الموضوع: لماذا ارتفعت معدلات الطلاق في مصر

المشاركة الأصلية كتبت بواسطة amatoallah

عربية كارو و نعم التشبيه :(

مش القصد كارو كارو يعنى

اقصد ان الفرق بين الرجل العازب و المتزوج هو كالفرق بين حصان الرقص و حصان الجر

حصان الجر صاحبه يحبه طول ما العربية ماشية ..مطالع منازل ..المهم انها ماشية

مش مهم شكله ..مش مهم شعره مش مهم لون السرج

المهم انه يتحمل المسؤولية

انما حصان الرقص ميزته في شكله ..في خطوته ..في لون شعره و قصته


اللي يتجوز لازم يبقى عارف انه راجل

مهمته الأولى في الدنيا ..يجر عربية بيته للأمان

ومايضرش انه يبقى شكله حلو (بس مابيبقاش زي زمان)

اللي ما بيقدرش يستحمل الجر ..او يشتاق للرقص و المزيكا

بيطلق

المشاركة الأصلية كتبت بواسطة ahmed samy

دول عيال ...حبوا يعملوا رجالة

وماستحملوش

يااااااااااااااااه يا دكتور...تصدق أنا من زمان ونفسي ألاقي جملة معبرة زي دي....الله يفتح عليك

يا جماعة مافيش افضل من جواز الصالونات
لان الجواز مرتبط بالحب و ليس الحب هو المرتبط بالزواج
بمعني ان كلمة زواج في معناه كبير جدا جدا لان هي مش مجرد شاب بيتجوز بنت لأ دي عيلة بتتجوز عيلة
يعني لازم تكون عيلتك و خصوصا والدتك تبارك الزواج و لو كان ضد رغبة العيلة بتبقي بعد عدة شهور او سنوات قليلة من الزواج كارثة
زواج الصالونات بتتجمع فيه المواصفات دي كلها و غالبا وقت اتمامه بيكون العيلتين موافقين علي بعض و عشان رأي الكبار بيكون له عامل كبير في الطريقة دي فبتلاقيها دايما ناجحة
انما قصة حب و الكلام ده في معظم الاحوال و انا اؤكد في معظم لا ينجح لانه غالبا بيكون ضد رغبة الجميع فمع اول صدام او مشكلة بين الزوجين و تدخل الاهل بتصير كارثة لان الاهل عايزين يأكدوا وجهة نظرهم ان رأيهم كان صح لما رفضوا الزيجة دي من الاول و طبعا الطرفين بيكونوا في حالة ضعف فساعتها يقع الطلاق
انما طبعا فيه حالات كتيرة بتنجح بس انا بتكلم علي الطبع العام او السمة الغالبة في الزواج الناتج عن حب
و ايضا الزواج الناتج عن حب و ده رأيئ الشخصي الحالي انما قبل كده لم يكن كذلك عشان بيكون بعيد عن نصيحة رسولنا الكريم اننا نظفر بذات الدين فأعتقد انه ما بيكونش فيه بركة من البداية
الخلاصة : الحل في زواج الصالونات لانه بيكون نتاج رأي الكبار في العيلتين و هما اللي بيرعوه مع عدم تجاهل الراحة النفسية للعرسان و لازم برضه يتم وضع دستور في بداية الزواج و خطوط حمراء لا يمكن تجاوزها و احترام هذا الدستور مع امكانية تعديل المادة 76

المشاركة الأصلية كتبت بواسطة ahmed samy

مش القصد كارو كارو يعنى

اقصد ان الفرق بين الرجل العازب و المتزوج هو كالفرق بين حصان الرقص و حصان الجر

حصان الجر صاحبه يحبه طول ما العربية ماشية ..مطالع منازل ..المهم انها ماشية

مش مهم شكله ..مش مهم شعره مش مهم لون السرج

المهم انه يتحمل المسؤولية

انما حصان الرقص ميزته في شكله ..في خطوته ..في لون شعره و قصته


اللي يتجوز لازم يبقى عارف انه راجل

مهمته الأولى في الدنيا ..يجر عربية بيته للأمان

ومايضرش انه يبقى شكله حلو (بس مابيبقاش زي زمان)

اللي ما بيقدرش يستحمل الجر ..او يشتاق للرقص و المزيكا

بيطلق

ماشاء الله احترامي لوجهة نظرك يا دكتور و اتفق معاك في هذا التشبيه الجميل واحب اضيف ان الشباب اقصد احصنة الرقص بتكون بصه ان فيه بيت عيله بديل عن بيت الزوجيه ونسيين ان مهما بيت العيله طال ففي النهايه هيكون لوحده عاجلا او اجلا والانسان ذاهب الى ضعف لازم زوجة تراعيه وابناء حواليه سنة الحياه وعشان كده بيت الزوجية لازم يكون مبني على اساس من الحب والتفاهم واساس البيت المتين الزوجة الصالحه عشان كده لازم يدور على الزوجة المتدينة يعني التدين يكون الاساس وبعد كده النسب والجمال والعلم واي حاجة تانيه
نعمة الحياة الزوجية نعمة كبير جدا مهما فيها من شقاء وتعب بس في النهايه لراحتك لما توصل لمرحلة الضعف هتلاقي تعبك في ابنائك الي هما متعة مابعدها متعة لما تشوف ابنك او بنتك بيكبر امامك يوم بعد يوم ولما تنزل تشتري حاجة ليك وتلاقي حاجة هتعجب اولادك تشتريها ليهم بدل حاجاتك وتحس بسعادة لما تلاقي ابنك او بنتك فرحان بيها بتفرح اكتر من انك كنت جبت حاجاتك ربنا يدمها نعمه علينا وعليكم ويحفظها من الزوال ...آمين يارب العالمين