رجلاش الدبرياج ؟

**tarek_asem** · 18-05-2010 07:19 PM

المشاركة الأصلية كتبت بواسطة mmamdouh

المشكلة ملهاش علاقة بالرجلاش... طالما ملعبتش فى حاجة فى الدبرياج مش المفروض ان ضبطتة تتغير و بالتالى تحتاج رجلاش... دى اما مشكلة ماستر تحتانى او دسك

هى العربية عاملة كام الف؟؟

mmamdouh

مستر محمد والله مستني حضرتك من زمان ... العربيه عامله 39 الف .. بخبرتك كده عايزك تقوللي الخلاصه وتريحني من الموضوع ده

**tarek_asem** · 18-05-2010 08:56 PM

استاذ محمد ممدوح خلاصه المشكله بكل بساطه عشان اساعد حضرتك تساعدني
الفتيس كان بيرشح زيت وعالجت السبب والحمد لله كان مجرد مسمار مفكوك ... بعد ما عالجت السبب رحت ازود زيت فتيس لان لاحظت ان العربيه صوتها بيعلى على السرعات العاليه وقالولي ده نقص زيت فتيس .. بعد ما زودته بقيت بحس ان النقل بصعوبه اوي اوي يعني بكون دايس دبرياج عالاخر وبرضو بحس اني مش حايب الدواسه لاخرها .. ولما بنقل بسمع صوت زي خبط الحديد في بعضه او حاجه زي كده ... وكنت عرضت المشكله دي على حضرتك قولت لي يمكن يكون الزيت تقيل وكنا في الشتا وتقبلت الموضوع بس دلوقتي الحر دخل وبرضو المشكله زي ما هيا ...
ايه اللي اقدر اعمله في الوضع ده ؟؟ زي ما قولت لحضرتك العربيه عامله39الف ومفيش ميكانيكي لعب فيها غير يدوب تغيير الزيوت والفلاتر .. اتمنى من حضرتك المساعده الشافيه

**عصام غنايم** · 19-05-2010 02:07 AM

قدامك حلين

1 انت تنزل زيت الفتيس كله وتغيره عند حد مضمون بنوع كويس لان كلامك بيقول ان مشاكلك بدأت من ساعة ما زودت زيت الفتيس
صح ؟

2 انك تعلى برجلاش دواسة الدبرياش شويه وتشوف النتيجه

ممكن مبدأياٌ تشيل الدواسه الجلد اللى تحت رجلك وتدوس دبرياش لللاخر خالص وتشوف فى صوت مع النقل زى ما هو ولا خف شويه

ولو عايز تجرب الحل التانى ومش قادر تستنى لحد يوم الجمعه لما اعملكم الموضوع بتاع رجلاش الدواسات
روح لاى ميكانيكى يعملهالك وانت واقف وخليه ميعليش كتير وشوف

وابقى طمنى بالنتيجه

**mrsailor** · 19-05-2010 02:43 AM

المشاركة الأصلية كتبت بواسطة tarek_asem

استاذ محمد ممدوح خلاصه المشكله بكل بساطه عشان اساعد حضرتك تساعدني
الفتيس كان بيرشح زيت وعالجت السبب والحمد لله كان مجرد مسمار مفكوك ... بعد ما عالجت السبب رحت ازود زيت فتيس لان لاحظت ان العربيه صوتها بيعلى على السرعات العاليه وقالولي ده نقص زيت فتيس .. بعد ما زودته بقيت بحس ان النقل بصعوبه اوي اوي يعني بكون دايس دبرياج عالاخر وبرضو بحس اني مش حايب الدواسه لاخرها .. ولما بنقل بسمع صوت زي خبط الحديد في بعضه او حاجه زي كده ... وكنت عرضت المشكله دي على حضرتك قولت لي يمكن يكون الزيت تقيل وكنا في الشتا وتقبلت الموضوع بس دلوقتي الحر دخل وبرضو المشكله زي ما هيا ...
ايه اللي اقدر اعمله في الوضع ده ؟؟ زي ما قولت لحضرتك العربيه عامله39الف ومفيش ميكانيكي لعب فيها غير يدوب تغيير الزيوت والفلاتر .. اتمنى من حضرتك المساعده الشافيه

المشاركة الأصلية كتبت بواسطة tarek_asem

مستر محمد والله مستني حضرتك من زمان ... العربيه عامله 39 الف .. بخبرتك كده عايزك تقوللي الخلاصه وتريحني من الموضوع ده

المشاركة الأصلية كتبت بواسطة tarek_asem

طب ياريت حضرتك تساعدني في موضوع التعليه والتوطيه ده .... لما اكون عايز انقل مثلا من غير ما اجيب الدواسه لآخرها ... يبقى كده يتعلى ولا يتوطى ؟؟؟ ولو عملت كده هل في بدايه الحركه هحتاج برضو ادوس الدواسه لاخرها ؟؟ ولا اللي انا بقوله ده اصلا مينفعش يتعمل ؟؟؟ انا موضوع الدبرباش ده عقدني ... من يوم ما زودت زيت وانا ندمت اني زودته ...بحس ان التروس بتخبط في بعضها وانا بنقل ... النقلات بتطلع صوت خبط

