مساعدة من رجاله تيدا 2009

**zeyad_f** · 16-05-2010 08:06 PM

بارك الله فيك يا احمد و متشكر لكل رجالة التيدا وانشاء الله انظملكم قريب :)

**tata12001** · 16-05-2010 08:08 PM

وأحب أزود على الأستاذ أحمد إن سير الكاتينة جنزير فمش بيحتاج يتغير ، والباور كهربا فمش هيحتاج سير أو زيت ، العربية مفيهاش غير سير واحد كاوتش اسمو سير المجموعة بيتغير كل ٤٠٬٠٠٠ .
و العربية مفيهاش فيلتر بنزين هي الطلمبة بس بتتغير كل ١٠٠٬٠٠٠ أو ١٢٠٬٠٠٠ ، و هي معمولة أساساً علشان تبئة قليلة الصيانة ، وهي فعلاً مشاء الله فعلاً كدة.

**Ahmed.TV** · 16-05-2010 10:51 PM

المشاركة الأصلية كتبت بواسطة zeyad_f

بارك الله فيك يا احمد و متشكر لكل رجالة التيدا وانشاء الله انظملكم قريب :)

تحت امرك يا فندم وربنا يكرمك ويوفقك للاختيار الصحيح

بص انا كنت زيك حائر جدااااااااا فى ميت نوع عربية , ولغاية ما عملت استخارة وربنا كرمنى بيها , والحمد لله سعيد جدا بالتيدا بجد

عربية فى منتهى الروعة قوة ونعومة ووسع ويابانى وقوية فى سحبتها واستهلاك البنزين فيها ,

ده غير قطع الغيار فيها بتتغير بعد كل فترة كبيرة يعنى حتى لو غالية فى قطع الغيار بس اقتصادية فى عدد تغير قطعة الغيار دى , فشوف انت بتغيرها كل قد ايه !!

العربية الحمد لله بقة منتشرة كتير فى السوق وبقيت اشوفها فى الشارع , عكس الاول , اظاهر الناس فطنت الحقيقة بقة فين ؟!

وان شاء الله تنورنا ونباركلك قريب وتنضم لينا وتنورنا وتكون عضو معانا فى نيسان

**Ahmed.TV** · 16-05-2010 10:57 PM

المشاركة الأصلية كتبت بواسطة tata12001

وأحب أزود على الأستاذ أحمد إن سير الكاتينة جنزير فمش بيحتاج يتغير ، والباور كهربا فمش هيحتاج سير أو زيت ، العربية مفيهاش غير سير واحد كاوتش اسمو سير المجموعة بيتغير كل ٤٠٬٠٠٠ .

المشاركة الأصلية كتبت بواسطة tata12001

و العربية مفيهاش فيلتر بنزين هي الطلمبة بس بتتغير كل ١٠٠٬٠٠٠ أو ١٢٠٬٠٠٠ ، و هي معمولة أساساً علشان تبئة قليلة الصيانة ، وهي فعلاً مشاء الله فعلاً كدة.

الجزء اللى فات كله كنت عارفه كله ماعدا فلتر البنزين وانه طلمبه وبتتغير كل 100 الف او 120 الف ومعلومة كويسة وبارك الله فيك

شوف بقا مثلا لو كان هناك فلتر بنزين بيتغير كل 30 الف شوف فى عربيات تانية حتيجيبه كام مرة حوالى 4 مرات بتمن واحد من بتاع التيدا , عشان بس قبل ما حد يقول اصل طلمبة البنزين غالية فى التيدا

والله يا رجالة التيدا اتحدوا وتعالو نورونا فى مقابلة نيسان مش معقول المرة اللى فاتت ميكنش موجود غير احمد كمال وسامح راشد والعبد لله , عاوزين نتناقش ونتكلم , انا متغاظ من رجالة الصنى عشان هما اكتر مننا

**Ahmed.TV** · 17-05-2010 01:58 PM

كان فى موضوع قبل كدا ناس كاتبة فيه مواضيع اسعار الصيانات , واسعار قطع الغيار فى التوكيل حاليا انا معرفهاش والله بس قريب حعرفها باذن الله ونعمل تقرير بيها , بس هى اسعار معقولة بالنسبة الى اليابانى ومعمرة جدا ,
يعنى مثلا فى البولو اللى كانت معايا قبل التيدا سعر المساعدين فيها كان ب700 جنية , فشوف انت مثلا لو كان معايا عربية كورى او اى نوع تانى ومثلا المساعد بحوالى 400 او 300 شوف حيتغير بعد كام الف كيلو او كام سنة مش اقل من 50 الف على الاقل او سنتين بالكتير مثلا , وشوف فى البولو انا جبت مساعد ب700 قعد قد ايه عندى حوالى 80 الف او 100 الف يعنى اكنى جبت مرتين من النوع لرخيص اللى فى العربيات التانية , فهمت النقطة ازاى
عشان بس الناس بتقول ان الحاجة غالية , لا الحاجة فى التيدا معقولة وان كان سعرها غالى عشان بتستحمل مشقة الطريق وبتقعد فترة كبيرة معاك ومش كل شوية تفضل تغير فى حاجة

**Ahmed.TV** · 17-05-2010 02:58 PM

المشاركة الأصلية كتبت بواسطة zeyad_f

طيب دي الحجات الي بتستهلك , بس انا عاوز اعرف الحجات التانية زي المرايات و الفوانيس والرفارف وكدة يعني

حتلاقى فى الحرفين باذن الله هناك بس فين انا معرفش لان مسالتش هناك بس عل السمع فقط

الموضوع: مساعدة من رجاله تيدا 2009

LinkBack

أدوات الموضوع

عرض

-

-

-

-

-

المواضيع المتشابهه

مساعدة في frv يا رجاله

رجاله كيا مساعدة

مساعدة ضروري يا رجاله

لانسر شارك 2009 ولا تيدا 2009

تيدا 2009 للبيع

الكلمات الدلالية لهذا الموضوع

المفضلات

المفضلات

ضوابط المشاركة