سؤال غريب ؟

**sefo** · 17-05-2010 03:54 PM

طيب يا جماعه خلونا نكون منطقين ونقيم الامور بحياديه ونضع كل شى فى نصابه
التعليم 00000000000000000000000كام من عشره
الرعايه الطبيه............................كام من عشره
الاسكان ولو محتاج شقه مثلا كانسان طبيعى محتاج تبدا حياتك؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟
الرقابه على الاغذيه ومدى توفرها واسعارها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟(الاختام على اللحوم بتصيب الناس بالعمى -الاسمده المسرطنه -القمح المسوس )
البيئه والهواء اللى بتشمه والمياه اللى بنشربها.......................قيم وقولى
مستوى الدخل مقارنه بالاسعار ..........................قيم وقولى
الضرايب .................................. والعائد المقابل للضريبه المدفوعه....قيم وقولى
الطرق ونظافتها واد ايه هى مسفلته وبدون خواز,,,,,,,,,,,,,,, وانتا ماشى ....قيم وقولى
كل ده ميمنعش اننا بنحب بلدنا بس مستنين منها ايه واحتمال هى تدينا ايه ؟؟؟؟؟؟؟؟

**the-hero** · 17-05-2010 11:39 PM

يعنى خلاص بقى نروح ننتحر احسن
وايح حكاية جرب جرب جرب
تقريبا انا مجرب 99% من اللى قولته
جرب بقي انت تكون ماشي فى شارع ويجى واحد يخبطك ويقتلك كدا بدون سبب مجرد بجاحة وزهق منه
جرب تاكل كل حاجه ومتلاقيش لها طعم
جرب تقعد فى جو مفيهوش اقل نسمة
جرب تمشي فى شارع طويل عريض لوحدك
جرب تبقى ماشى حتى السلام ميتردش عليه
جرب متلاقيش جدعنة ولا شهامة ولا رجولة ولاد البلد
جرب يبقي معاك كل حاجة ومش عارف تعمل اى حاجه
جرب يبقي معاك فلوس كتييير ومقضيها اكل ولعب وهذار
جرب متلاقيش ليك عزوة ولا سند
جرب تعيش ماديا مرتاح ومعنويا مدمر
جرب محدش يحس بيك ولو وقعت من طولك فى شارع
جرب وقت فراغ قاتل للاسف مش هتلاقى حاجه تعملها
اقول ايه ولا ايه
نعيب زماننا والعيب فينا وما لعيب لزماننا سوانا
ونهجو الزمان بغير زنب ولو نطق زمننا لنا هجانا
حسبنا الله ونعم الوكيل

**eng.octooo** · 17-05-2010 11:51 PM

دوك احمد قال الى فية الخلاصة

وانا بحب مصر مش عارف لية ؟؟ 0 يمكن علشان لسة طالب زى ما احمد قال )

بس لو خيرونى انى اكون فى مكان تانى ومعايا جنسيتة هاختار دبى

**amr mokhtar** · 17-05-2010 11:58 PM

المشاركة الأصلية كتبت بواسطة the-hero

يعنى خلاص بقى نروح ننتحر احسن
وايح حكاية جرب جرب جرب
تقريبا انا مجرب 99% من اللى قولته
جرب بقي انت تكون ماشي فى شارع ويجى واحد يخبطك ويقتلك كدا بدون سبب مجرد بجاحة وزهق منه
جرب تاكل كل حاجه ومتلاقيش لها طعم
جرب تقعد فى جو مفيهوش اقل نسمة
جرب تمشي فى شارع طويل عريض لوحدك
جرب تبقى ماشى حتى السلام ميتردش عليه
جرب متلاقيش جدعنة ولا شهامة ولا رجولة ولاد البلد
جرب يبقي معاك كل حاجة ومش عارف تعمل اى حاجه
جرب يبقي معاك فلوس كتييير ومقضيها اكل ولعب وهذار
جرب متلاقيش ليك عزوة ولا سند
جرب تعيش ماديا مرتاح ومعنويا مدمر
جرب محدش يحس بيك ولو وقعت من طولك فى شارع
جرب وقت فراغ قاتل للاسف مش هتلاقى حاجه تعملها
اقول ايه ولا ايه
نعيب زماننا والعيب فينا وما لعيب لزماننا سوانا
ونهجو الزمان بغير زنب ولو نطق زمننا لنا هجانا
حسبنا الله ونعم الوكيل

