الموضوع: اتمسكت رادار!!!!!

كنت سافرت القاهره يوم الخميس بالليل و الطريق كان زي الفل مشيت من دمياط الساعه 11 الا ربع وصلت القاهره دار المشاه الساعه 1 و نص قضيت المصلحه و رجعت النهارده الصبح و يارتني ما رجعت
الرادار الجمييييييييييل اللي عند قريه الالعاب الاولمبيه ظبتني متلبسا وانا ماشي على 131 والعداد كان قاري ساعتها 150 تقريبا الساعه 10 الصبح
طبعا لم اتنفس و طلعت ال 150 جندي زي الفل
المهم عند اليو تيرن اللي عند بور سعيد عشان ادخل طريق دمياط عربيه ربع نقل ساده الحاره الشمال فكبست بنزين عشان اجتازها من اليمين مكملتش بعدها 10 كيلو و لقيت الرادار التااااااااااااااااااااان ي و مسكني على 108 كيلو و العداد كان عامل 120 مش عارف ازاي نزلت للظابط قلتلو حرام خبطتين في الراس يوجعوا وانا كنت بجتاز و ما بجتازش و الكلام ده قاللي الدفع او النيابه فكرت لوهله اني اروح النيابه و اسلكها من هناك بس قلت و على ايه و الفلوس اللي كنت هدفعها في المخالفه هدفع ادها مره و نص كوبايات شاي و سجاير للحبايب وفقلت اخدها من قاصرها و ادفع للمره التانيه الغريبه ان الربع نقل تقريبا فضل ماشي جنبي حبه لغايه ما عديته و هوه ما اتمسكش
حسبي الله و نعم الوكيل
الناس في اوروبا و امريكا بيعملوا اماكن الرادارات مرئيه للجميه عشان الناس تهدي و هنا في مصر بيتفننوا ازاي ياخدوا الفلوس
الحمد لله انها جت على اد كده و كان معايا فلوس اساسا و قضى اخف من قضي
بس الدرس المستفاد
ممنوع السفر الا ليلاولو عاوز اسافر بالنهار يبقى اجيب حد تاني يسوق العربيه بدالي لاني ما بعرفش امسك رجلى عن 120