الموضوع: لماذا سحب أمامي

التكلفه بتبقي اقل و العربيه اللي دفع امامي بيبقي سحبها كويس غير الدفع الخلفي يعني مثلا شوف السحب بتاع اللادا و سحب 128 و بتبقي العربيه اكثر ثباتا و الدركسيون بيبقي ناعم شويه ده اللي اعرفه هتلاقي اعضاء ممكن يقولولك اكتر من كده

فعلا الجر الامامى اسرع من الدفع الخلفى بس الدفع الخلفى اقوى من الجر الامامى

الجر الامامى تحولت ليه معظم شركات السيارات ماعدا شركات السيارات الرياضية زى بورش و فيرارى و لمبورجينى و ايضا بى ام و مرسيدس و مميزات الجر الامامى الاساسية فى عدم احتلاله المساحة الخلفية للسيارة لانه مافيهوش كورونا و عمود كردان و كمان خفة الاوزان فى العربية و قلة التكلفة فى التصنيع و عيوبه ان العجل بيكون عليه اجهاد اللف و الحركة فى نفس الوقت و ما ينفعش معاه محركات قوية و كمان قطر دورانه صغير عشان كده الشركات الرياضية ما بتستخدموش
بس فى المحركات الهادية بتاعتنا و عربياتنا العادية فهو ناجح جدا و شغال تمام
يعنى الكلام فى الموضوع ده محتاج كتابة كتييير بس فيه مواقع على النت بتقارن بطريقة ممتازة ما بين الدفع الخلفى و الجر الامامى

المشاركة الأصلية كتبت بواسطة ahbl5555

لدي إستفسار صغير أرجو الرد عليه
هما ليه بقوا يعملوا العربيات سحب أمامي و مابقوش يعملوها دفع خلفي زي العربيات القديمة وشكراً

1: قلة التكاليف
2: صالون اوسع
3: البلاد اللى فيها ثلوج .. العربية الجر الامامى ما بتتزحلقش فى الثلج و انت ماشى بيها او و انت طلع بيها من الثبات لان العجل الامامى هو اللى بيجر العجل الخلفى .. اما الدفع الخلفى ممكن لو ماظبتش رجلك عجل العربية يفضل يلف على الفاضى و انت طالع فى الثلوج و لو لفيت الدريكسيون حتى ربع لفة حتلاقى العربية تخمس و تعمل عوريات.. و لذلك تلاقيهم عامليين الكاديلاك و الكريسلر جر امامى مع انها عربيات غالية و مواتيرها كبيرة ممكن توصل ل 5700 cc .. و لكن مشكلة الثلج دى مش موجودة عندنا ..
و مع ذلك الجر الامامى مشاكله كتير .. لان قوة و عافية الموتور و الجيربوكس كلها على المدادتين و الفخدتين اللى قدام .. و لو العربية اساسها مش متين مش حاتستحمل و حاتلاقى شاسيها بيفتح او يشرخ .. كمان فى المنحنيات مع سرعة عالية الجر الامامى مايتضمنش لان العجل الخلفى تابع بس .. و من اهم عيوبه انك لو حساسيتك عالية بالعربية بتحس ان فى مصنع او ورشة متوصلة بالدريكسيون (طبعا بتختلف من عربية لعربية) انما فى بعض الظروف حتى لو العربية زيرو مش حاتحس الدريكسيون تحت ايدك سلس و هادى زى الدفع الخلفى .. و للتوضيح اقصد مقارنة بالدفع الخلفى .. انما فى الدفع الخلفى يكفى انك تنزل غيار حتلاقى العربية كلبشت فى الارض كان واحد بيتزحلق و انت مسكته .. و كمان العربية الدفع الخلفى اعفى .. قوتها اكبر .. أأمن من وجهة نظرى لو استغليت مواصفتها لصالحك .. بس للاسف مش بتلاقى النظام ده اللا فى العربيات الغالية دلوقت
و على فكرة موضوع ان الجر الامامى سحبه احسن دا ممكن فى اول الطلعة بس انما جرب لما تعدى التانى و تدى العربية تالت طبعا القوة كلها اللى تعقدك موجودة فى الدفع الخلفى و خصوصا فى تنزيل الغيارات

المشاركة الأصلية كتبت بواسطة ahmednashaat

فعلا الجر الامامى اسرع من الدفع الخلفى بس الدفع الخلفى اقوى من الجر الامامى

المشاركة الأصلية كتبت بواسطة ahmdmagdy

التكلفه بتبقي اقل و العربيه اللي دفع امامي بيبقي سحبها كويس غير الدفع الخلفي يعني مثلا شوف السحب بتاع اللادا و سحب 128 و بتبقي العربيه اكثر ثباتا و الدركسيون بيبقي ناعم شويه ده اللي اعرفه هتلاقي اعضاء ممكن يقولولك اكتر من كده

و على فكرة موضوع ان الجر الامامى سحبه احسن دا ممكن فى اول الطلعة بس انما جرب لما تعدى التانى و تدى العربية تالت طبعا القوة كلها اللى تعقدك موجودة فى الدفع الخلفى و خصوصا فى تنزيل الغيارات

و كمان الدريكسيون انعم فى الدفع الخلفى لانه مش متوصل مع اى حاجة اللا الاسكترا او علبة الدريكسيون على حسب نوع العربية انما فى الجر الامامى لو حساسيتك زيادة شوية بالعربية حتلاقى فرق كبير لانه متوصل مع مصنع كامل موتور و الات جر و ممكن تلاحظها فى ظروف القيادة الصعبة حتى لو كانت العربية حديثة و لكن الاحساس ده بيختلف من عربية لعربية على حسب امكانيتها و على حسب احساسك بالعربية كمان

يرجع الفضل فى اختراع الجر الأمامى للعملاق الأيطالى فيات وشكرا على المعلومات يا رجالة

المشاركة الأصلية كتبت بواسطة ahmedbasto

يرجع الفضل فى اختراع الجر الأمامى للعملاق الأيطالى فيات وشكرا على المعلومات يا رجالة

تصحيح بسيط للمعلومة ستروين هى اول من انزله للانتاج التجارى الواسع فى ال 2cv و البحث فيه بدا من عند الفرنسيين يعنى فيات مالهاش دعوة بالموضوع و لنك الويكى
Front-wheel drive - Wikipedia, the free encyclopedia

ستيروين هى اول من اختراع الدفع الامامى لكن فيات هى اللى طورته واشتغلت عليه وعملت نموذج يمشى عليه العالم كله فى الفيات 128