طيب مش يمكن انت حاسس بالحاجات دى عشان انت فى الغربة؟
يعنى لو انت من أهل بلد تانية زى المانيا مثلآ
أكيد برضه هيبقى عندك أهلك و ناسك و عزوتك....يمكن مش زى هنا.... بس فى المقابل انت عايش فى نظام محترم

**A7MED_PHARMA** · 17-05-2010 11:59 PM

المشاركة الأصلية كتبت بواسطة the-hero

يعنى خلاص بقى نروح ننتحر احسن
وايح حكاية جرب جرب جرب
تقريبا انا مجرب 99% من اللى قولته
جرب بقي انت تكون ماشي فى شارع ويجى واحد يخبطك ويقتلك كدا بدون سبب مجرد بجاحة وزهق منه

بقا بيحصل في مصر أكتر من كده ...وبشكل رسمي كمان..فاكر قضية اللاعب مشهور إلي ظابط الشطرة قتله في الشارع كده

جرب تاكل كل حاجه ومتلاقيش لها طعم

تحية طيبة لوزارة الزراعة ..والأكل إلي الناس مابقتش قادرة تاكله ..وساعات بتاكل حمير وكلاب

جرب تقعد فى جو مفيهوش اقل نسمة

شوف جو مصر عامل إزاي ...السحابة السودا بتاعتنا ضربت السحابة البركانية على عينها

جرب تمشي فى شارع طويل عريض لوحدك

ساعتها همشي مستريح

جرب تبقى ماشى حتى السلام ميتردش عليه

وده الي بيحصل حوالينا دلوقتي ....مين دلوقتي بيقول السلام عليكم ...الناس ماشية تايهة

جرب متلاقيش جدعنة ولا شهامة ولا رجولة ولاد البلد

ومين قال إن المصريين لسه جدعان......شوف الحوداث اليومية في مصر

جرب يبقي معاك كل حاجة ومش عارف تعمل اى حاجه

والله العظيم لو معايا حاجة تزيد عني ....هديها لأي حد يحتاجها وببلاش(بتكلم عن نفسي وشخصيتي)
وأقولك كمان ...الناس تلاقي تاكل الاول

جرب يبقي معاك فلوس كتييير ومقضيها اكل ولعب وهذار

مش مقياس ..هما مهابيل..هما حرين
إحنا موضوع كلامنا هنا عن الخيارات المتاحة قدامك..مش عن طريقة إستغلالك ليها

جرب متلاقيش ليك عزوة ولا سند

هما حرين في خياراتهم

جرب تعيش ماديا مرتاح ومعنويا مدمر

طيب جرب إنت تعيش ماديا مدمر ..ومعنويا مدمر..وكرامتك مدمرة...وكل حاجة في حياتك مدمرة

جرب محدش يحس بيك ولو وقعت من طولك فى شارع

يعني ده مش بيحصل في مصر ...وبعدين بكرر
إحنا بنتكلم عن الخيارات...ومش كيفية إستغلالها

جرب وقت فراغ قاتل للاسف مش هتلاقى حاجه تعملها

نفس الاجاية السابقة

اقول ايه ولا ايه
نعيب زماننا والعيب فينا وما لعيب لزماننا سوانا
ونهجو الزمان بغير زنب ولو نطق زمننا لنا هجانا
حسبنا الله ونعم الوكيل

أنا مش بقول إننا خاليين من العيوب..لكن بص حواليك
وقولي إننا بنعيش كشعب عريق..صاحب حضارة

