الموضوع: وحوش السيفيا انتظروا منى كولد اير ان تاك كامل مع التعديلات و الخطوات كاملة

معاك ياكبير
وبمناسبة العزل الحراري انا برضو ناوي اعزل مواسير الفريون عشان الصيف الحلو ده

معاك ياباشا علشان التكييف في الصيف بيبقى كويس لكن لو العربيه في الصيف وقفت في اشاره وسخنت من الجو التكييف بيضعف

بعدين انا كذا مرة اكلمك و متردش عليا .. ماشى يا عم عزبى لما اشوفك ..

واللهي ماشوفت منهم حاجه بس عموما لو انت جاي الخميس انا اللي هكلمك

بس هل عزل مواسير الفريون بيفرق فى التكيف .. ؟؟؟

معاك ياباشا علشان التكييف في الصيف بيبقى كويس لكن لو العربيه في الصيف وقفت في اشاره وسخنت من الجو
التكييف بيضعف

عارف لما بتركن عربيتك في الشمس وتيجي تدور و تشغل التكييف على اعلي سرعه للمروحه وتقفل السيركل كمان تلاقي مفيش منه اي رجا وتلاقيه بيجيب هوا سخن ومرطب
ومهما مشيت بالعربيه في الوضع ده التكييف مش هيشد حيله ابدا
ليه بقى؟ لأن من حرارة حوض الموتور ولأن المواسير اللي فيها الفريون مش معزوله في السيفيا فالفريون بيكون وضعه ساعتها غاز وسخن ودرجه حرارته دي بعيده عن الدرجه اللي تخليه يتحول لسائل وهي دي اصلا وظيفة الفريون انه يفضل يتحول من سائل لغاز ومن غاز لسائل ويمتص الحراره من الهوا اللي راجع من الصالون ويديله البروده
ففي الحاله بتاعتنا دي الفريون من سخونيته مبيقدرش يتحول لسائل اصلا فبالتالي بنبدأ دوره التبريد غلط وبتستمر غلط
عشان كده بقى انا هعزل مواسير الفريون عشان تبعد المواسير دي عن حراره الجو اللي بتوصل للفريون لما بتركن في الشمس وكمان وانت ماشي بالعربيه يبقى الفريون معزول عن حرارة الموتور

العزل بقى هيتعمل ازاي وبأيه؟
هنجيب ماده العزل دي من عند الناس بتوع التكييفات والتبريد في شارع الجمهوريه وهنركبها احنا لأن الموضوع مش صعب خالص وهيبقى شكله في النهايه زي الخرطوم اللي بيدخل الهوا البارد في التكييف بتاع البيوت

أخر حاجه عاوز اقولها عشان انا رغيت كتير اوي
ده مش اختراع في عربيات كتير بتنزل معزوله كده وهو ده اللي طلع الفكره في دماغي وسئلت فيها وننفذها سوا ان شاء الله