الموضوع: السراتو و الشد

المشاركة الأصلية كتبت بواسطة bolok

طب بما انك معاك الاتنين .. طبعا مش حنقارن السيراتو ب البي ام بس يعني لو ممكن نعرف الفرق اللى بتحسو بين الاتنين ... ومستوى السيراتو عامل ايه بالمقارنة مع البي ام

مثلا السيراتو اوسع والقعدة اريح والكراسى اكبر شوية وتحس كدا ان التابلوه كبير
اعلى من البى ام والشنطة اكبر شوية
الثبات مش هينفع اقارن عشان البى ام فيها DSC او ESP يعنى والسيراتو مفيهاش .. فدا لوحده بيفرق جامد جدا
بس السيراتو لو دخلت ملف بيها على سرعة علية فوق 140 بحسها ماسكة نافسها والظهر مش هيروح بسهولة .. البى ام العربية فى الملف بتميل شوية بس دا تقريبا عشان كل عجلة مستقلة بذاتها مش بتحمل على العجلة اللى قصدها بس طبعا صعب جدا الظهر يلعب عشان الDSC
السيراتو نفس طول البى ام بالظبط بس البى ام اعرض سنة
الكماليات البى ام فيها طبعا iDrive بس لو 318 مثلا او 316 يبقى فرق الكماليات مش كبير
الجنط اكبر واعرض فى السيراتو
البى ام انعم من السيراتو فى العفشة بس مش بكتير يعنى عشان فيها عجل runflat فا بينشف العفشة شوية وبيحسسك بالحاجات اللى فى الطريق
التكييف احسن فى السيراتو فى التبريد بس البى ام فى ميزة الdual zone
موتور البى ام طبعا اقوى عشان 2000cc بس موتور السيراتو مثلا اشد من ال316
الباور فى السيراتو انعم مع ان فيها جنط اكبر واتقل
مرايات السيراتو الجانبية احسن بتوفر رؤية افضل شوية
صوت الكاسيت احسن فى السيراتو بس لو مش معلى اوى .. البى ام الbass بتاعها مش حلو شوية وتحس ان الصوت مكتوم سنه
نور العربية السيراتو افضل شوية من البى ام بحسه ضعيف
طبعا جودة الخامات والتقفيل معروفة لمين طبعا
بس البى ام باردوا فيها مشاكل حتى لو كانت فردية يعنى مش عربية ملاك .. انا غيرت مكنة الباور والعربية تقريبا عاملة 2500 كيلو مثلا ودلوقتى فى subwoofer بيعمل صوت غريب بس لو معلى وماشى اكتر من 100 وزرار التليفون بتاع الـ idrive بقى تقيل وعايز يتظبط تقريبا وواحد صحبى غير ال4 طنابير فى 316 كوبيه على 22 الف كيلو
عزل الصوت احسن فى البى ام مع ان السيراتو عزلها كويس جدا بس البى ام ممتاز
السيراتو فيها حساسات ركن واماكن تخزين اكتر بكتير
فتيس البى ام 6 نقلات
قطع غيار البى ام والصيانة غالية جدا عن السيراتو وفى اعادة البيع سعرها بينزل شوية حلوين

هو طبعا البى ام كمجمل احسن من السيراتو بس مفيش عربية احسن فى كل حاجة او اوحش فى كل حاجة لازم يبقى فى حاجات بتتفوق عليها عن العربية اللى بتتقارن بيها حتى لو صوت الكلاكس :)

المشاركة الأصلية كتبت بواسطة alzwawy

اكيد محدش اصلا هيستجيب لطلبك كله هيخاف بي ام قدام سيراتو اكيد السيراتو هتكسب
انما لما تركب السيراتو متقوليش انا عارف بيعملو ايه اصلي علي طول راكبها و عارف ايه الي بيحصل
مش عارف اشمعنه لما بركب الاسكودا محدش بيبصلي حتي

والله انا بحب العربية السيراتو دى جدا مش عارف ليه :) ممكن عشان مبتكسفنيش

المشاركة الأصلية كتبت بواسطة Ahmed Samy

أنا مبطل شد من يوم صينية "المقلوبة" اللي عملتها


ههههههههههههههههه

ربنا يستر طريقكو

ربنا يستر طريقك يا باشا وعقبال ان شاء الله الحتة الs-class