الموضوع: شكر واجب و تحيه لجميع الاعضاء الكرام

الاخ الفاضل الاستاذ ممدوح كنت قلت لحضرتك على موضوع الخبطه اللى فى العربيه والدلايه المقطوعه
اللى رفض المندوب تغييرها و حضرتك مشكورا اهتميت بالموضوع وانا قلت اصور الدلايه و مكان الخبطه للتوضيح اكتر

دى صوره الدلايه المقطوعه


وده مكان الخبطه بس الحمدلله مش باين اوى

السلام عليكم و رحمه الله و بركاته
انا اسف جدا يا جماعه لتأخر في الرد ارجو فعلا انكم تعذروني..............

expert مساء الفل علي فكره يا باشا شرف ليا انك تبقي ابو زمل.
بص بقي يا سيدي بالنسبه للخبير هو ميقدرش يفتي بالنسبه للتكاليف المقدره للأصلاح و ده لسببين اولهم ان قطع الغيار التالفه معروف انها لازم تتغير فا مش معقول انه هيلاقي حاجه بايظه و يقولك لأ سليمه و علي فكره الكلام ده كله بيبقي متصور في التقرير اللي هو بيعمله و ميقدرش يأوح لأن هو اصلا مش خسران حاجه.هو الحاجه اللي بيلاقيها بايظه لازم لازم تتغير ده اولا اما بالنسبه للمصنعيات فده الخبير بيتفق فيها مع المركز المصلح و في الاخر اطمن ان هما اكيد هيتفقوا لان المركز او التوكيل بيبقي مجهز مقايسه المصنعيات بأسعار فلكيه فمهما الخبير قلل فيها برده هيطلع كسبان جدا و ديه حاجه معروفه يعني مفيش مشاكل خالص لحد دلوقتي و لو حصل فرضا ان تقدير الخبير معجبكش فا انت قادر انك ترفضه و تنزل واحد تاني يعاين العربيه.
و كمان حضرتك مبتدفعش حاجه خالص غير لما الخبير يقلك التكاليف المقدره كذا يعني مفيش مفاجأت خالص انك تاخد اقل من اللي دفعته.
و انا فعلا بستخدم التأمين في حياتي الشخصيه في كل ما يهمني منن فروع التأمين و هي العربيه بس يعني لا مأمنن حياه و لا حريق و سطو و لا الكلام ده كله.
و تحت امرك يا باشا لو في حاجه تاني.................
اخوك / ممدوح

السلام عليكم
انا اسف اني اتأخرت عليك في الرد يا أبو عبد الله
هو زي ما قلت ان البنك اللي بيشتري العربيه لنفسه الاول الموضوع ده كان موجود فعلا بس قليل قوي معرفش دلوقتي ايه الاخبار بس حضرتك قلت مفيش يبقي ده يثبت كلامي ان مفيش حاجه اسمها بنك اسلامي مصر زي ما حضرتك بتقول و ان هو كده بيتعامل زي اي بنك تجاري تاني.
و كده يبقي للأسف مفيش اي فكر تجاري اسلامي في مصر.