**A7MED_PHARMA** · 18-05-2010 12:10 AM

أنا بحب بلدي
وأنا مش هكون الفأر إلي هيهرب من السفينة لما تغرق

مصر بتغرق...وأنا هفضل معاها
ياإما نلحقها ..أو نغرق معاها
.................................................. ..................................
الأخ صاحب الموضوع
بكل الحب ..وبدون عصبية

أنا لما كنت طالب..كنت أقعد قدام التليفزيون وأسمع الناس تتكلم وتقول الزيت بقا غالي ..والبنزين بقا غالي..ومش عارف إيه بقا غالي
كنت بسمع الكلام ده
وكنت بقوم أعمل كُباية شاي وأكل معاها بقسماط..
عادي
مكنش في دماغي ..مكنتش شايف حاجة..علشان الموضوع مكنش بيهمني بشكل مباشر

لكن دلوقتي
أنا دخلت المعمعة ..إلي إنت هتدخلها
وتلاقي قدامك دخل شهري محدود
ومطلوب منك تاكل زي الناس ..وتشرب زي الناس ..وتعلم أولادك زي الناس...وتسكن زي الناس...وتركب عربية زي الناس
وغير كده
إنت راجل بتدفع ضرايب
يعني حقك إنك تمشي في طريق نظيف
وحقك على الموظف(إلي بيقبض فلوس من الضرايب بتاعتك)إنه يخلص مصلحتك
وحقك على ظابط الشرطة(إلي بيقبض فلوس من الضرايب بتاعتك) إنه يحترمك
وحقك على الحكومة(إلي بتقبض فلوس من الضرايب بتاعنك)إنها تأمن ليك الميه والكهربا والغاز
وأديك شوفت أزمة الغاز
والكارثة بتاعت دول حوض النيل إلي جاية
والكهربا إلي كل شويه تقطع

لكن للأسف
ده كله مش بيحصل

وبكره صدقني هتشوف..

**HolyShift** · 18-05-2010 12:44 AM

ألذ حاجه فى البلد دى بجد ان كل حاجه صعبه ومقرفه وزباله , لم تحس انك انجزت شئ صغير بتفرح بيه جدا , لو كانت الدنيا بمبى على طول مش هيبقى ليها طعم وهتلاقى الناس مكتئبه من كتر الرفاهيه .

بلاش دلع و اتعاملوا مع الواقع الصعب

**hany_mohamed** · 18-05-2010 12:45 AM

فيه جنسية حلوة موجودة فى الخليج اسمها ...... البدون
يعنى بدون جنسية
حاجة فلة شمعة منورة
ياريت يا صديقى تعد معايا
الجنود المصريين اللى اضربوا على حدود سيناء
السفير المصرى اللى اغتيل فى العراق
الشهيدة مروة الشربينى اللى كل يوم بعدى على طريق المقابر المدفونة فيها وببقى مكسوف علشان معرفناش نوفر لها الحماية او نردع قاتلها قبل ارتكاب جريمته
حتى الصوماليين مفيش احترام للامن القومى المصرى و عاوزين مفيش مركب تعدى على قناة السويس
والدول الافريقية اللى عاوزة تحول مجرى نهر النيل وليس تخزين المياة كما يتخيل المسئولون
البهدلة اللى بيشوفها المصريين بمجرد ابراز جواز السفر " المميز جدا " فى المطارات والمعاملات غير اللائقة من اللا أشقاء
اطلع سيادتك سافر كده البلاد العربية وشوف المرمطة فى عيون معينة وعلى طول حتعرف جنسيتهم
طالع بنود التأشيرات فى لبنان للمصريين تحت بند رسم بطاقة الإقامة السنوية لمواطني جمهورية مصر العربية
هتلاقى الكلام عن عمال الخدم المنزلى فى أكثره
هه أقول أكتر

-

-

الموضوع: سؤال غريب ؟

LinkBack

أدوات الموضوع

عرض

-

-

-

-

-

-

المواضيع المتشابهه

سؤال غريب

سؤال غريب!!!!!!

سؤال غريب في ال 405

سؤال غريب

سؤال غريب

الكلمات الدلالية لهذا الموضوع

المفضلات

المفضلات

ضوابط المشاركة