صباح الفل
قدامى عربية ايه 4 مانيوال موديل 2002 بتاعت مستشار عامله 35000 كم
فضى فابريكا جوه و بره
العربية دى ايه رايكم فيها مع العلم ان معايا فيكترا ايه 95 و النترا 2006
كمالياتها و اسعار قطع غايرها و السعر العادل فيها
شكراً
عرض للطباعة
صباح الفل
قدامى عربية ايه 4 مانيوال موديل 2002 بتاعت مستشار عامله 35000 كم
فضى فابريكا جوه و بره
العربية دى ايه رايكم فيها مع العلم ان معايا فيكترا ايه 95 و النترا 2006
كمالياتها و اسعار قطع غايرها و السعر العادل فيها
شكراً
عربية محترمه جدا ومتختلفش عن ال a5 كتير مميزاتها وعيوبها بالتفصيل هتلاقيهم في موضوع هنا بس لو العربية اللي قدامك لقطة متسبهاش
طناني باشا وحش منتدي أوبل...أهلا بيك في منتدي سكودا..أنا كنت عضو في أوبل أيام ما كان معايا الفيكترا الـ 97 الله لا يرجعها..المهم..العربية اللي حضرتك بتقول عليها دي تحفة,هتركبها بأمانة الله هتنسي الأوبل.
سعرها في حدود 75-79 ألف جنيه.حسب الحالة طبعا..أسعار قطع الغيار معقولة جدا وموجودة إستيراد زي كروت الشحن بالظبط.إعتمادية عالية جدا جدا جدا وحمالة قاسية أكتر من الأوبل بدون تحيز.
المميزات :-
-----------
1- موتور 1600 سي سي 102 حصان.
2- عفشة خدمة شاقة ( جدا )
3- ثبات وهمي ( بأخد بيها غرز و منحنيات علي 170 )
4- تسارع معقول من 0-100 وتسارع ممتاز من 100-210 ( سرعتها القصوي )
5- فرامل كفاءة بجد.
6- تكييف عنيف ( بس تصبر عليه دقيقتين من تشغيله )
7- 4 زجاج كهرباء و سنتر ووحدات رفع للأربع أبواب.
8- مرايات كهربه بسخانات.
9- كمبيوتر رحلات يعرض متوسط إستهلاك البنزين و متوسط السرعة وزمن الرحلة ..إلخ.
10- صالون شيك و فخم وخامات جيدة جدا.
11- إركب العربية وهتحس الفرق في القاعدة علي الكرسي بينها و بين الأوبل.
12- شنطة ( زي الحوش ) ممكن أفرش وأنام فيها.
13- الموتور متقفل تماما عكس الأوبل وصوته هادئ.
14- فوانيس ضباب أمامية ( عدسات ) وخلفية.وموتور لتحريك الإضاءة الأمامية لأعلي وأسفل.
15- نظام صوتي نقي وجميل.
العيوب :-
----------
1- الطلعة تقيلة نسبيا مقارنة باليباني والكوري ( وزن العربية فارغة 1480 كجم وممتلئة 1700 كجم تقريبا)
2- الأبواب الخلفية أحيانا بيصدر منها صوت تزييق بسيط (له علاج.
3- العفشة ناشفة شوية ( في المقابل ثبات وهمي )
4-المساحة الخلفية ضيقة نسبيا ( عشان الشنطة الواسعة جدا )
5- التوكيل بتاعها أنا شخصيا مش بحترمه لكن مهما كان مش هيكون أسوأ من منص.
نصيحتي ليك توكل علي الله...وصلي إستخارة الأول وأنا في الخدمة في أي وقت
معروضة على كام يا طنانى باشا, عرفنا بردو لو مش ناوى تخلص فيها, أنا مصدعك معايا انا عارف
سعادة طناني باشا طبعا ماتفوتش الفرصة ديه ،عربية جامدة و اسعار قطع غيارها مقدور عليها و منتشرة انتشار رهيب و هي سعرها تقريبا من 75 - 79 و حسب طبعا الحالة اللي قدامك توكل علي الله و هتنبسط منها ان شاء الله عز و جل0