السلام عليكم و رحمه الله يا بشمهندس حازم
انا فعلا و الله اتشرفت بسماع صوت حضرتك في التليفون فعلا كنت سعيد جدا و يا باشا مفيش تعب و لا حاجه انا فعلا و الله نفسي اخدم جدا و لا شكر علي واجب.
بالنسبه بقي لنظام شركات التأمين فأنا قصدت ان هو واحد بالنسبه للقواعد الخارجيه العامه المنظمه لاسلوب العمل الشروط الموجوده في كل وثائق التأمين في مصر اما بالنسبه لاسلوب العمل الداخلي فهو مختلف جدا من ناحيه خدمه العملاء و سرعه صرف التعويضات و القواعد المنظمه للعمل الداخلي و السياسه اللي الشركه وضعتها لنفسها و فعلا هي خدمه العميل اولا ام شيء اخر و غالبا زي ما وضحت قبل كده ان كل شركات القطاع الخاص بتخاف جدا علي سمعتها و كمان اللي بيرجح شركه عن التانيه هو الاسعار وكمان لازم يكون في معرفه داخل الشركه ده ميقللش من الشركه نفسها بس فعلا لو في حد هيبقي في انجاز اول حاجه في التعويضات و مش ممكن ابدا تصادف اي مشكله ان شاء الله منن المشاكل اللي ممكن تسمع عنها.
و ارجو فعلا من كل الاعضاء اللي بيتعاملوا مع الجمعيه اعتباري السند بعد ربنا طبعا ليهم داخل الجمعيه خاصه او اي شركه تانيه و ده طبعا شرف كبير جدا ليا اني اقدر افيد ناس زي حضراتكوا قليل اوي لما تلاقيهم متجمعين علي الخير كده في مكان واحد.
اما التفاوت بالنسبه للاسعار فده بيرجع لسياسه الشركه نفسها و قدرتها علي الموازنه بين حقوقها و التزامتها و قدرتها فعلا علي اقتطاع الجزء الاكبر من السوق.
و علي فكره التفاوت مش كبير في الاسعار و لا حاجه في التعامل العادي بين العملاء بس هو حضرتك الاسعار اللي قلتها لحضرتك في التليفون فيها تفاوت كبير بين الشركات التانيه لأن الاسعار ديه مخصم منها حاجات كتير زي خصم كميات احنا بنعملها و حاجات زي كده و مخصم منها كمان مصاريف اداريه و تسويقيه و محدش بيتعامل بالأسعار ديه من العملاء العاديين و ده كده زي ما بيقولوا سعر جمله الجمله.و انا طبعا اتشرف اني اقدر افيد حضرتك بحاجه زي ديه مش موجوده ابدا في سوق التأمين بالكامل.لأن فعلا و الله امنيتي اني اقدر افيد ناس افاضل زي اعضاء المنتدي الكرام
يا ريت اكون وضحت لحضرتك كل اللي سألت عليه.
اما بالنسبه للسؤال الأخير فاذا كان في مطالبات فطبعا السعر بيزيد علي حسب كم مبالغ التعويضات المدفوع خلال السنه و لكن بيزيد بننسبه ضئيله اوي يعني مثلا بيبدأ من 0.1% الي 0.3% زياده علي السعر السنه اللي فاتت و طبعا الزياده ديه حضرتك مبتحسش بيها ابدا لأن اصلا سعر العربيه و مبلغ التأمين بيقل حسب السعر السوقي للعربيه يعني العربيه اللي ب 100 الف السنه ديه هتبقي ب 95 الف السنه الجايه. و اكيد طبعا اللي بيعمل حوادث غير اللي مبيعملش.و طبعا كل الكلام ده بالنسبه لكل الشركات بخلاف ما ذكرته عن زياده الاسعار.
يارب كده اكون اجبت عن كل الاسئله بوضوح. و انا تحت امرك في اي استفسار تاني
السلام عليكم و رحمه الله

مادا باشا
السلام عليكم و رحمه الله
اعذرني فعلا اني اتأخرت علي حضرتك بالرد انا فعلا كده خدت بالي من الخبطه اللي حضرتك بتقول عليها.
يا باشا متشلش هم اي حاجه لو عيز تعملها في اي وقت حضرتك أأمر بس.
لكن الصراحه الخبطه مش باينه اوي في الصور لكن لو هي مش كبيره عالحقيقه يبقي نصيحه اخويه سيبها شويه عشان الفبريكه بتاعت العربيه .اما بالنسبه للدلايه فأنا شايف انها متستاهلش حضرتك تيجي مصر مخصوص.لكن حضرتك اول ما يبقي في نيه انك تيجي ياريت تقولي قبلها عشان اخليهم يحضروها لحضرتك و تيجي تركبها علي طول و مش هتاخد اكتر من نص ساعه من غير متدفع جنيه واحد.و لو عايز يا باشا تغير الطقم كله نغيره بس انت تأمر و يارب اتشرف بمقابله حضرتك في اقرب وقت ممكن بس يارب يكون في الخير ان شاء الله.

tmz9111
شكرا يا باشا علي الدعوه الرقيقه ديه و ربنا يقدرنا كلنا ان شاء الله علي فعل الخير و يقدر كل واحد في ايده يعمل حاجه لأخوانه انه يقدر يعملها.

السلام عليكم و رحمه الله