مخالفات على النمر القديمة مع إنى شارى العربية وهى لسه مجددة بنمر جديدة .. !!!
سلام عليكم يا جماعة ..
أنا معايا عربية كنت شاريها من سنة بتوكيل وكانت لسه مرخصة بقالها يومين مرور مصر الجديدة .. فمشيت بالتوكيل وقلت لما السنة تخلص أبقى أنقل وأجدد ..
رحت إمبارح مرور مصر الجديدة عشان أجيب شهادة مخالفات .. خلونى جبت ورقة كده كتبولى عليها النمر القديمة وبعدين قالولى روح مرور الجمرك فى الدراسة هاتلنا شهادة مخالفات من هناك ..
رحت الدراسة .. وبعد شوية لف و عذاب قالولى عليها 1630 جنيه .. :b4_556: ...
طيب إزاى يا جماعة وأنا شاريها بنمر جديدة وكانت لسه مجددة يعنى المالك السابق كان مطلع شهادة مخالفات قبل ما يجدد ؟؟؟ !!! طبعا متاخدش من حد حاجة مفيدة وآخرهم يقولك اعمل تظلم .. عملت تظلم وقالولى تعالى بعد يومين شوف .. لو لقيتها نزلت يقى اتقبل لو زى ماهى يبقى اترفض .. !!
وكان فى واحد جنبى برضه عنده نفس الحالة وعليه 1300 .. !!!
حد يا جماعة قابله الموقف ده يقدر يفيدنى بحاجة ؟؟؟؟؟