المشاركة الأصلية كتبت بواسطة tarek_asem

بس محدش عمل حاجه في دواسه الدبرياج .. يعني العربيه محدش لعب فيها خالص وبقت كده بعد ما حطيت زيت فتيس .. قولت يمكن الزيت تقيل بس الحر جه اهه والوضع زي ماهو
يعني من الاخر بعد تزويد الزيت لانه كان بيرشح لقيت التقل والخشونه دي ...حد عنده حل ؟

المشاركة الأصلية كتبت بواسطة tarek_asem

السلام عليكم ورحمه الله وبركاته
من فتره وانا حاسس ان الفتيس وانا بنقل زي ما يكون انا مش دايس على الدبرياج لاخره مع اني بابقى دايس لحد الاخر خالص .. وقريت هنا موضوع عن ان الفتيس في اللانوس زيت مش سلك .. فجه في بالي سؤال ياريت الاقي اجابه عنه .. دلوقتي لما يكون الدبرياج زيت مش مفروض ان له رجلاش ؟؟؟ يعني الفرامل لما بنبقى دايسين على الاخر ومبتفرملش كويس بنروح نرجلش ونسحب هوا منها .. هل الاحتمال ده وارد في الدبرايج كمان ؟؟؟؟انه يكون مجتاج يتسحب هوا منه مثلا ؟مع العلم اني لسه مغير زيت فرامل قريب والمشكله دي موجوده من قبله ومتأثرتش بعد التغيير ياريت حد يفيدني ولو كلامي ممكن يكون صح او نظريا مقبول ياريت حد يقوللي ازاي اعمل كده ....

العربيه دايو لانوس 2006 وعامله 39000
مغيرتش اي حاجه غير فلاتر وزيت وبس

الموضوع بسيط ان شاء الله .. ماستر الدبرياج اخد هوا .. روح للميكانيكى و خد الهواء من ماستر الدبرياج .. و بعدين بعد يومين تاخد الهواء تانى .. ممكن تلاقى الدبرياج على معاك ابقى وطيه من الصامولة اللى تحت دواسة الدبرياج من عند الصوبع .. و ياريت تقولنا عملت ايه

**MMamdouh** · 19-05-2010 03:16 AM

طالما المشكلة ظهرت بعد تزويد زيت الفتيس يبقى احتمال الزيت اللى اتحطلك 140... 39 الف كيلو بدرى اوى على تلف الدسك او ماستر الدبرياج

نزل زيت الفتيس و حط زيت شل W90

MMamdouh

**tarek_asem** · 19-05-2010 01:53 PM

المشاركة الأصلية كتبت بواسطة esamghanayem

قدامك حلين

1 انت تنزل زيت الفتيس كله وتغيره عند حد مضمون بنوع كويس لان كلامك بيقول ان مشاكلك بدأت من ساعة ما زودت زيت الفتيس
صح ؟
صح جدا

2 انك تعلى برجلاش دواسة الدبرياش شويه وتشوف النتيجه
هنغير الزيت الاول في اقرب فرصه وبعدين نشوف الرجلاش

ممكن مبدأياٌ تشيل الدواسه الجلد اللى تحت رجلك وتدوس دبرياش لللاخر خالص وتشوف فى صوت مع النقل زى ما هو ولا خف شويه
الدواسه عندي قصيره مش واصله لتحت الدواسات فمش هيا السبب

ولو عايز تجرب الحل التانى ومش قادر تستنى لحد يوم الجمعه لما اعملكم الموضوع بتاع رجلاش الدواسات
روح لاى ميكانيكى يعملهالك وانت واقف وخليه ميعليش كتير وشوف

وابقى طمنى بالنتيجه

باذن الله هوافيكم باللي حصل بس لما افضى شويه اليومين الجايين دوول عندي شغل كتييييييييييييير جدا

**MMamdouh** · 19-05-2010 02:05 PM

المشاركة الأصلية كتبت بواسطة tarek_asem

'طب مش مفروض ان دلوقتي الجو حر وده هيخلي مشكله الزيت التقيل دي متظهرش ؟؟؟ ولا برضو هتظهر ؟

مش شرط

انا كده كده هجرب انزل الزيت واحط غيره بس ايه موضوع الهوا اللي الاستاذ mrsailor بيقول عليه ؟؟؟ ياريت تفيدني

هو بيتكلم عن احتمال وجود هوا فى دايرة الهايدروليك بتاعت دواسة الدبرياج

MMamdouh

-

-

-

الموضوع: رجلاش الدبرياج ؟

LinkBack

أدوات الموضوع

عرض

-

-

-

-

-

-

-

المواضيع المتشابهه

رجلاش بدال الدبرياج فى نيسان صنى موديل 2000-2011

رجلاش النور

رجلاش النور

رجلاش النور

رجلاش وير الشنطة

الكلمات الدلالية لهذا الموضوع

المفضلات

المفضلات

ضوابط المشاركة