاكل
ما تفرحش بإن سعر المستعمل قليل بس حتحط عليها كتير عشان تبقى عربيه عدله
ما تشتريش حاجة استعمال الا اذا كانت كسر زيرو ومن مكان موثوق فيه

الكلام أخوي وعن تجربة والله المستعان

شكرا thunder 150
لكن ليه مذكرتش سبب

شكرا shankosi
معاك الف حق
لكن ايه رأيك في سوزوكي ماروتي كعربيه
بص الواحد لازم يكون عقلاني
ازاي
يعني مينفعش اقول السوزوكي ماروتي لا يا عم مش حلوة شوف المرسيدس بتجري و تتحمل و هيا لا
كلام صحيح لكن ينقصه شيء شوف سعر دي و سعر دي
الماروتي بالنسبه لسعرها كويس
لكن يبقي السؤال
هل السوزوكي ماروتي عربيه تسد و لا ورقة و بعد سنه اتنين اربعه بالكتير هتبقي محتاجه تغيير عفشه و عمره موتور و سمكره و دوكو و كاوتش و و و و ............
و لا هتسد و تتحمل مع المعامله المعقوله
بس علي كل حال الف شكر ليك

ايه يا رجال اين الاراء

فى فرق كبير بين العربيتين ، لان لانوس فئه و ماروتى فئه تانيه خالص

انا من وجهه رأيي ان اللانوس 1 حاله نضيفه احسن طبعا من الماروتى لانها فئه اعلى ، ولكن اللانوس تمتاز بمحرك تصميم جنرال موتورز وعمره طويل نسبيا ، عن الماروتى اللى ماتورها 800 سىسى ضعيف جدا ، يعنى فى التحميل ، او مثلا لو انت مسافر المصيف مع العائله ومعاك الشنط يبقى ربنا معاك ، وكمان الماروتى بدون اى كماليات ، ودى موجوده فى اللانوس زى التكييف والباور والزجاج الكهرباء ودول هيفدوك جدا ، خاصه انى مش هدفع اربعين الف فى تروسكيل على كبير مع احترامى طبعا لكل ملاك العربيه ، النقطه الوحيده التى تحسب للماروتى انها هتبقى زيرو ودى ميزه ولكن لو انت لقيت عربيه لانوس 1 حاجه نضيفه جدا يبقى دى افضل مليون مره من ماروتى زيرو وهتحس بفرق كبير جداااا ، بالنسبه لقطع الغيار والبنزين ودى مهما طبعا فاللانوس قطع غيارها متوفره ورخيصه وكمان مش حوت بنزين يعنى مش هتحس بفرق كبير ف الموضوع دا ، بس قدامه هتاخد اداء يفرق كتييييييير جدا عن الماروتى

طبعا القرار الاول والاخير ليك والمستعمل الشرط الحاله

تحياتى